လက်ရှိ နိုင်ငံရေး အခြေအနေအပေါ် ဒေါ်စု သဘောထားများ အနှစ်ချုပ်

၂၅-၈-၂ဝ၁ဝ နေ့က အမျိုးသားဒီမိုကရေစီအဖွဲ့ချုပ် ရုံးခန်းတွင် ပြုလုပ်သော သတင်းစာရှင်းလင်းပွဲ၌ ဦးဥာဏ်ဝင်းမှ ပြောပြသည့် လက်ရှိ နိုင်ငံရေး အခြေအနေများနှင့် ပတ်သက်၍ ဒေါ်အောင်ဆန်းစုကြည်၏ သဘောထား အနှစ်ချုပ်


  1. ရွေးကောက်ပွဲမှာ NLD ကို မဲပေးချင်သည့် လူထုအနေဖြင့် NLD မရှိချိန်မှာ မဲမပေးဖို့သာရှိ။
  2. အသံလွှင့် သတင်းဌာန၊ သတင်းစာ၊ မီဒီယာများမှာ တွေ့မြင် ကြားသိနေရသည့် ရွေးကောက်ပွဲနှင့် ပတ်သက်၍ ခြိမ်းခြောက်မှု၊ လှည့်ဖျားမှု၊ ပြည်သူလူထုမှ မသိ နားမလည်ခြင်းကို အခွင့်ကောင်းယူ အမြတ်ထုတ်မှုမျိုးကို လက်မခံနိုင်။
  3. တိုင်းပြည် စီးပွားရေး အခြေအနေ မကောင်းလို့ ရွေးကောက်ပွဲမှာ ငွေကြေးထောက်ပံ့ဖို့ အခက်အခဲ ရှိနေကြောင်းကို (ဘီဘီစီ -မြန်မာ) မှ ကြားသိရ၍ စိတ်မကောင်းဖြစ်။
  4. ဘီဘီစီ၊ ဗီအိုအေ အစရှိ အသံလွှင့် သတင်းဌာနအားလုံးသည် ဒေါ်အောင်ဆန်းစုကြည် အပါအဝင် ပြည်သူလူထု အားလုံးအတွက် နားထောင်နိုင်ဖို့ အားကိုးရ။
  5. ရွေးကောက်ပွဲ ကျင်းပမည့်နေ့ကို အချိန်ကပ်၍ ကြေညာခြင်းသည် မတရား၊ ပြည်သူလူထုကို မလေးစားခြင်း ဖြစ်သည်ဟု ထင်မြင်။
  6. Freedom of expression နဲ့ freedom of information ၊ သတင်းရယူခွင့်၊ သတင်းထုတ်ပြန်ခွင့်၊ မိမိဆန္ဒကို လွတ်လပ်စွာ ထုတ်ဖော်ခွင့် စသည်များ မပါရှိပဲ တရားမျှတသော ရွေးကောက်ပွဲ မဖြစ်နိုင်။
  7. ၂ဝဝ၈ အခြေခံဥပဒေအရ နောင်ဖြစ်လာမည့် အစိုးရကို ပြည်သူ့လွှတ်တော်မှ ထိန်းကျောင်း ကြပ်မတ်နိုင်ခြင်း မရှိ။ အဆိုပါ အစိုးရမျိုးသည် ပြည်သူ့လွှတ်တော်မှ တည့်မတ်နိုင်သော အစိုးရမျိုး မဖြစ်၊ ထိုအစိုးရမျိုးသည် သမတ လွှမ်းမိုးသော အစိုးရမျိုး ဖြစ်မည် စသည်တို့ကို ပြည်သူလူထုက လေ့လာဖို့ သင့်။
  8. ၂ဝဝ၈ အခြေခံဥပဒေ ပြဌာန်းချက်များမှ တရားမျှတမှု မရှိသောအချက်များ၊ ရွေးကောက်ပွဲ ဆိုင်ရာ ဥပဒေများမှ တရားမျှတမှု မရှိသော အချက်များကို ပြည်သူလူထု သိရှိအောင် ဥပဒေ ပညာပေးများ လုပ်ပေးဖို့ လိုအပ်။
  9. မဲဆန္ဒရှင်တဦးက ထိုသို့သော တရားမျှတမှု မရှိသည့် အချက်များကို မသိပဲ မဲပေးခဲ့လျှင် အဓိပ္ပာယ် မရှိ။
  10. “ဥပဒေ ဆိုတာ တရားမျှတ ရမယ်။ လူတွေအားလုံးက (ဥပဒေ ထုတ်သူတွေ၊ ထိန်းပေးရတဲ့ သူတွေကအစ အားလုံး) တရားမျှတတဲ့ ဥပဒေကို လိုက်နာကြရမယ်။ အခုဟာက ဥပဒေ ကိုယ်တိုင်က တရားမျှတမှု မရှိဘူး။ ဒါ့အပြင် ဥပဒေကို ထုတ်သူ၊ ထိန်းသိမ်းကြီးကြပ်ရသူတွေ ကိုယ်တိုင်ကလည်း ဥပဒေကို မလိုက်နာဘူး။ ဒါဟာ မင်းမဲ့စရိုက် (Anarchy) ဖြစ်နေတယ်”(ဤသဘောကို ဆောင်သော စကားလုံးများကို ပြင်လည်ပြင်ဆင် ဖော်ပြခြင်း ဖြစ်သည်။)
  11. မြန်မာပြည်သူတို့အနေဖြင့် ရွေးကောက်ပွဲကို စိတ်ဝင်စားသင့်၊ ပြည်သူလူထုက မဲဆန္ဒရှင်များ ဖြစ်သည့်အတွက် ရွေးကောက်ပွဲ ဥပဒေများက တရားမျှတမှု မရှိလျှင် ယခုလက်ရှိပုံစံအတိုင်း ငြိမ်ခံမနေပဲ ရဲစခန်းသို့ တိုင်တန်းနိုင်။
  12. မဲရုံများကို စောင့်ကြည့်ပြီး မှန်ကန်မှု ရှိ-မရှိ စောင့်ကြည့် ဖော်ထုတ်ခြင်း (Monitor) ၏ အဓိပ္ပာယ်နှင့် လုပ်ရပ်ကို လူထုအနေဖြင့် အရင်ဦးစွာ သဘောပေါက် နားလည်နေအောင် ပြောဆိုပေးကြရန်၊ လူထုက ထိုသို့သိရှိလာမှသာ လိုအပ်သလို အရေးယူ ဆောင်ရွက် တိုင်တန်းနိုင်မှာဖြစ်။ တနည်းအားဖြင့် လူထုကို သိရှိအောင် ပညာပေးခြင်း (Public awareness) လုပ်ဖို့ လိုအပ်။

…………………………………………………….

အထက်ပါ အနှစ်ချုပ်မှာ  Burma Today တွင် ဖော်ပြထားသော အင်တာဗျူးမှ စကားပြောများကို  အနှစ်ချုပ်ထားခြင်း ဖြစ်သည်။

လွင်အောင်စိုး

……….

Advertisements

၂ဝ၁ဝ ရွေးကောက်ပွဲကို ကမ္ဘာအနှံ့ တပြိုင်တည်း ကန့်ကွက် ဆန္ဒပြကြပါစို့

၁၊  အမျိုးသားဒီမိုကရေစီအဖွဲ့ချုပ်၊ လွတ်မြောက်နယ်မြေ၊ ဂျပန်ဌာနခွဲ (NLD-LA – JB)

၂၊  မြန်မာ့ဒီမိုကရေစီ အဖွဲ့ချုပ် (LDB)

၃၊  Burma Democratic Action (BDA)

၎၊  Democratic Federation of Burma (DFB)

၅၊  ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ ချုပ်  (နိုင်ငံခြားရေးရာကော်မတီ) (ABFSU)

၆၊  လူ့ဘောင်သစ် ဒီမိုကရက်တစ် ပါတီ၊ ဂျပန်ဌာနခွဲ (DPNS)

၇၊  BRSA

၈၊  Save Burma

၉၊  Peaceful Burma

၁ဝ၊  မြန်မာနိုင်ငံသား အလုပ်သမားသမဂ္ဂ အဖွဲ့ချူပ် (ဂျပန်ပြည်) (FWUBC)

၁၁၊  အလင်းအိမ်

၁၂၊  National Democratic Front (Burma) NDF (B) Representative for Japan

၁၃၊  Palaun National Society (PNS)

၁၄၊  Arakan League for Democracy (Exile-Japan)

၁၅၊  Chin National Community-Japan (CNC-Japan)

၁၆၊   မြန်မာနိုင်ငံ ဟော်တယ်နှင့် စားသောက်ဆိုင် အလုပ်သမားများ သမဂ္ဂ၊ ဂျပန် (HRWUB)

၁၇၊  မြန်မာနိုင်ငံ ပင်လယ်ပျော်များ သမဂ္ဂ၊ ဂျပန်

၁၈၊ အဟာရစာစောင်၊ ဂျပန်

၁၉၊  Human Resource Development Program (HRDP)

၂ဝ၊  SCI

၂၁၊ (England) Burma Democratic Concern (BDC)

၂၂၊  Punnyagari Mon National Society (PMNS)

၂၉-၈-၂ဝ၁ဝ အစည်းအဝေး မှတ်တမ်း

ဂျပန်နိုင်ငံရှိ မြန်မာ့ဒီမိုကရေစီ အင်အားစုများ၏ အဖွဲ့ပေါင်းစုံ ဒုတိယအကြိမ် ညှိနှိုင်းဆွေးနွေးပွဲ

၂၉-၈-၂ဝ၁ဝ၊ မနက် ၉ နာရီမှ မွန်းတည့် ၁၂ နာရီထိ

Recycle Center, Takadanobaba, Shinjuku-ku, Tokyo

အစည်းအဝေး မှတ်တမ်း

ဂျပန်နိုင်ငံရှိ မြန်မာ့ဒီမိုကရေစီ အဖွဲ့ပေါင်းစုံမှ ၂၉-၈-၂ဝ၁ဝ နေ့က Recycle Center တွင် ကျင်းပသော အစည်းအဝေး၌ အောက်ပါအချက်များကို ဆွေးနွေး ဆုံးဖြတ် အတည်ပြုခဲ့ကြပါသည်။

  1. “၂ဝ၁ဝ ရွေးကောက်ပွဲကို ဆန့်ကျင်ရေး” ဟူသော တိကျသည့်ရည်ရွယ်ချက်ကို အဆိုပါ ရွေးကောက်ပွဲ ပြီးသည့်အချိန်ထိ အချိန်အကန့်အသတ်ဖြင့် အကောင်အထည်ဖော် လှုပ်ရှားရန် အတွက် “၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)”၊ အင်္ဂလိပ်ဘာသာဖြင့် 2010 Election Boycott Committee (Japan) ကို အောက်ပါ အဖွဲ့အစည်းများဖြင့် စတင် ဖွဲ့စည်း လိုက်သည်။

၁၊  အမျိုးသားဒီမိုကရေစီအဖွဲ့ချုပ်၊ လွတ်မြောက်နယ်မြေ၊ ဂျပန်ဌာနခွဲ (NLD-LA – JB)

၂၊  မြန်မာ့ဒီမိုကရေစီ အဖွဲ့ချုပ် (LDB)

၃၊  Burma Democratic Action (BDA)

၎၊  Democratic Federation of Burma (DFB)

၅၊  ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ ချုပ်  (နိုင်ငံခြားရေးရာကော်မတီ) (ABFSU)

၆၊  လူ့ဘောင်သစ် ဒီမိုကရက်တစ် ပါတီ၊ ဂျပန်ဌာနခွဲ (DPNS)

၇၊  BRSA

၈၊  Save Burma

၉၊  Peaceful Burma

၁ဝ၊  မြန်မာနိုင်ငံသား အလုပ်သမားသမဂ္ဂ အဖွဲ့ချူပ် (ဂျပန်ပြည်) (FWUBC)

၁၁၊  SCI

၁၂၊  အလင်းအိမ်

၁၃၊  National Democratic Front (Burma) NDF (B) Representative for Japan

၁၄၊  Palaun National Society (PNS)

၁၅၊  Arakan League for Democracy (Exile-Japan)

၁၆၊  Chin National Community-Japan (CNC-Japan)

၁၇၊  မြန်မာနိုင်ငံ ဟော်တယ်နှင့် စားသောက်ဆိုင် အလုပ်သမားများ သမဂ္ဂ၊ ဂျပန် (HRWUB)

၁၈၊  မြန်မာနိုင်ငံ ပင်လယ်ပျော်များ သမဂ္ဂ၊ ဂျပန်

၁၉၊  အဟာရစာစောင်၊ ဂျပန်

၂ဝ၊  Human Resource Development Program (HRDP)

၂၁၊  Punnyagari Mon National Society (PMNS)

မှတ်ချက်၊ ပူးပေါင်းပါဝင်လာမည့် နောက်ထပ် အဖွဲ့များကိုလည်း ဖော်ပြပေးသွားမည် ဖြစ်သည်။

  1. ၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)၏ လုပ်ငန်းစဉ်များကို ဆွေးနွေး ညှိနှိုင်းခဲ့ပြီး ယင်းတို့အနက် လောလောဆယ်တွင် ရွေးကောက်ပွဲဆိုင်ရာ အသိပညာပေး လုပ်ငန်းများ (Electoral public education) ကို ဆောင်ရွက်မည်ဖြစ်သည်။ အနာဂတ် ကံကြမ္မာ ဆုံးဖြတ်ခံရမည့် မြန်မာပြည်သူ တရပ်လုံးအား ရွေးကောက်ပွဲ၊ ရွေးကောက်ပွဲ ဥပဒေများ၊ ဆန္ဒမဲ၊ နိုင်ငံရေး လှုပ်ရှားနိုင်ခွင့် အခြေအနေ စသည်တို့၏ အခြေခံအချက်များ၊ တန်ဖိုးများနှင့် အကျိုးသက်ရောက်ပုံများဆိုင်ရာ အသိပညာပေး လုပ်ငန်းများကို ဆောင်ရွက်မည် ဖြစ်သည်။
  2. လူထုအား နှိုးဆော်ရေး (Public awareness campaign) အတွက် ပထမအကြိမ် အစည်းအဝေး၌  ဆုံးဖြတ်ထားသည့် Global Action Campaign အစီအစဉ်ကို ဆက်လက် ဆွေးနွေးခဲ့ပါသည်။  ၁၈-၉-၂ဝ၁ဝ နေ့တွင် တိုကျိုမြို့တော်၌ နေ့လည် ၂ နာရီ လူစုကာ အခမ်းအနား စတင်ပြီးနောက် နေ့လည် ၃ နာရီမှ စတင်ထွက်ခွာ ချီတက်ဆန္ဒပြမည် ဖြစ်ကြောင်း ဆုံးဖြတ်အတည်ပြုခဲ့ပါသည်။ (တရားဝင် ဖိတ်ခေါ်စာကို မကြာမီ ထုတ်ပြန်ပါမည်။) ထို့ပြင် Global Action Campaign ကို ပိုမို ကျယ်ပြန့်ထိရောက်စွာ လှုပ်ရှားနိုင်ရေးအတွက် မိမိတို့ လက်လှမ်းမီရာ နိုင်ငံတကာ မြန်မာအဖွဲ့အစည်းများထံ လက်ဆင့်ကမ်း အကြောင်းကြားပေးကြရန် အတည်ပြုသည်။
  3. နောက်တပါတ်အကြာ လာမည့် တနင်္ဂနွေနေ့ (၅-၉-၂ဝ၁ဝ) နေ့လည် (၁) နာရီမှ ညနေ (၄) နာရီထိ AUN ရုံးခန်းတွင် အဖွဲ့ပေါင်းစုံ တတိယအကြိမ် အစည်းအဝေး ကျင်းပရန် ဆုံးဖြတ်သည်။
  4. ၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)၏ ပြန်ကြားရေးလုပ်ငန်းများကို လောလောဆယ်တွင် ကိုရဲငြိမ်း (အလင်းအိမ်) (ဖုန်း- 080-5070-0080) မှ တာဝန်ယူ ဆောင်ရွက်ပေးနေမည် ဖြစ်သည်။

………………………

အစည်းအဝေး တက်ရောက်သူများ စာရင်း

ပြည်သူတွေရဲ့အလှည့်

ပြည်သူတွေရဲ့အလှည့်

၁။ နအဖ ကျင်းပမယ့် ရွေးကောက်ပွဲဟာ ဘယ်လိုရွေးကောက်ပွဲမျိုးလဲ။

၁၉၈၈ ခုနှစ်ကတည်းက စတင်ခဲ့တဲ့ စစ်တပ်ရဲ့ နိုင်ငံရေးအာဏာ ချုပ်ကိုင်မှုကို ဆက်လက် သက်ဆိုးရှည်အောင် လုပ်ပေးမယ့် ရွေးကောက်ပွဲ ဖြစ်ပါတယ်။

၂။ နအဖက ဘာကြောင့် ရွေးကောက်ပွဲ လုပ်ရတာလဲ။

စစ်တပ်ဆိုတဲ့ အမည်နဲ့ မြန်မာနိုင်ငံကို ဆက်လက် အုပ်ချုပ်လို့ မရဘူးဆိုတာကို နအဖစစ်ခေါင်းဆောင်တွေ လက်ခံထားတဲ့အတွက် စစ်တပ်အုပ်ချုပ်မှုကို အသွင်ပြောင်းပြီး မြန်မာနိုင်ငံမှာ လူထုကနေ  ရွေးကောက် တင်မြှောက်တဲ့ အရပ်သားအစိုးရ ရှိနေပါပြီ ဆိုတာကို နိုင်ငံတကာကိုပြဖို့ ရွေးကောက်ပွဲလုပ်တာဖြစ်ပါတယ်။

၃။ ဘယ်သူ့မှာ အဓိက အာဏာ ရှိမှာလဲ။

၂၀၀၈ ဖွဲ့စည်းပုံ အခြေခံဥပဒေအရ ကာကွယ်ရေး ဦးစီးချုပ်ဟာ အာဏာအရှိဆုံး ဖြစ်မှာပါ။ အနာဂတ် မြန်မာ နိုင်ငံမှာ စစ်တပ်က အစိုးရအဖွဲ့အတွင်းမှာ အဓိကကျတဲ့ သမတ၊ ပြည်ထဲရေး၊ ကာကွယ်ရေး၊ တရားရေး၊ နယ်စပ်ဖွံ့ဖြိုးရေး စတဲ့ ရာထူးတွေကို စစ်တပ်ကပဲ ရယူထားမှာပါ။ ကာကွယ်ရေးဦးစီးချုပ်ကို အရေးပေါ် အခြေအနေမှာ အာဏာသိမ်းနိုင်တယ် ဆိုပြီး အာမခံချက်ပေးထားပါတယ်။

၎။  နိုင်ငံတကာက ပြောသလို လွတ်လပ်ပြီး တရားမျှတတဲ့ ရွေးကောက်ပွဲ ဖြစ်မှာလား။

ရွေးကောက်ပွဲ ကော်မရှင်ကို နအဖစိတ်ကြိုက်လူတွေနဲ့ ဖွဲ့ထားပါတယ်။ ကော်မရှင် အကြီးအကဲဟာ စစ်ဥပဒေချုပ် ဖြစ်ခဲ့ပါတယ်။ နိုင်ငံရေးပါတီတွေကို မှတ်ပုံတင်တဲ့ကိစ္စ၊ နိုင်ငံရေးဟောပြောမှု၊ စည်းရုံးမှု စတာတွေကို တင်းကျပ်တဲ့ စည်းမျဉ်းတွေနဲ့ ချုပ်ကိုင်ထားပါတယ်။ ရွေးကောက်ပွဲဝင် မတ်လောင်းများ စဘော်ငွေ တင်ရမယ့်ကိစ္စ၊ အမည်စာရင်း တင်သွင်းရမယ့် နောက်ဆုံးသတ်မှတ်ရက် စတဲ့နေရာတွေမှာ အချိန်မမီ ငွေမမီ ဖြစ်အောင် လုပ်ထားပါတယ်။ လူထုနဲ့ ပါတီဝင်တွေကို စုံစမ်းစစ်ဆေး မေးမြန်းတာ၊ အာဏာပိုင် အဆင့်ဆင့်က အတိအလင်း ဓာတ်ပုံရိုက်ယူတာတွေဟာ သွယ်ဝိုက်တဲ့နည်းနဲ့ ခြိမ်းခြောက်တာ ဖြစ်ပါတယ်။ မဲပေးတဲ့နေ့မှာ ပြည်သူတွေ အနှောင့်အယှက် ကင်းကင်းနဲ့ လွတ်လွတ်လပ်လပ် မဲထည့်ရရုံနဲ့ လွတ်လပ်ပြီး တရားမျှတတဲ့ ရွေးကောက်ပွဲဆိုပြီး သတ်မှတ်လို့မရပါဘူး။

၅။ ဒေါ်အောင်ဆန်းစုကြည်ကို အဘယ်ကြောင့် ၁၉၉၀ ရွေးကောက်ပွဲနှင့် ၂၀၁၀ ရွေးကောက်ပွဲတွင် မပါဝင်နိုင်ရန် လုပ်ဆောင်ထားရသလဲ။

စစ်တပ်က အာဏာချုပ်ကိုင်ထားတာကို သူမတဦးတည်းသာ ခြိမ်းခြောက်နိုင်တယ်လို့ နအဖ စစ်ခေါင်းဆောင်တွေက ခိုင်ခိုင်မာမာ ယုံကြည်ထားလို့ဖြစ်ပါတယ်။ ဒေါ်အောင်ဆန်းစုကြည် နောက်မှာ လူထုက အမြဲရှိတယ်ဆိုတာ နအဖစစ် ခေါင်းဆောင်တွေ ကောင်းကောင်း နားလည်ထားလို့ ဖြစ်ပါတယ်။

၆။ ဘယ်သူတွေကို ရွေးကောက်ပွဲဝင်ခွင့်ပြုမှာလဲ။

ကြံ့ဖွတ်ပါတီ ကိုယ်စားပြုသူအားလုံး ရွေးကောက်ပွဲဝင်ခွင့် ရမှာပါ။ ကြံ့ဖွတ်အမတ်တွေကို သေချာပေါက် အနိုင်ယူနိုင်မယ့် ကျန်တဲ့ ၄၁ ပါတီက အမတ်လောင်းတွေကို ရွေးကောက်ပွဲမှာ ၀င်မပြိုင်နိုင်အောင် ဥပဒေ ပုဒ်မ စွဲချက်အမျိုးမျိုးနဲ့ တားမြစ်ပိတ်ပင်ဖို့ လုပ်မှာပါ။ လက်ရှိအုပ်ချုပ်နေတဲ့ ၀န်ကြီးချုပ်သိန်းစိန် ဦးဆောင်တဲ့ သူတွေအားလုံး ရွေးကောက်ပွဲမှာ အနိုင်ရအောင်လုပ်ပြီး ဒီလူတွေပဲ နအဖအစိုးရဆိုတဲ့ နေရာမှာ နာမည်ပြောင်းပြီး လူထုရွေးတဲ့ ဒီမိုကရက်တစ်အစိုးရ ဆိုပြီး လုပ်မှာပါ။

၇။ နိုင်ငံရေးပါတီတွေရဲ့အနေအထားဘယ်လိုရှိသလဲ။

အားလုံးသိတဲ့အတိုင်း ကြံ့ဖွတ်က နိုင်ငံပိုင် ပစ္စည်းဥစ္စာတွေကို ရထားတဲ့အပြင် လက်ရှိရာထူးတွေကို အသုံးပြုပြီး လူထုကို ငွေကြေးပစ္စည်းတွေ၊ အခွင့်အလမ်းတွေပေးပြီး စည်းရုံးနေပါတယ်။ ကျန်တဲ့ နိုင်ငံရေး ပါတီတွေဟာ ငွေကြေး၊ လူအင်အား၊ အချိန်နဲ့ အာဏာပိုင်တွေရဲ့ ကန့်သတ်မှု မျိုးစုံအောက်မှာ စည်းရုံးနေရပါတယ်။ စစ်တပ်ရဲ့ ကျောထောက်နောက်ခံ ပါတီတွေကလွဲပြီး ဘယ်ပါတီကမှ လွတ်လွတ်လပ်လပ်နဲ့ လှုပ်ရှားလို့မရပါဘူး။ ဒီမိုကရေစီ အစစ်အမှန် ထွန်းကားရမယ်လို့ ကြွေးကြော်ပြီး ရွေးကောက်ပွဲဝင်တဲ့ ပါတီတွေအနေနဲ့ စစ်တပ် လက်ဝါးကြီးအုပ်တဲ့ နိုင်ငံရေးစနစ် မြန်မာပြည်မှာ ခိုင်ခိုင်မာမာ ထွန်းကားရေးအတွက် အုတ်တချပ် သဲတပွင့်ပမာ ပါဝင်တဲ့ အဆင့်ထက် မကျော်နိုင်အောင် နအဖ စစ်ခေါင်းဆောင်တွေက လုပ်ထားမှာဖြစ်ပါတယ်။

၈။ ပြည်သူတွေ ဘယ်သူ့ကို မဲပေးမှာလဲ။

ပြည်သူတွေအနေနဲ့ ဘယ်သူ့ကိုမဲပေးရမလဲ ဆိုတာကို မစဉ်းစားခင်မှာ နံပတ် ၁ မေးခွန်းကို အရင်ဆုံး အလေးထား စဉ်းစားပြီးမှ မဲပေးဖို့ မပေးဖို့ကို ဆုံးဖြတ်သင့်ပါတယ်။ မြန်မာနိုင်ငံမှာ စစ်တပ် လက်ဝါးကြီးအုပ်တဲ့ နိုင်ငံရေးစနစ်တရပ် အခိုင်အမာ ပေါ်ထွန်းလာရေးအတွက် ကိုယ်ကိုယ်တိုင် ပါဝင်မလား မပါဝင်ဘူးလားဆိုတာ သေသေချာချာ စဉ်းစားဖို့လိုပါတယ်။

၉။ ပြည်သူတွေ ဘာလုပ်သင့်သလဲ။

၁၉၉၀ ခုနှစ်က ပြည်သူတွေ တာဝန်ကျေခဲ့ပါတယ်။ ပြည်သူအများစုက အဲန်အဲလ်ဒီပါတီကို မဲပေးခဲ့ပါတယ်။ အဲန်အဲလ်ဒီက ပြည်သူတွေ လိုလားတောင့်တတဲ့ စစ်မှန်တဲ့ ဒီမိုကရေစီ ထွန်းကားဖို့ နှစ်ပေါင်း ၂၀ အတွင်းမှာ မလုပ်ဆောင်နိုင်ခဲ့ပါဘူး။ အခုတခါ ပြည်သူတွေရဲ့အလှည့် ပြန်ရောက်လာပြန်ပါပြီ။ နိုင်ငံရေး အလှည့်အပြောင်းတခု ဆိုက်ရောက်ပါတော့မယ်။ စစ်တပ် ကြီးစိုးတဲ့ နိုင်ငံရေးစနစ်တရပ် မပေါ်ထွန်းဖို့ ပြည်သူတွေမှာ တာဝန်ရှိပါတယ်။ ဒီတော့ ရွေးကောက်ပွဲကို သပိတ်မှောက်နိုင်ရင် မှောက်ကြပါ။ ကြိုတင်မဲများ လုံးဝ(လုံးဝ) မထည့်ကြပါနဲ့။ မဲမပေးပဲနေလို့ရရင် မဲမပေးပါနဲ့။ မဲပေးရမယ့် အခြေဆိုက်ရင်လည်း ပယ်မဲဖြစ်အောင်လုပ်ပါ။ အမတ်လောင်း အားလုံးကို ကန့်ကွက်ပစ်ပါ။ မဲထည့်ဖို့ သွားမယ်ဆိုရင် ကိုယ့်ရဲ့ သားသမီး မြေးမြစ်တွေရဲ့ မျက်နှာတွေကို မြင်ယောင်ကြည့်ပါ။ မမွေးဖွားသေးတဲ့ ကိုယ့်ရဲ့ သွေးမျိုးဆက်တွေအတွက် မျှော်တွေးကြည့်ပါ။

ကျော်ကျော်စိုး

28-8-2010

sayarkway@gmail.com

ပြည်သူအားလုံးနှင့် သက်ဆိုင်သော ရွေးကောက်ပွဲ

ပြည်သူအားလုံးနှင့် သက်ဆိုင်သော ရွေးကောက်ပွဲ

၁။  ရွေးကောက်ပွဲ ဆိုသည်မှာ အဘယ်နည်း။

ရွေးကောက်ပွဲ ဆိုသည်မှာ နိုင်ငံတနိုင်ငံတွင် ဥပဒေပြုရေးရာ ကိစ္စများကို ပြည်သူများကိုယ်စား ဆောင်ရွက်မည့်သူများအား ပြည်သူများက ဆန္ဒပြုရွေးချယ်ခြင်း ဖြစ်သည်။ အချို့နိုင်ငံများတွင် ထိုကိုယ်စားလှယ်များသည် ဥပဒေပြု တာဝန်များကိုသာ ထမ်းဆောင်ကြသည်။ အုပ်ချုပ်ရေး တာဝန်များ အတွက် သမတကို တိုက်ရိုက် ရွေးချယ်ကာ သမတက သူ့စိတ်ကြိုက် ပုဂ္ဂိုလ်များဖြင့် အစိုးရဖွဲ့ကာ နိုင်ငံအုပ်ချုပ်ရေး တာဝန်များကို ယူသည်။ အမေရိကန်ပြည်ထောင်စုသည် ထိုစနစ်ကို ကျင့်သုံးသည်။ အချို့နိုင်ငံများတွင် ဥပဒေပြုအမတ်များက ရွေးချယ်သောသူများဖြင့် အစိုးရဖွဲ့ကာ အုပ်ချုပ်ရေးတာဝန်ကို ယူသည်။ ဥပမာ- ဗြိတိန်၊ ဂျပန် စသည်တို့ ဖြစ်သည်။

၂။  ရွေးကောက်ပွဲတွင် မဲဆန္ဒပေးပိုင်ခွင့် ရှိသူများ မည်သို့ ပါဝင်ကြမည်နည်း။

အချိန်ကာလ ပိုင်းခြားသတ်မှတ်ချက်တခုအတွင်း ဥပဒေပြုအာဏာကို ကိုင်တွယ် ကျင့်သုံးမည့် သူများကို ပြည်သူများ ဆန္ဒပြု ရွေးချယ်မှုသည် လွန်စွာ အရေးကြီးသည်။ ရွေးကောက်ပွဲ ဆိုသည်မှာ ပြည်သူအားလုံးနှင့် သက်ဆိုင်သော တနိုင်ငံလုံးအရေး ဖြစ်သည်။ မိမိတို့နိုင်ငံသားအဖြစ် ရှိနေသော နိုင်ငံအတွက် အရေးကြီးသော ကိစ္စဖြစ်သည်ကို နားလည်သဘောပေါက်ရန် လိုအပ်သည်။ မိမိတို့ နှစ်သက်သော ပုဂ္ဂိုလ်များကို ရွေးချယ် ဆန္ဒပြုပိုင်ခွင့် ရှိသည်၊ မိမိတို့ မနှစ်သက်သောသူများအား ကန့်ကွက်ပိုင်ခွင့် ရှိသည်၊ ရွေးကောက်ပွဲ ကျင်းပပုံ နည်းလမ်းနှင့် အခြေအနေများကို မနှစ်မြို့ပါက သပိတ်မှောက်ပိုင်ခွင့် ရှိသည်၊ ကန့်ကွက်ပိုင်ခွင့် ရှိသည်။ မဲပေးသောနေ့တွင် မဲမပေးပဲ နေပိုင်ခွင့် ရှိသည်၊ မဲပေးမှုဆိုင်ရာ လုပ်ထုံးလုပ်နည်းများနှင့်အညီ ပယ်မဲ ဖြစ်စေရန် လုပ်ပိုင်ခွင့် ရှိသည်။ ဤသို့သော လုပ်ဆောင်မှုများကို မိမိတဦးတည်းသဘောဖြင့် လွတ်လပ်စွာ ဆုံးဖြတ်ပိုင်ခွင့် ရှိသည်။ ဤသည်မှာ မဲဆန္ဒရှင် ပြည်သူများ၏ အခွင့်အရေး ဖြစ်သည်။ ထိုအခွင့်အရေးကို မိမိသဘောအတိုင်း ကျင့်သုံး အကောင်အထည်ဖော်ပိုင်ခွင့် ရှိသည်။ ရွေးကောက်ပွဲနှင့် ပတ်သက်သည့် အတင်းအကျပ် ပြုမှုများကို အခြား မဲဆန္ဒရှင်များအပေါ် မပြုမိရန် လိုအပ်သလို မိမိအပေါ် အတင်းအကျပ် ပြုလာခြင်းများကိုလည်း ခွင့်မပြုသင့်ပေ။

၃။  မဲပေးပိုင်ခွင့် မရှိသောသူများသည် မည်သို့သော အခန်းနေရာမှ ပါဝင်နိုင်သနည်း။

ဥပဒေ သတ်မှတ်ချက်အရ မဲပေးပိုင်ခွင့် မရှိသူများ (အသက်မပြည့်သူများ၊ ဘာသာရေးဆိုင်ရာ ၀န်ထမ်းများ၊ အခြား အခြေအနေအရ မဲပေးခွင့်မရှိဟု သတ်မှတ်ခံရသူများ) သည် ရွေးကောက်ပွဲ လေ့လာ စောင့်ကြည့်သူများ၊ ရွေးကောက်ပွဲ မှတ်တမ်းတင်သူများ၊ ရွေးကောက်ပွဲ သတင်းပေးပို့သူများ စသည့် လုပ်ငန်းတာဝန်များကို စေတနာ့ဝန်ထမ်းအဖြစ် ထမ်းဆောင်နိုင်သည်။ ဥပဒေ သတ်မှတ်ချက်အရ မဲပေးပိုင်ခွင့် မရှိသော်လည်း ရွေးကောက်ပွဲရလဒ်က မိမိတို့၏ နေ့စဉ်ဘ၀ ရှင်သန်လှုပ်ရှားမှုအပေါ် အကျိုးသက်ရောက်သည့်အတွက် ကိုယ်တိုင်ကိုယ်ကျ ပါဝင်ရန် လိုအပ်သည်။

၎။  ရွေးကောက်ပွဲကို သပိတ်မှောက်သူများသည် မည်သည့်နေရာမှ ပါဝင်နိုင်သနည်း။

ရွေးကောက်ပွဲ ဆိုသည်မှာ နိုင်ငံရေးအာဏာတရပ်ကို အစိုးရအဖွဲ့တခုမှ အခြားအစိုးရတခုသို့ လွှဲပြောင်းပေးရာတွင် အကောင်းဆုံးသော နည်းလမ်းတခု ဖြစ်သည်။ ဒီမိုကရေစီ ကျင့်စဉ်တခုကို လက်တွေ့ ဖော်ဆောင်သော နည်းလမ်းတခု ဖြစ်သည်။ သို့သော် နိုင်ငံရေးပါတီ တပါတီကသော်၎င်း၊ ပါတီများကသော်၎င်း ရွေးကောက်ပွဲတရပ်ကို ပါဝင် ယှဉ်ပြိုင်ခြင်း မပြုပဲ သပိတ်မှောက်ပိုင်ခွင့် ရှိသည်။ ထိုသို့ သပိတ်မှောက်ခြင်းအတွက် ပါတီများတွင် အကြောင်းရင်းများ ရှိသည်။ အာဏာရအစိုးရ သို့မဟုတ် အာဏာရပါတီ သို့မဟုတ် ရွေးကောက်ပွဲဝင် ပါတီတရပ်ရပ်က အသာစီးရစေမည့်လုပ်ရပ်၊ နည်းလမ်း၊ အခြေအနေများကို ဖန်တီးပေးထားခြင်း၊ (သို့) လက်ရှိ အာဏာ ချုပ်ကိုင်ထားသူများက ၄င်းတို့နှင့် အတိုက်အခံ ဖြစ်နေသော ပါတီများအား ကန့်သတ် ဟန့်တား ဖိနှိပ်မှုများ ပြုလုပ်သည့် အခြေအနေများကို ဖန်တီးထားသည်ဟု ယုံကြည်ခြင်း၊ (သို့) လွတ်လပ် တရားမျှတသော ရွေးကောက်ပွဲတရပ် ပေါ်ထွန်းနိုင်မည့် အခြေအနေ မဖြစ်နိုင်ဟု ယုံကြည်သော အကြောင်းရင်းများကြောင့် ဖြစ်သည်။ ထို့ကြောင့် ရွေးကောက်ပွဲကို သပိတ်မှောက်သည် ဆိုခြင်းမှာ ရွေးကောက်ပွဲနှင့် လုံးဝမသက်ဆိုင်ဟု ဆို၍မရပေ။ ရွေးကောက်ပွဲနှင့် တိုက်ရိုက်သော်၎င်း၊ သွယ်ဝိုက်၍သော်၎င်း သက်ဆိုင်သည်။

ထို့ကြောင့် သပိတ်မှောက် ပါတီများအနေဖြင့် မည်သို့သောအခြေအနေ အကြောင်းအချက်များသည် ဒီမိုကရေစီနှင့် ဖီလာဆန့်ကျင် ဖြစ်နေသည်၊ မည်သို့သော အကြောင်းအချက်များသည် အာဏာပိုင်များက ဖိနှိပ် ခြိမ်းခြောက် အနိုင်ကျင့်ရာ ရောက်နေသည်၊ မည်သို့သောလုပ်ရပ်များသည် မတရားမှု၊ တဖက်သတ် အားပေးမှု၊ ဘက်လိုက်မှုများ ပြုရာရောက်နေသည် စသည်တို့ကို ပြည်သူအားလုံး သိရှိစေရန် ဆောင်ရွက်ရမည့် တာဝန်ရှိသည်။

တချိန်တည်းမှာပင် မည်သို့သော အခြေအနေ အကြောင်းအချက်များသည် လွတ်လပ် တရားမျှတသော ရွေးကောက်ပွဲ ဖြစ်ပေါ်လာရေးအတွက် ဦးတည်စေသည်၊ အထောက်အကူ ဖြစ်စေသည် စသည်များကို အသိပေး ရှင်းလင်းပြရန်လည်း တာဝန်ရှိသည်။ တနည်းဆိုရသော် ရွေးကောက်ပွဲနှင့် သက်ဆိုင်သည့်အရာ အားလုံးကို ပြည်သူလူထု ရှင်းလင်းလွယ်ကူစွာ နားလည် သဘောပေါက်လာစေရန် ဆောင်ရွက်ပေးရမည့် တာဝန်ရှိသည်။

၅။  ရွေးကောက်ပွဲဝင်မည့် ပါတီများအနေဖြင့် မည်သို့ လုပ်ဆောင်သင့်သနည်း။

နိုင်ငံရေးပါတီများ ရွေးကောက်ပွဲဝင်ရသည့် အဓိက အကြောင်းရင်းမှာ မိမိပါတီ၏သဘောထား၊ အယူအဆ၊ မူဝါဒ၊ လုပ်ငန်းစဉ်များဖြင့် ပြည်သူလူထု အကျိုးအတွက် လုပ်ကိုင်ဆောင်ရွက်ခွင့်ရရန် ကြိုးပမ်းခြင်း ဖြစ်သည်။ ထို့ကြောင့် ပါတီများအနေဖြင့် ရွေးကောက်ပွဲ ၀င်ခွင့်ရလျှင် ပြီးရော၊ ပြည်သူလူထု အဆုံးအဖြတ်ကို ခံယူရန် အခြားပါတီများနှင့် ယှဉ်ပြိုင်မည် ဆိုသည့်သဘောထား ရပ်တည်ချက် တခုတည်းဖြင့် အလုပ် မဖြစ်ပေ။ ပြိုင်ဘက်ပါတီများ ကြီးသည်ဖြစ်စေ၊ ငယ်သည်ဖြစ်စေ၊ ပါတီအားလုံး တန်းတူညီမျှစွာဖြင့် ပါဝင် ယှဉ်ပြိုင်နိုင်ရေးကို အလေးထားရမည်ဖြစ်သည်။ ထိုအတွက် လုံလောက်သောအခြေအနေ ရှိ မရှိ ဆိုသည်ကို အမြဲမပြတ် လေ့လာပြီး လိုအပ်ချက်များ၊ မမျှမတမှုများကို အမြဲဖော်ထုတ် ပြောဆိုပြီး အာဏာပိုင်များ၊ ရွေးကောက်ပွဲ ကော်မရှင်ထံသို့ ပွင့်လင်းစွာ အသိပေး အကြောင်းကြားရမည်။ ရွေးကောက်ပွဲသည် ဒီမိုကရေစီ ကျင့်စဉ်တခု ဖြစ်သည့်အတွက် လွတ်လပ်မှု တရားမျှတမှု ရှိရေးသည် လွန်စွာ အရေးကြီးသည်၊ ထိုအချက်ကို ရွေးကောက်ပွဲဝင် ပါတီများအနေဖြင့် ကောင်းစွာ နားလည် သဘောပေါက်ပြီး လွတ်လပ်မှု တရားမျှတမှု ရှိရေးအတွက် လက်တွေ့ကျကျ မှန်ကန်စွာ ဖော်ဆောင်လာစေရေးကို ပွင့်ပွင့်လင်းလင်းနှင့် ပြတ်ပြတ်သားသားနှင့် ဖော်ထုတ်ရန် အရေးကြီးသည်။ ထိုသို့လုပ်ဆောင်ခြင်းဖြင့် ရွေးကောက်ပွဲဝင် ပါတီများသည် လူအများစု၏ ယုံကြည်ကိုးစားမှု ရရှိလာစေရေးကို များစွာ အထောက်အကူ ပြုပေသည်။

ကျော်ကျော်စိုး

28-9-2010

Email – sayarkway@gmail.com

…………..

နအဖရဲ့ ပလီပလာအဖြန်းကို မီဒီယာအစွမ်းနဲ့ တိုက်

နအဖရဲ့ ပလီပလာအဖြန်းကို မီဒီယာအစွမ်းနဲ့တိုက်

နအဖကတော့ ‘စည်းကမ်းပြည့်ဝတဲ့ ဒီမိုကရေစီ’ဆိုတဲ့ ခေါင်းစဉ်အောက်ကနေ မြန်မာ တိုင်းရင်းသား ပြည်သူတွေကို အစီအစဉ်တကျ စစ်ကျွန်တွေအဖြစ် သွတ်သွင်းနေပါပြီ။

ပါတီစုံရွေးကောက်ပွဲကို ၂၀၁၀ နိုဝင်ဘာ ၇ ရက်နေ့မှာ ပြုလုပ်မယ်လို့ ၂၀၁၀ သြဂုတ်လ ၁၃ ရက် သောကြာနေ့မှာ တရားဝင် ကြေညာလိုက်ပါတယ်။ ကံဆိုးမိုးမှောင်ကျတတ်တဲ့ Friday the 13th နေ့မှာ ကြေညာလိုက်တဲ့အတွက် နအဖအဖို့ ဒုက္ခတွေ ပင်လယ်ဝေရမယ်လို့ လူအများကတော့ နိမိတ်ဖတ်နေကြပါတယ်။ တကယ်လဲ နအဖဟာ ကိုယ့်လည်ပင်း ကိုယ် ကြိုးကွင်းစွပ် လိုက်တာပါ။

ပါတီစုံဆိုတာ ပါတီတခုထက်ပိုတဲ့ အရေအတွက်ပါ။ ကြံ့ဖွံ့ပါတီနဲ့ အခြားပါတီတခုပဲပါဝင်တဲ့ ရွေးကောက်ပွဲကို ပြုလုပ်လိုက်ရင်ပဲ ပါတီစုံရွေးကောက်ပွဲအဖြစ် ဝိနည်းလွတ်နေပြီပေါ့။ လက်ရှိမှာ ပါတီပေါင်း ၄၀ နီးပါး မှတ်ပုံတင်ထားပြီး ဖြစ်နေတော့ နအဖအတွက် ပိုအပြကောင်းနေပါတယ်။ နယ်ခြားစောင့်တပ်အသွင် အဓမ္မ အပြောင်းခံထားရတဲ့ ငြိမ်းအဖွဲ့တွေရဲ့ပါတီများ၊ ကြံ့ဖွံ့အသင်းရဲ့ သြဇာခံ ဒေသခံ တိုင်းရင်းသားပါတီများ၊ မစားရ ဝခမန်း မြော်လင့်ချက်မက်လုံးတွေနဲ့ ရသမျှ နေရာလေး ဆုပ်ကိုင်လှုပ်ရှားမယ်ဆိုတဲ့ နိုင်ငံရေးဝါရင့်နဲ့မျိုးဆက်တို့ရဲ့ ပါတီများ၊ အာဏာရှင် စစ်ဗိုလ်ဟောင်းများရဲ့ တစည ပါတီ၊ အဲန်အယ်လ်ဒီရဲ့ ဂုဏ်အရှိန်အဝါကို မသမာစွာ ထင်ယောင်ထင်မှား အသုံးချမဲ့ အဲန်အယ်လ်ဒီ လူထွက်တို့ရဲ့ပါတီ စတာတွေ မှတ်ပုံတင်ထားကြပါတယ်။

ဒီလောက်နဲ့ပင်  အလွှာစုံက ပါဝင်တဲ့ပါတီများ ယှဉ်ပြိုင်မဲ့ ပါတီစုံရွေးကောက်ပွဲကြီးရဲ့ကန့်လန့်ကာကို လာမဲ့ နိုဝင်ဘာ ၇ ရက် နေ့တွင် ဖွင့်လှစ်လိုက်မှာလို့ ပြည်တွင်းပြည်ပကို နအဖဟာ မျက်နှာပြောင်ပြောင်နဲ့ ကြေညာလိုက်တာပါ။ နိုင်ငံတကာက တောင်းဆိုနေကြတဲ့ အလုံးစုံပါဝင်မဲ့ ရွေးကောက်ပွဲကို ကျင်းပတာပါလို့ ‘အပေါ်ယံရွှေမှုံကျဲ’တော့မှာပါ။ နိုင်ငံတကာက တောင်းဆိုတဲ့ အဓိပ္ပါယ်နဲ့ ကွဲလွဲလျက် မိမိဖွင့်ဆိုချင်တဲ့ သဘောထားနဲ့ နအဖက လုပ်ချလိုက်တာပါ။ အာဆီယံ၊ တရုတ်၊ ရုရှား၊ မြောက်ကိုရီးယား၊အီရန်၊ အိန္ဒိယ စတဲ့ နအဖနဲ့ အကျိုးတူစီးပွားဘက် နိုင်ငံများကတော့ ‘မချစ်သော်လဲ အောင့်ကာနမ်းကြလျက်’ ရွေးကောက်ပွဲကို ထောက်ခံကြိုဆိုကြမှာမလွဲပါ။

နအဖရဲ့ခေါင်းဆောင် ဖွဲ့ပေးလိုက်တဲ့ ပြည်ထောင်စု ရွေးကောက်ပွဲကော်မရှင်ရဲ့ ရွေးကောက်ပွဲ ကော်မရှင်ဥပဒေ၊ ပါတီများ မှတ်ပုံတင်ခြင်းဥပဒေ၊ ညွှန်ကြားချက်အမှတ် ၂/၂၀၁၀ တွေက ရွေးကောက်ပွဲဝင်မဲ့ ပါတီများကို ချုပ်ခြယ် ကန့်သတ်မှုများစွာနဲ့ ရစ်နှောင်ထားပါတယ်။ ဒီဥပဒေတွေနဲ့ ညွှန်ကြားချက်ဟာ လွတ်လပ်စွာ စည်းရုံးခွင့်၊ လွတ်လပ်စွာေ ဟာပြောခွင့်၊ လွတ်လပ်စွာ ရေးသား ထုတ်ဝေခွင့် စတဲ့ အခြေခံ လူ့အခွင့်အရေးတွေကို ကန့်သတ် ချုပ်ခြယ်ထားနေပါတယ်။

ဒါပေမင့် ဥပဒေရဲ့အထက်မှာ အမြဲရှိနေတဲ့နအဖရဲ့ ကြံ့ဖွံ့ပါတီကိုတော့ မဖော်ပြထားတဲ့ ချွင်းချက်တွေ ကို ခံစားနေစေပါတယ်။

ဒီဥပဒေတွေအရ စစ်ဘက်စိုးမိုးမှုကို အုဋ်မြစ်ခိုင်စေမဲ့ တဖက်သတ် မတရားရေးဆွဲထားပြီး မတရားဆန္ဒ ခံယူထားတဲ့ ၂၀၀၈ အခြေခံဥပဒေကို သဘောတူလက်ခံရမှာ ဖြစ်ပါတယ်။ တကယ်တော့ ၂၀၀၈ အခြေခံဥပဒေဟာ မတရား ဆန္ဒခံယူထားတဲ့အတွက် သဘောတူချက် ရထားရုံမျှသာ ရှိပါသေးတယ်။  ၂၀၁၀ ရွေးကောက်ပွဲက ပေါ်ထွက်လာမဲ့ လွှတ်တော်က အတည်ပြုပေးရဦးမှာ ဖြစ်ပါတယ်။ အတည် မဖြစ်သေးပါ။အာဏာသက်ရောက်မှု မရှိသေးပါ။ အာဏာသက်ရောက်မှု မရှိသေးတဲ့ ဥပဒေတွေနဲ့ ပယ်ဖျက်ထားတဲ့ ဥပဒေတွေကို ကိုးကားနေတဲ့ နအဖရဲ့ တရားရေးစံနစ်က မှန်ကန်မျှတမှု မရှိနိုင်ပါ။ ဥပဒေ အထက်မှာ ရှိနေသူများရဲ့ လိုရာကြိုးဆွဲ ဘက်လိုက်တဲ့ စံနစ်ပဲ ဖြစ်နေတာပါ။ ဒါကြောင့် လာမဲ့ ရွေးကောက်ပွဲဟာလဲ သမာသမတ်ကျ မျှတတဲ့ ရွေးကောက်ပွဲ ဖြစ်မှာ မဟုတ်ပါဘူး။ အတည် မဖြစ်သေးပဲ အာဏာသက်ရောက်မှု မရှိသေးတဲ့ အခြေခံဥပဒေအရ ပြုလုပ်မဲ့ ဒီရွေးကောက်ပွဲ ဟာလည်း တရားမဝင်ပါ။

မျှတမှုမရှိလဲ ရွေးကောက်ပွဲကတော့ လုပ်ကိုလုပ်ဖြစ်မှာပါ။ တရားသဖြင့် မဖြစ်လည်း ရလဒ်ကတော့ နအဖ မြော်မှန်းထားတဲ့ အဖြေပဲ ဖြစ်လာမှာပါ။ အာဏာရှင်များရဲ့လက္ခဏာစရိုက်တွေအနက် ၂ ချက်ကြောင့် ဖြစ်လာမှာပါ။ ဒီ ၂ ချက်ကတော့   –

(၁) အများပြည်သူအတွက် ကောင်းပြီး မိမိတို့အတွက် မကောင်းရင် မလုပ်ခြင်း

(၂) အများပြည်သူအတွက် မကောင်းစေကာမူ မိမိတို့အတွက် ကောင်းရင် လုပ်ခြင်း တို့ပဲ ဖြစ်ပါတယ်။

ဒီတပွဲတော့ သိသိကြီးနဲ့ လည်စင်းခံကြရဦးမှာပါ။ မြန်မာတိုင်းရင်းသားပြည်သူများရဲ့ အနီးကပ် အနာဂတ်ကတော့ ရင်ထုမနာ ဖြစ်စရာပါ။ ကံကို ယိုးမယ်ဖွဲ့ပြီး ကံကိုပဲ ပုံချကြတော့မှာပါ။ မိမိကို အနိုင်ကျင့် နှိပ်စက်နေသူများအား သနားငဲ့ညှာတာတတ်တဲ့စိတ် (Stock holme syndrome) စွဲကပ်ကောင်း စွဲကပ်သွားမှာကို အထူးစိုးရိမ်နေရပါတယ်။ မစွဲကပ်ရအောင် လုပ်ဆောင်ပေးရန် အရေးတကြီး လိုအပ်နေပါတယ်။

အချိန်တခုမှာ ပြည်သူ့အောင်ပွဲ ရလာမှာပါလို့ မြန်မာ့အရေးစိတ်ဝင်စားတဲ့ ပြည်ပပညာရှင်များက တွက်ပြ ထောက်ပြလေ့ ရှိနေကြပါတယ်။ “လာမယ်ကြာမယ်” ဆိုတာကို မငြင်းလိုပါ။ ဒါပေမင့် “ကြာမယ်” ဆိုတဲ့ အချိန် အတိုင်းအတာကတော့ အတိုတောင်းဆုံး ဖြစ်ရပါ့မယ်။ အကျုံ့နိုင်ဆုံးဖြစ်ရမဲ့ ကာလအတွက် ဘက်ပေါင်းစုံက တိုက်ပွဲဝင်ရမှာပါ။

အတတ်နိုင်ဆုံးတော့ ၂၀၁၀ မဟာဗျူဟာဖြစ်တဲ့ နအဖရဲ့ လာမဲ့ရွေးကောက်ပွဲ မဖြစ်မြောက် မအောင်မြင်ဘို့နဲ့ အဓမ္မ စံနစ်အရ ဖြစ်မြောက်သွားရင်လဲ နအဖ ဖန်တီးတဲ့ ရွေးကောက်ပွဲရလဒ်ကို အသိအမှတ် မပြုကြဘို့ ဆောင်ရွက်ကြရမှာပါ။

အဓိကအနေနဲ့ မြန်မာတိုင်းရင်းသားအားလုံး အကြောက်တရားကင်းကင်းဖြင့် အောက်ပါအချက်များကို သဘောပေါက် ကျင့်ကြံနိုင်အောင် သတင်းအချက်အလက် အမှန်များ ပြန့်ပြန့်နှံ့နှံ့ မျှဝေအသိပေးဘို့ပါ။ “ရွေးကောက်ပွဲမှာ မဲမပေးပဲနေခြင်းသည် ဥပဒေကို ချိုးဖောက်တာမဟုတ်ပဲ ဥပဒေနဲ့အညီဖြစ်တယ်၊ ကြိုတင်မဲပေးခြင်း မလုပ်လေ ကောင်းလေဖြစ်တယ်၊ ပယ်မဲဖြစ်အောင် မဲသွားပေးလဲ ထောက်ခံမဲ အဖြစ် အလွယ်တကူ လိမ်ညာ ရေတွက်နိုင်ကြောင်း၊ ငွေကြေး၊ အခွင့်အရေး၊ မက်လုံးတို့ဖြင့် မဲအဝယ်ခံရရင်ဖြစ်စေ၊ အဓမ္မ မဲဆွယ်ခံရရင်ဖြစ်စေ၊ ကြံ့ဖွံ့ပါတီကို ဇွတ်ခြိမ်းခြောက် စည်းရုံးခံရရင်ဖြစ်စေ တိုင်တန်းနိုင်တဲ့ (လမ်းပြကြယ် အဖွဲ့လို ဥပဒေဘောင်အတွင်းမှ အကာအကွယ်ပေးရေး) ဥပဒေ အထောက်အကူပေး အဖွဲ့များကို ညွှန်ပြပေးခြင်း၊” စတာတွေကို အသိပေး နှိုးဆော်သင့်ပါတယ်။

ပြင်ပ အသံလွှင့်ဌာနတွေကို အများဆုံးအားကိုးရမှာ ဖြစ်ပါတယ်။ ယင်းဌာနတွေကနေ ပြည်တွင်းရှိ နိုင်ငံသား ၈၀% နားလည် လွယ်နိုင်၊ သဘောပေါက်စေနိုင်တဲ့ တင်ပြချက်များ၊ နှိုးဆော်ချက်များ၊ သတိပေးချက်များကို နေ့စဉ်လွှင့် အစီအစဉ်တိုင်းတွင် တကြိမ်စီ လွှင့်ထုတ်ပေးသင့်ပါတယ်။ တနေ့ ၃ ကြိမ် လွှင့်ရင် အသိပေးနှိုးဆော်ချက်များကို တနေ့ ၃ ခါ ကြားသိနေကြ ရမှာဖြစ်ပါတယ်။ (နအဖရဲ့ ဝါဒဖြန့် ‘တို့တာဝန်အရေး’၊ ‘ပြည်သူ့သဘောထား’တွေ နေ့စဉ်ဖော်ပြနေသလို) အသိပေး နှိုးဆော်ချက်များကို သတိမပြတ် မှတ်မိနေအောင် ထုတ်လွှင့်ပေးသင့်ကြပါတယ်။ ရိုးရိုးရှင်းရှင်းနဲ့ လွှင့်ထုတ် ဆော်သြသင့်ပါတယ်။ ယင်းအသိပေး နှိုဆော်ချက်များကို ဇာတ်လမ်းတန်ဆာ ဆင်မနေပဲ ဒဲ့ဒိုးသာ ဆော်သြပေးခြင်းသာ အထိရောက်ဆုံးဖြစ်ပါလိမ့်မယ်။

သတင်းဌာနများအနေနဲ့ ဘက်မလိုက်ဆောင်ရွက်ကြမဲ့ မူဝါဒ ရှိနေတယ် ဆိုလင့်ကစား အမှန်တရားအတွက် ဘက်မလိုက်တဲ့အနေနဲ့ မတရားအနိုင်ကျင့်ခံ ဆက်လက်အဖိနှိပ်ခံနေရတဲ့ မြန်မာ တိုင်းရင်းသားအပေါင်းရဲ့အနာဂတ် လှပနိုင်ရန် အလွန်အရေးကြီးနေတဲ့ အချိန်မှာ သမိုင်းပေးတာဝန် ကျေပွန်စေဘို့ငှာ မေတ္တာရပ်ခံအပ်ပါတယ်။ အတတ်နိုင်ဆုံး စတင် ဆော်သြပေးနိုင်တဲ့အချိန်ကနေ ရွေးကောက်ပွဲ ကျင်းပတဲ့နေ့အထိ ဖေးမကူညီသင့်ပါတယ်။ ရက်ပေါင်း ၈၀ ကျော်လောက်ပါပဲ။ ပြည်တွင်းကို ကျယ်ကျယ်ပြန့်ပြန့် ထိရောက်စွာ ထိုးဖောက်ပေးနိုင်မဲ့ “မီဒီယာ အင်းအားကြီးများ”အဖြစ် အားကိုးလိုက်ရပါတယ်။ “ရှစ်လေးလုံးအရေးတော်ပုံကြီး” တုန်းကလဲ ပြည်ပအသံလွှင့်ဌာနကြီးများရဲ့ ပံ့ပိုးမှုကို မြန်မာပြည်သူများက သမိုင်း ကမ္ဗည်းထိုး မှတ်တမ်းတင်ပေးခဲ့တာ သာဓကပါ။

ပြည်သူအပေါင်း ပြည်ပမီဒီယာများရဲ့ ထုတ်လွှင့်ချက်များကို နားထောင်နိုင်ကြရန် ရေဒီယိုများများ သုံးစွဲနိုင်အောင် ပြည်တွင်း ပြည်ပမှ တတ်နိုင်တဲ့သူများက တာဝန်ယူဖြန့်ချိပေးရပါလိမ့်မယ်။

ပြည်တွင်းမှာက လှုပ်ရှားသူများအတွက် အန္တရာယ်စက်ကွင်းတွေက များလှပါတယ်။ ခွင်လည်း ကျဉ်းမြောင်းပါတယ်။ ထိရောက်မှုအားလည်း နည်းပါးပါလိမ့်မယ်။ ပြည်တွင်းစာနယ်ဇင်းများကလဲ ဖြစ်ရပ်မှန်များကို ဖော်ပြရန် စာပေစိစစ်ရေး ကင်ပေတိုင်ကို ကျော်လွှားနိုင်ကြမှာမဟုတ်ပါဘူး။ မြန်မာနိုင်ငံ တနံတလျား ပြန့်သွားနိုင်မဲ့ ပြည်ပမီဒီယာများရဲ့ အစွမ်းကိုပဲ အားထားရမှာဖြစ်ပါတယ်။

မီဒီယာအစွမ်းနဲ့ စစ်အာဏာရှင်အခန်းကဏ္ဍ ပြုတ်ကျသွားတဲ့ သမိုင်းမှတ်တိုင် ထူနိုင်ကြပါစေ။

မောင်မောင်လှကြိုင်

၂၀၁၀ ၀၈ ၁၆

Email – drmmhk@yahoo.com

…………

၂ဝ၁ဝ ရွေးကောက်ပွဲနှင့် ပတ်သက်၍ ဂျပန်နိုင်ငံရှိ မြန်မာ့ဒီမိုကရေစီ အင်အားစုများ၏ ထုတ်ပြန် ကြေညာချက်

၂၁-၈-၂ဝ၁ဝ နေ့က တိုကျိုမြို့တော် Shinjuku, Takadanobaba ရှိ AUN ရုံးခန်းတွင် ကျင်းပသော မြန်မာ့ဒီမိုကရေစီ အင်အားစုများ၏ ညှိနှိုင်းအစည်းအဝေးမှ ဆုံးဖြတ်ချက်အရ ၂ဝ၁ဝ ရွေးကောက်ပွဲနှင့် ပတ်သက်၍ အောက်ပါ ကြေညာချက်ကို ထုတ်ပြန်လိုက်ပါသည်။

အထက်ပါ ထုတ်ပြန်ကြေညာချက် (အင်္ဂလိပ်ဘာသာ)အား ၂၅-၈-၂ဝ၁ဝ နေ့တွင် ဂျပန်အစိုးရ၏ နိုင်ငံခြားရေးဝန်ကြီးထံသို့ စာတိုက်မှတဆင့် ပေးပို့ခဲ့ပါသည်။

……