ဒုတိယ ပင်လုံစာချုပ် လိုအပ်နေပြီ

၂ဝဝ၉ ခုနှစ် မတ်လတွင် ဖြန့်ချိခဲ့သော ဆောင်းပါးကို ပြန်လည် ဖော်ပြလိုက်ပါသည်။

လွင်အောင်စိုး

၂၉-၁ဝ-၂ဝ၁ဝ

…….

Design – လူထုအသံ

p1

p31

p21

Download PDF: engagement-is-needed.pdf

……

နိုင်ငံရေးအရ ရှင်သန်မှု

Download PDF – Political Survival

Contact – sayarkway@gmail.com

အာဏာရှင်စနစ်ကို ဆက်လက် ထိန်းသိမ်းပေးမည့် ရွေးကောက်ပွဲ

အာဏာရှင်စနစ်ကို ဆက်လက် ထိန်းသိမ်းပေးမည့် ရွေးကောက်ပွဲ

ကျော်ကျော်စိုး

မြန်မာနိုင်ငံတွင် စစ်အစိုးရက အထွေထွေရွေးကောက်ပွဲကို စီစဉ်ထားသည့်အတိုင်း ကျင်းပမည်ဟု သံန္နိဌာန် ချထားသည်။ ကျင်းပမည့် ရွေးကောက်ပွဲသည် အာဏာရှင်ဗိုလ်ချုပ်ကြီးများက အာဏာ ဆက်လက် ချုပ်ကိုင် နိုင်ရေးအတွက် အာမခံချက် ပေးနိုင်မည်ဟု ယုံကြည်ထားသောကြောင့်တည်း။

မြန်မာနိုင်ငံတွင် အခြေခံဥပဒေဖြင့်သာ ဒီမိုကရေစီရနိုင်မည်ဟု ၀ါဒဖြန့် ရေးသားဖော်ပြနေသည်။ ထိုအခြေခံ ဥပဒေကို လက်တွေ့ အကောင်အထည်ဖော်ရန် ရွေးကောက်ပွဲကို ကျင်းပရန် စစ်ခေါင်းဆောင်များ ကြိုးပမ်းကြခြင်းဖြစ်သည်။ ရွေးကောက်ပွဲဖြစ်မှသာ ပေါ်ပေါက်လာမည့် လွှတ်တော်အဆင့်ဆင့်နှင့် အစိုးရ တို့က ဖွဲ့စည်းပုံအခြေခံဥပဒေအတိုင်း နိုင်ငံ့အရေးအရာအားလုံးကို စီမံခန့်ခွဲမည်ဖြစ်သည်။ ထိုအခြေခံ ဥပဒေက စစ်တပ်အား နိုင်ငံရေးတွင် လက်ဝါးကြီးအုပ်ခွင့် ကို အာမခံချက်ပေးထားသောကြောင့်ဖြစ်သည်။ ထို့ကြောင့် အာဏာကို ဆက်လက် ချုပ်ကိုင်နိုင်ရေးအတွက် ရွေးကောက်ပွဲသည် နအဖ စစ်အာဏာရှင် ဗိုလ်ချုပ်ကြီးများအတွက် သေရေးရှင်ရေးတမျှ အရေးကြီးရခြင်းဖြစ်သည်။

ရွေးကောက်ပွဲကို ကျင်းပလိုသော၊ ရွေးကောက်ပွဲတွင် ပါဝင်ယှဉ်ပြိုင်လိုသော နိုင်ငံရေးပါတီများ နိုင်ငံရေး သမားများက မြန်မာနိုင်ငံအနေဖြင့် ရွေးကောက်ပွဲဆိုသည်မှာ မဖြစ်မနေ ဖြတ်သန်းရမည့် နိုင်ငံရေးဖြစ်စဉ် တရပ်အဖြစ် တဘက်သပ် ရှုမြင်ကာ ထုတ်ဖော် ပြောဆိုကြသည်။ ထိုသို့သောအခြေအနေများကြောင့် မြန်မာနိုင်ငံတွင် ရွေးကောက်ပွဲ ဖြစ်လာရသည်ဟု ဆိုရပေလိမ့်မည်။ သို့သော် ဒီမိုကရေစီတော့ အစစ်အမှန်  ရလိမ့်မည် မဟုတ်ပေ။ ရွေးကောက်ပွဲ ဆိုသည်မှာ နိုင်ငံ၏ အုပ်ချုပ်ရေးနှင့် စီမံခန့်ခွဲရေးလုပ်ငန်းများကို ပြည်သူတို့ကိုယ်စား လက်တွေ့လုပ်ကိုင် ဆောင်ရွက်ပေးမည့် ကိုယ်စားလှယ်များကို ရွေးချယ်ခြင်းဖြစ်သည်။ ထို့ကြောင့် အဆိုပါ ကိုယ်စားလှယ်များသည် လူထုကို ကိုယ်စားပြုသောသူများ ဖြစ်သည်။ တရားဝင် ကိုယ်စားပြုနိုင်ရေးအတွက် ရွေးကောက်ပွဲ ဝင်ပြိုင်ကာ ပြည်သူတို့၏ အဆုံးအဖြတ်ကို ခံယူရသည်။ သို့ဖြစ်ရာ ကျင်းပသည့် ရွေးကောက်ပွဲများသည် လွတ်လပ်ရမည်၊ တရားမျှတရမည်၊ ရွေးကောက်ပွဲဆိုင်ရာ လုပ်ငန်းစဉ်များသည် စနစ်တကျရှိပြီး သမာသမတ်ကျရမည် ဖြစ်သည်။

ဒီမိုကရေစီကို ဖော်ဆောင်နိုင်မည့် လူမှုအသိုင်းအ၀ိုင်း တည်ထောင်ရေးအတွက် အရေးအကြီးဆုံးနှင့် အခြေခံ အကျဆုံးသော လိုအပ်ချက်မှာ တရားစီရင်ရေးသည် သီးခြားလွတ်လပ်မှုရှိရေး (Judicial Independence) ၊ တရားဥပဒေ စိုးမိုးရေး (Rule of Law) နှင့် အခြေခံ လူ့အခွင့်အရေးများနှင့် လွတ်လပ်မှု (Fundamental Rights and Freedoms) ဖြစ်သည်။ သို့သော် လက်ရှိ မြန်မာနိုင်ငံတွင် ထိုအခြေအနေများ မရှိပေ။ တရားဥပဒေစိုးမိုးမှု မရှိ၊ တရားစီရင်ရေးတွင် အုပ်ချုပ်ရေးက ဝင်ရောက်စွက်ဖက်နေသည်။ ဥပဒေ အထက်တွင် အမိန့်က ကြီးစိုးနေသည်။ ပြည်သူလူထုတွင် အခြေခံလူ့အခွင့်အရေးများ ဆုံးရှုံးနေသည်။  လွတ်လပ်ခွင့်များ မဲ့နေသည်။ အာဏာရှင်များ၏ အုပ်ချုပ်မှု၊ စစ်တပ်အုပ်ချုပ်မှုအောက်တွင် ဤသို့သော အဖြစ်များ အမြဲဖြစ်ပျက်နေသည်။ ထိုသူများက ကျင်းပပြုလုပ်သည့် ရွေးကောက်ပွဲသည် လွတ်လပ်သော တရားမျှတသော ရွေးကောက်ပွဲကို ကျင်းပနိုင်မည် မဟုတ်ပေ။ အကြောင်းမူကား ၄င်းတို့သည် ဒီမိုကရေစီကို မယုံကြည်ကြသောကြောင့် ဖြစ်သည်။

မြန်မာစစ်အာဏာရှင်များသည် ပြည်သူလူထုအား လွတ်လပ်စွာတွေးတောခွင့် Freedom of Thought နှင့် လွတ်လပ်စွာ ဆန္ဒထုတ်ဖော်ပြသခွင့် (Freedom of Expression) ကို လက်တွေ့ကျင့်သုံးခွင့် မရစေရန် ဖိနှိပ်ခြိမ်းခြောက်မှုများဖြင့် ပိတ်ပင်ထားသည်။ ဥပဒေရေးရာတွင် ပြည်သူပြည်သားအားလုံး တန်းတူခံစားခွင့် မရှိပေ။ လုပ်ပိုင်ခွင့်အာဏာရှိသူများက အာဏာကို ကိုယ်ကျိုးအတွက် ထင်တိုင်းသုံးနေသည်၊ ထို့အပြင် ပြည်သူလူထုကို ကိုယ်စားပြုသည့် ပြည်သူ့ကိုယ်စားလှယ် အမတ်များ ဖြစ်လာစေရန် ကြိုးပမ်းလုပ်ဆောင်သူ များကိုလည်း ကန့်သတ်ချက် အကြောင်းပြချက်အမျိုးမျိုးဖြင့် တားမြစ်မှုများ ပြုလုပ်ထားသည်။ ပြည်သူ လူထု၏အခြေခံအခွင့်အရေးများကို ဥပဒေများပြဌာန်းချက်များဖြင့် အကာအကွယ်ပေးရမည်မှာ အစိုးရ တရပ်၏ တာဝန်ဖြစ်သည်။ နအဖစစ်အာဏာရှင် ဗိုလ်ချုပ်ကြီးများ အုပ်ချုပ်မှုအောက်တွင် သီးခြား လွတ်လပ်သော တရားစီရင်ရေး မရှိ၊ အာဏာနှင့်လုပ်ပိုင်ခွင့်ရှိသူများ၏ ဥပဒေ ချိုးဖောက်မှုများ ရှိနေခြင်းကြောင့် လက်ရှိ အခြေအနေတွင် ဒီမိုကရေစီကျသော ရွေးကောက်ပွဲပေါ်ထွန်းရေး ဆိုသည်မှာ မည်သို့မျှ တွေးတော၍မရပေ။

ပြည်သူများ၏ လွတ်လပ်စွာ ဆန္ဒဖော်ခွင့်များ၊ နိုင်ငံရေးပါတီများ အသင်းအဖွဲ့များ၏ စည်းရုံးလှုပ်ရှားပိုင်ခွင့် များကို အကြီးအကျယ် ကန့်သတ်ချုပ်ချယ်ထားပြီး ရွေးကောက်ပွဲဝင်ရန် ပူပူနွေးနွေး ယူနီဖောင်းချွတ်ကာ အရပ်သားအဖြစ် ပြောင်းလဲထားသော စစ်ဗိုလ်ချုပ်များက ပြည်သူပိုင် ငွေကြေး ပစ္စည်းဥစ္စာများဖြင့် ဖွဲ့စည်း ထားသော လူမှုရေးအသင်း ကြံ့ဖွံ့ကို နိုင်ငံရေးပါတီအဖြစ် အသွင်ပြောင်းလဲပြီး ထိုငွေကြေး ပိုင်ဆိုင်မှုများကို သုံးကာ ရွေးကောက်ပွဲတွင် အခြားပါတီများ ပြိုင်ဘက်များထက် အသာစီးရယူထားသည်။ ယင်းကိုလည်း စစ်အာဏာရှင်များက တဘက်သပ် ခန့်အပ်ထားသည့် ရွေးကောက်ပွဲကော်မရှင်က ခပ်မဆိပ်နေခြင်းသည် မျှတမှုမရှိ၊ ရွေးကောက်ပွဲဆိုင်ရာ ဥပဒေများကို ချိုးဖောက်နေသည် ဆိုသည့်အချက်ကို ပေါ်လွင်နေစေသည်။

ထိုမျှမကသေး၊ လက်ရှိ အာဏာချုပ်ကိုင်ထားသည့် စစ်အာဏာရှင်များသည် ရွေးကောက်ပွဲတွင် ၄င်းတို့ မုချ အနိုင်ရမည်ဟု တွက်ဆထားသည်ကို နအဖအကြီးအကဲ ဗိုလ်ချုပ်မှူးကြီးသန်းရွှေ တရုတ်ပြည်တွင် ပြောဆို ခဲသည့် စကားက ဖော်ပြနေသည်။ ရွေးကောက်ပွဲပြီးစီးသည့်နောက် ပေါ်ပေါက်လာမည့် အစိုးရသည်လည်း ယခု လက်ရှိအတိုင်း ဆက်ဆံသွားမည် ဖြစ်ကြောင်း ထုတ်ဖော်ပြောဆိုခဲ့ခြင်းက နိုဝင်ဘာ ၇ ရက် ရွေးကောက်ပွဲပြီးသည့်နောက်တွင်လည်း ၄င်းတို့သာ ဆက်လက် အုပ်ချုပ်သွားဖြစ်ကြောင်းကို တရုတ်အား အာမခံချက်ပေးလိုက်ခြင်းပင်ဖြစ်သည်။

ထို့ကြောင့် စစ်အာဏာရှင်နအဖက ကျင်းပမည့် ၂ဝ၁ဝ ရွေးကောက်ပွဲဆိုသည်မှာ မြန်မာနိုင်ငံတွင် အာဏာရှင်စနစ် ဆက်လက် ထွန်းကားရေးအတွက် ထိန်းသိမ်းပေးမည့် ရွေးကောက်ပွဲသာ ဖြစ်ပေသည်။ ထိုရွေးကောက်ပွဲကို ဝင်ပြိုင်မည့် နိုင်ငံရေးသမားများ၊ နိုင်ငံရေးပါတီများက နိုင်ငံတကာအဖြစ်အပျက်များ၊ အတွေ့အကြုံများ၊ နိုင်ငံရေးဆိုင်ရာ သဘောတရားများ၊ အယူအဆများကို မဏ္ဍိုင်ပြုကာ ရှောင်လွှဲမရသော နိုင်ငံရေးဖြစ်စဉ်တရပ် အဖြစ်ဖြင့် ဝင်ရောက် ယှဉ်ပြိုင်ရန် အပြီးသတ် ပြင်ဆင်နေကြပြီ ဖြစ်သည်။ ၄င်းတို့သည် မည်သည့်နိုင်ငံ၊ အခြေအနေ၊ သဘောသဘာဝ၊ အမူအကျင့်စရိုက်တို့နှင့် လုံးဝ မတူခြားနားနေသည့် မြန်မာပြည်အခြေအနေ၊ မြန်မာစစ်အာဏာရှင်များ၊ မြန်မာလူထုတို့၏ အနေအထားကို မှန်ကန်စွာ တွက်ဆနိုင်ခြင်း မရှိပဲ ရွေးကောက်ပွဲဝင်ရန် ဆုံးဖြတ်ခဲ့ခြင်းသာ ဖြစ်သည်။ စစ်အာဏာရှင် နအဖတို့သည် အာဏာဆက်လက်ချုပ်ကိုင်ရေးအတွက် မည်သည့်အရာကိုမဆို လုပ်ကိုင်ခဲ့သည်၊ လုပ်ကိုင်နေသည်၊ လုပ်ကိုင်လိမ့်မည်ဆိုသည်ကို ထိုနိုင်ငံရေးသမားများက တွက်ဆနိုင်ခြင်း မရှိပဲ နအဖစစ်အာဏာရှင်များ ချပေးသည့် လမ်းကြောင်းအတိုင်း လျှောက်လှမ်းနေကြသည်။

ရွေးကောက်ပွဲကို ဝင်ပြိုင်မည့် နိုင်ငံရေးသမားများ၊ နိုင်ငံရေးပါတီများက ၎င်းတို့အနိုင်ရရှိပါက  လွှတ်တော် အတွင်း တရားဝင် ပြောရေးဆိုခွင့် ရလိမ့်မည်ဟု မျှော်လင့်နေကြသည်။  ထိုအခြေအနေဖြင့် မြန်မာနိုင်ငံကို ဒီမိုကရေစီ ထွန်းကားသည့် နိုင်ငံအဖြစ် တဖြည်းဖြည်းချင်း ပြောင်းလဲယူနိုင်လိမ့်မည် ဆိုသည့် အိမ်မက်ပင် ဖြစ်သည်။ ထိုအိပ်မက်သည် လက်တွေ့ ဖြစ်လာမည်လော။

ကျော်ကျော်စိုး

အောက်တိုဘာ ၁ ၊ ၂ဝ၁ဝ ခုနှစ်

sayarkway@gmail.com

Download: Election for legitimate dictatorship

………..

အယ်ဒီတာတွေပြောတဲ့ ရွေးကောက်ပွဲ

အယ်ဒီတာတွေပြောတဲ့ ရွေးကောက်ပွဲ

မြန်မာနိုင်ငံမှာ အနှစ် (၂၀) ကျော်အတွင်း ပထမဦးဆုံးအကြိမ်အဖြစ် နိုဝင်ဘာလ (၇) ရက်နေ့မှာ ရွေးကောက်ပွဲကျင်းပပေး မယ်လို့ စစ်အစိုးရက ကြေညာထားပါတယ်။ ရွေးကောက်ပွဲနဲ့ပတ်သက်တဲ့ အလားအလာ၊ လက်ရှိအခြေအနေ၊ ဂယက် ရိုက်ခိုက်မှုတွေကို ပြည်တွင်းပြည်ပရှိ သတင်းအယ်ဒီတာတွေ ဘယ်လိုမြင်ကြပါသလဲ။ “အယ်ဒီတာတွေပြောတဲ့ ရွေးကောက်ပွဲ”ဆိုင်ရာများကို စုစည်းတင်ပြပေးထားပါတယ်။ (ဗွီအိုအေ)

မထူးတဲ့ပြဇာတ်

By ပြည်တွင်းဂျာနယ် အယ်ဒီတာတဦး                                                      ကြာသပတေး, 30 စက်တင်ဘာ 2010

လာမယ့် ၂၀၁၀ ရွေးကောက်ပွဲနဲ့ ပတ်သက်ပြီး ကျနော်ယုံကြည်မှု မရှိပါ။ ရွေးကောက်ပွဲ အခြေခံဥပဒေမှာ ပါတဲ့  လွတ်တော်(၇)ရပ်မှာပါတဲ့အမတ်လောင်းတွေကလည်း  လက်ရှိစစ်အစိုးရကလူတွေကိုပဲ အရောင် ပြောင်းလိုက်ခြင်းသာ  ဖြစ်ပါလိမ့်မယ်၊ လက်ရှိအနေအထားမှာလည်း   စစ်အစိုးရ အရာရှိတွေ အင်္ကျီလဲ နေကြဆဲပါ။  ရွေးကောက်ပွဲမှာ ပါဝင်ယှဉ်ပြိုင်မယ့် ပါတီတွေကလည်း အိမ်ဖြည့်ကစားနေကြသလို ခံစားရ ပါတယ်။

ဘာကြောင့်လဲဆိုတော့ မတူကွဲပြားခြင်းနဲ့ ငြိမ်းချမ်းခြင်း ပါတီကအတွင်းရေးမှုး   ကိုနေမျိူးဝေ နဲ့  သူတို့ ပါတီလုပ်ငန်းစဉ်ကို ဆွေးနွေးကြည့်တဲအခါ နိုင်ငံရေးကို ကလေးတွေ ဆော့သလို ပေ့ါတီးပေါ့ပျက် တာဝန် မယူတဲ့ စကားတွေပြောနေတယ်။  ပါတီတိုင်းကလည်း သူတို့လုပ်ဆောင်မယ့် လုပ်ငန်းစဉ်တွေကိုပဲ ပြော နေကြတယ်။

စည်းရုံးရေးဆင်းနေကြပြီ၊ ဘယ်လိုစည်းရုံးလို့ရပြီလဲ၊ ရပ်ကွက်ထဲကိုလည်း မေးကြည့်ပါအုံး၊  ပါတီဘယ် နှစ်ခုရှိသလဲ၊ ဘယ်ပါတီတွေလည်းဆိုတာ ပြည်သူတွေက မသိကြဘူး၊ premier league ဘော်လုံးပွဲ လောက်တောင်  စိတ်မ၀င်စားကြဘူး။  ဒါကလည်း စစ်အစိုးရက ပြည်သူတွေကို နိုင်ငံရေး စိတ်ဝင်စားမှု အရှိန်ကို ဖိနှိပ်ထားတာ၊ ကျနော်တို့လို ရွေးကောက်ပွဲကို တခါမှ မကြုံဘူးသူတွေဆိုရင် စာမဖတ်တဲ့ အုပ်စု တွေကတော့ နိုင်ငံရေးနဲ့ ပတ်သက်ပြီး ဘာမှမသိကြဘူး။

မြန်မာနိုင်ငံမှာ လှူုဦးရေ သန်း(၆၀)ရှိတဲ့အထဲ အသက်(၁၈)နှစ်ကနေ (၃၅)နှစ်တွင်း လူဦးရေက အများ ဆုံးပဲလို့ စစ်တမ်းတွေက ဖော်ပြပါတယ်။ ရွေးကောက်ပွဲကို တကယ် မဲပေးဘူးသူတွေဟာ  အသက် (၄၀) ဝန်ကျင်တွေပါ၊ ဒါ့ကြောင့် တနိုင်ငံလုံး မှာ  လူဦးရေများတဲ့ အသက်အပိုင်း အခြားလူတွေက ရွေးကောက် ပွဲကို မဖြတ်သန်းဖူးသူတွေ၊ နားမလည်တဲ့ သူတွေများနေတယ်။ ရွေးကောက်ပွဲ ၀င်ဘူးတဲ့သူ၊ စည်းရုံးဖူး တဲ့ သူတွေကို  ထောင်ထဲထည့်တာလုပ်နေတယ်။ လူငယ်တွေ ကြောက်ရွံနေအောင် စစ်အစိုးရက လုပ်နေတယ်။

ဒါ့ကြောင့် ကိုယ်ကမကြိုက်တာကို မကြိုက်တဲ့အတိုင်း ဆန့်ကျင်ပိုင်ခွင့်ရှိရမယ်။  ကိုယ်ကြိုက်တာကို ရွေးချယ်ပိုင်ခွင့် ရှိရမယ်။ အခုလက်ရှိမှာ ကြိုက်ရင်လည်းဒါပဲ၊ မကြိုက်ရင်လည်းဒါပဲ ဖြစ်နေတယ်။

ကျနော်နယ်ကို ပြန်သွားတဲ့တခေါက် ၂၀၀၈ အခြေခံဥပဒေကို ထောက်ခံဖို့ ရပ်ကွက်လူကြီးက လာပြော တယ်။ နေ့လည် ၁၂ နာရီထက်မကျော်ရဘူးပေါ့၊   ကျနော်က နေ့လည် ၁၂နာရီထိုးဖို့ (၅)မိနစ် လောက်အလို ရောက်သွားတော့  ရပ်ကွက်လူကြီးက ရပြီ ပေးစရာမလိုတော့ဘူး။ ပြည့်သွားပြီလို့ပြော တယ်။  ပြောလိုက်ပုံက တော်တော် ရီစရာကောင်းတယ်၊ တကယ်တရားမျှတတာဆိုရင် ဒီလိုမျိူးတွေ လုပ်စရာမှမလိုတာ၊ အခု ၂၀၁၀ ရွေးကောက်ပွဲကို ပြန်ဆက်ရမယ်ဆိုရင် လက်ရှိ ပါတီထောင်ထားတဲ့သူ တွေ စည်ပင်ပိုင်နယ်မြေထဲမှာ စည်းရုံးမယ်ဆိုရင် စည်ပင်ခွင့်ပြုချက်ရှိမှ ဟောပြောပိုင်ခွင့်ရှိတယ်။  ဒါဟာ တရားမျှတယ်လို့ ပြောမလား၊ ပါတီထောင်တဲ့ သူတွေကရော ဒီလပိုင်းတွင်း တနိုင်ငံလုံးမှာ ရုံးခွဲတွေဖွင့်ပြီး စည်းရုံးနိုင်တဲ့ အင်အားရှိလို့လား၊ ဘဏ္ဍာရေးကော တောင့်တင်းသလား၊ တခုမှ မရှိဘူး။ ကြံဖွံ့ပါတီက တနိူင်ငံလုံးမှာ ရုံးခွဲတွေရှိတယ်၊ အဲဒီလို ရှိအောင်လည်း အနှစ်(၂၀)စီမံကိန်းနဲ့ လုပ်ခဲ့တော့ သူတို့ပဲ လာမယ့် ရွေးကောက်ပွဲမှာ တဖက်သတ် အနိုင်ယူသွားမယ်လို့ ကျနော်မြင်မိပါတယ်။

နားဆင်ရန်

ရွေးကောက်ပွဲဟာ အဖြေလား

By ပြည်တွင်းဂျာနယ် အယ်ဒီတာတဦး                                              သောကြာ, 03 စက်တင်ဘာ 2010

လာမယ့် နိုဝင်ဘာလ(၇)ရက်နေ့မှာ ရွေးကောက်ပွဲ ကျင်းပမယ်လို့ စစ်အစိုးရက ကြေညာထားပါတယ်၊ အနှစ် နှစ်ဆယ်အတွင်း ကျင်းပတဲ့ ပထမဆုံး ရွေးကောက်ပွဲဖြစ်လို့ ကြိုဆိုကြသူတွေလည်းရှိပါတယ်၊ ထို့အတူပါပဲ  တချို့ ကလည်း ရသလောက်ယူကြမယ်၊ ပါလီမန်ထဲ ခြေချနိုင်အောင် ကြိုးစားပြီး ပါလီမန် တွင်း တိုက်ပွဲဝင်ရမယ်ဆိုတဲ့ အယူအဆတွေလည်း ရှိကြပါတယ်။

အကောင်းမြင်လွန်းတဲ့ အယူအဆတွေပါ၊ အဲ့ဒီ အယူအဆတွေဟာ အခုချိန်မှာတော့ တဖြည်းဖြည်း မှေးမှိန်စ ပြုလာနေပါပြီ။ နိုဝင်ဘာ(၇)ရက်လို့ ရွေးကောက်ပွဲ သတ်မှတ်လိုက်တယ်။ အဲဒီလို သတ်မှတ် လိုက်ပြီးနောက်ပိုင်း ထွက်ပေါ်လာတဲ့ ရွေးကောက်ပွဲဆိုင်ရာ လုပ်ငန်းစဉ် တွေဟာ ဖုတ်ပူမီးတိုက်ပါပဲ။

တည်ထောင်စ ပါတီတွေ ကသောင်းကနှင်းနဲ့ အကြပ်ဖြစ်နေကြကုန်တော့တာပါပဲ၊ အဲ့ဒီအချိန်မှာ အာဏာ လက်ရှိဝန်ကြီးတွေဦးဆောင်တဲ့ ကြံ့ခိုင်ရေးပါတီကတော့ မဲဆွယ်စည်းရုံးရေး လုပ်ငန်းတွေကို အရှိန်မြှင့် ပြီး ဆောင်ရွက်နေတာကို တွေ့ကြရမှာဖြစ်ပါတယ်။ လက်ရှိ အာဏာပါဝါကို အသုံးပြပြီး ဆောင်ရွက်နေ တာ အားလုံးအသိပါ။ လက်ရှိ အာဏာပါဝါကို အသုံးပြုပြီး မဲရရှိရေး၊ ရွေးကောက်ပွဲ အနိုင်ရရေး ဆောင်ရွက်နေတဲ့ ကြံ့ခိုင်ရေးပါတီရဲ့  လုပ်ရပ်တွေကိုကြည့်ရင် လာမယ့် နိုဝင်ဘာ(၇)ရက် ရွေးကောက်ပွဲ ဟာ ဘယ်လိုမှ တရားမျှတမှု ရှိမှာမဟုတ်သလို။ လွတ်လပ်တဲ့ ရွေးကောက်ပွဲလည်း ဖြစ်မှာမဟုတ်ဘူး။

တခါ ရွေးကောက်ပွဲကျင်းပမယ့်ရက်ကလည်း သိပ်မလိုတော့ပါဘူး၊ ဒါပေမဲ့ ရွေးကောက်ပွဲ တခုရဲ့   အခင်း အကျင်း။ ရွေးကောက်ပွဲရဲ့  အင်္ဂါရပ်တွေကတော့ မတွေ့ရသလောက်ပါဘဲ။ မဲဆန္ဒရှင် ပြည်သူလူထု ကိုယ် တိုင်က ရွေးကောက်ပွဲနဲ့ ပတ်သက်ပြီး စိတ်ပါဝင်စားမရှိ၊ တက်ကြွမှုတွေ ပျောက်ဆုံးနေသလို ခံစားနေ ကြရပါတယ်။

နိုဝင်ဘာ(၇)ရက်နေ့ ရွေးကောက်ပွဲနဲ့ မဲဆန္ဒရှင် ပြည်သူလူထုနဲ့က ကင်းကွာပြီး တသီးတခြားစီ ဖြစ်နေတဲ့ အခြေအနေမျိုးပါ။ ဒါကလည်းသိပ်တော့ မဆန်းကြယ်ပါဘူး၊ ဘာ့ကြောင့်လဲဆို ရွေးကောက်ပွဲ မကျင်းပ ခင်က အဖြေကထွက် ပြီးသားဖြစ်နေလို့ပါ၊ တရားမျှတပြီး လွတ်လပ်တဲ့ ရွေးကောက်ပွဲ ဖြစ်တာမဖြစ်တာ အရေးမကြီးပါဘူး။ ထို့အတူ နိုင်ငံ တကာက အသိအမှတ်ပြုခြင်း မပြုခြင်းဟာလည်း အရေးမကြီးလှပါ ဘူး၊ အရေးကြီးတာက ရွေးကောက်ပွဲမှာ ကြံ့ခိုင်ရေး ပါတီနိုင်ဖို့ပါ။

ဘယ်လိုနည်းနဲ့ဖြစ်ဖြစ် နိုင်တယ်ဆိုတဲ့ အဖြေကိုရအောင်လုပ်မှာပါ။ သူတို့စစ်ဗိုလ်၊ စစ်သားတွေပြော လေ့ရှိတဲ့ စကားအတိုင်းပါပဲ ရေဘူးပေါက်တာ မလိုချင်ဘူး ရေပါတာပဲလိုချင်တယ် ဆိုတဲ့ စကားအတိုင်း ပါ။ ရွေး ကောက်ပွဲမှာ နိုင်ကိုနိုင်ရမယ်ဆိုတာပါ။

ဒါကြောင့် စောစောက အကောင်းမြင် အယူအဆရှိသူတွေ၊ ဒီမိုကရေစီ လိုလားတဲ့ ရွေးကောက်ပွဲဝင်မယ့် ပါတီတွေဟာ ပြန်လည် သုံးသပ်ပြီး လက်တွေ့ကျကျ လုပ်ဆောင်ကြဖို့ လိုပါလိမ့်မယ်။

မိမိတို့ မျှော်လင့်ထားတဲ့အတိုင်း ဖြစ်လာနိုင် မဖြစ်လာနိုင်ပေါ့၊ နိုင်ငံရေးသမားတွေ၊ နိုင်ငံရေး အင်အားစု တွေနဲ့ စစ်တပ်အာဏာပိုင်တို့ ထိပ်တိုက်တွေ့ အားပြိုင် လာကြတာ နှစ်တွေမနည်းတော့ပါဘူး။ အနှစ် နှစ်ဆယ် မဟုတ်ပါဘူး၊ နှစ်ပေါင်း ၅ဝ နီးပါးရှိနေပါပြီ။ မြန်မာစစ်ဗိုလ်ချုပ်တွေရဲ့  သဘောသဘာဝ၊ လုပ်ရပ် နဲ့ အတွေးအခေါ်တွေကို အကဲဖြတ်နိုင်ကြဖို့ ကောင်းပါပြီ။ ဆိုလိုတာက နိုဝင်ဘာ (၇) ရက် ရွေးကောက်ပွဲ ဟာ မြန့်မာနိုင်ငံရေး ပြဿနာရဲ့  အဖြေမဟုတ်ဘူး ဆိုတာပါပဲ။ ထို့အတူ ဒီမိုကရေစီဖော်ဆောင်ဖို့အတွက် ကျင်းပပြုလုပ်တာ မဟုတ်ဘူး ဆိုတာကိုလည်း သတိပြုသင့်လှပါတယ်။

ဒါ့ကြောင့် ရွေးကောက်ပွဲနဲ့ ပတ်သက်ပြီး မျှော်လင့်ချက်ကြီးကြီး မထားသင့်ပါဘူး။ ထို့အတူ ရွေးကောက်ပွဲ ဟာ အပြောင်းအလဲမရှိ တစုံတရာကို ဖြစ်ပေါ်စေမှာ မဟုတ်သလို ရွေးကောက်ပွဲဟာ အဖြေတခုလည်း မဟုတ်ပါဘူး။ ရွေးကောက်ပွဲ ပြီးကာလဟာ ပိုမိုရှုပ်ထွေးမှုတွေနဲ့ ပြည့်နှက်နေမယ် ဆိုတာပါ။

အဲ့ဒါတွေကတော့ တိုင်းရင်းသားပြဿနာ၊ စီးပွားရေး ကျပ်တည်းမှု၊ နိုင်ငံတကာ အသိအမှတ်မပြုမှု နဲ့ နျူကလီးယား ပြဿနာတွေပဲ ဖြစ်ပါတယ်။

နားဆင်ရန်

မစပ်မယ့် လယ်ပွဲ စောစောကဖြုတ်

By ပြည်တွင်းဂျာနယ် အယ်ဒီတာတဦး ဗုဒ္ဓဟူး, 25 သြဂုတ် 2010

အခုရက်ပိုင်းအတွင်း ရွေးကောက်ပွဲဝင်ကြမယ့် နိုင်ငံရေးပါတီတွေရဲ့  ညည်းညူသံတွေ ပိုပြီး ကျယ်ကျယ် လောင်လောင် ကြားလာရတယ်၊ ပထမတော့ စစ်အစိုးရက ၂ဝ၁ဝ ထဲမှာ ရွေးကောက်ပွဲ ကျင်းပမယ်လို့ သာ ပြောထားတာ။ တကယ်ရော ကျင်းပနိုင်ပါ့မလားဆိုတဲ့ သံသယစိတ်တွေနဲ့ စောင့်ကြည့်နေခဲ့ကြ တယ်။ တကယ်လည်း သံသယဖြစ်စရာပါပဲ။ ၁၉၉ဝ ရွေးကောက်ပွဲ အနိုင်ရပါတီဖြစ်တဲ့ NLD နဲ့လည်း ဆွေးနွေးညှိနှိုင်း အဖြေမရှာဘူး၊ ဒေါ်အောင်ဆန်းစုကြည်ကိုလည်း ဆက်ဖမ်းထားတယ်၊ နယ်ခြားစောင့် တပ်ဖွဲ့ရေးအတွက် တိုင်းရင်းသားတွေနဲ့ ဆွေးနွေးတာလည်း အကြိမ်ကြိမ်ရှိပြီး မပြေလည်သေးဘူး။ ဒါ့အပြင် နိုင်ငံရေးသမားတွေကိုလည်း ရာနဲ့ချီထောင်ထဲထည့်ထားဆဲ၊ ဒီလိုအခြေအနေမှာ ရွေးကောက်ပွဲ တခုကျင်းပဖို့ ဘယ်လို့မှမသင့်တော်ပါဘူး။ ဒါပေမယ့် မြန်မာစစ်အစိုးရက အဲ့ဒီအခြေအနေတွေကို လုံးဝ တွက်ပုံမရဘူး။ ရွေးကောက်ပွဲရက်ကို ဆိုင်းမဆင့် ဗုံမဆင့် ကြေညာလိုက်တယ် နိုဝင်ဘာလ (၇) ရက်နေ့ တဲ့၊

ရွေးကောက်ပွဲ ကျင်းပမယ့်ရက် သတ်မှတ်ကြေညာလိုက်တော့ ရွေးကောက်ပွဲ ဝင်ချင်သူတွေ၊ ရွေး ကောက်ပွဲဟာ ထွက်ပေါက်ပဲလို့ ယူဆထားသူတွေဟာ အတော်ကလေး စိတ်သက်သာရာ ရသွားပုံ ပေါ်ပါတယ်။ ဒါပေမယ့် ဆက်လက်ထွက်ပေါ်လာတဲ့ ရွေးကောက်ပွဲ လုပ်ငန်းစဉ်တွေကတော့ အစီအစဉ် မကျ၊ ဥပဒေနဲ့လည်းမညီ၊ အတော့ကို ကမောက်ကမ နိုင်လှတာကို တွေ့ရတယ်၊ ပါတီတွေမှတ်ပုံတင်တာ မပြီးသေးဘူး ပါတီဝင်အင်အား တင်ပြနေကြဆဲ။ အဲ့ဒီလို အခြေအနေမှာ ရွေးကောက်ပွဲမှာ ပါဝင်ယှဉ်ပြိုင် ကြမယ့် ပါတီအသီးသီးရဲ့  ကိုယ်စားလှယ်လောင်း အမည်စာရင်းတွေကို တင်သွင်းခိုင်းတယ်။ အချိန်က နှစ်ပတ်သာသာ ၁၆ ရက်ပဲ ရကြတယ်။ ဘယ်လိုလုပ်ကြမလဲ။ ပါတီခေါင်းဆောင်တွေ ခေါင်းချင်းဆိုင်ကြ ဆွေးနွေးကြနဲ့ မျက်ဖြူဆိုက်ကုန်ပြီ။

မျက်ဖြူဆိုက်လေ ဆရာကြိုက်လေ ဆိုသလိုပါပဲ။ နိုင်ငံရေးပါတီတွေ အကြပ်ရိုက်နေချိန်မှာ လက်ရှိ အာဏာရ ဝန်ကြီးတွေ ဦးဆောင်တဲ့ ကြံ့ခိုင်ရေးပါတီကတော့ နိုင်ငံနှင့်အဝှမ်း စည်းရုံးရေးလုပ်ငန်းတွေကို ခြိမ်းတခါ ခြောက်တလှည့်။ ချော့တခါ မြှူတလှည့်နဲ့ အားသွန်ခွန်စိုက် ဆောင်ရွက်နေကြတယ်။

အစိုးရစရိတ်နဲ့သွား အစိုးရအာဏာကို အသုံးပြု၊ အစိုးရရဲ့  သတင်းစာ ရေဒီယို ရုပ်သံတွေကို အသုံးပြု ဝါဒဖြန့်နေလိုက်ကြပုံများ တကယ့်ကို တရားကျလောက်ပါရဲ့။ ကမ္ဘာပေါ်မှာ သူတို့လောက် ပြည်သူကို လေးစား တန်ဘိုးထား သူ မရှိဘူးဆိုတဲ့ စတိုင်တွေနဲ့ ဒီနေရာမှာ ကြုံလို့ ရန်ကုန်မြို့ တော်ဝန်ကြီးရဲ့  စကား ကို တင်ပြပါရစေ။

ကြံ့ခိုင်ရေးပါတီ ကိုယ်စားပြု ယှဉ်ပြိုင်မယ့် အလုံမြို့ နယ် လွှတ်တော် ကိုယ်စားလှယ်တဦးကို မြို့ တော်ဝန်ကြီးက
“အမတ်မင်း ဘာမှမပူနဲ့ ခင်ဗျားနိုင်အောင် အားလုံး စီစဉ်ထားပြီးပြီ၊ ရွေးကောက်ပွဲနေ့မှာ မဲ ငါးထောင်ပဲရ၊ ခင်ဗျားနိုင်ပြီ၊ အမတ်ဖြစ်ပြီ” တဲ့ဗျာ၊ ဘယ်လောက် ပိုင်သလဲ၊ ရွေးကောက်ပွဲမပြီးခင် အမတ်ဖြစ်နေပြီ။

အဲဒီလို အခြေအနေမျိုးမှာ တည်ထောင်စ ပါတီတွေ၊ ဒီမိုကရေစီ လိုလားတဲ့ အင်အားစုတွေ ဘယ်လို ယှဉ်ပြိုင်ကြမှာလဲ။ စဉ်းစားကြပါ၊ နိုင်ငံရေးဆိုတာ လက်တွေ့ကျဖို့လိုပါတယ်။ အခုအချိန်မှာ လက်တွေ့အ ကျဆုံးနဲ့ ဂုဏ်သိက္ခာ အရှိဆုံးလုပ်ရပ်ကတော့ တရားမျှတမှုမရှိ၊ လွတ်လပ်မှု မရှိတဲ့ နိုဝင်ဘာ (၇) ရက် ရွေးကောက်ပွဲကို ကျောခိုင်းလိုက်ကြဖို့ပါပဲ။ ကြံ့ခိုင်ရေးပါတီ တစ်ကောင်တည်းပြေးပြီး ပထမ ပန်းဝင်သွား ပါစေ။ အဲ့ဒါ ပွဲပြီးသွားတာ မဟုတ်သလို အဖြေလည်းမဟုတ်ပါဘူး၊ ပါတီစုံ ဝင်ပြိုင်တယ်။ အလွှာစုံပါတယ်၊ အင်အားစုတွေ အားလုံးပါဝင်တယ်လို့ စစ်အစိုးရက အာဆီယံ အပါအဝင် နိုင်ငံတကာကို ပြနိုင်ဖို့အတွက် အသုံးချ မခံရရေးက ပိုအရေးကြီးပါတယ်၊ ဒီနေရာမှာ လယ်သမားတွေ သုံးလေ့ပြောလေ့ ရှိတဲ့ စကား လေးတခု ဥပမာ ပေးပါရစေ “မစပ်မယ့်လယ်ပွဲ စောစောဖြုတ်ကွာ” တဲ့၊ ဆိုလိုတာကတော့ ဒီနေ့ ထယ်ထိုး လို့ လယ်ထွန်လို့ မပြီးမယ့် အတူတူ နေမြင့်အောင် အချိန်လင့်အောင် အပင်ပန်း မခံတော့ဘဲ ထယ်ရှဉ်းကို စောစောဖြုတ်မယ်ဆိုတဲ့ သဘောပါ။

ဒါ့ကြောင့် စစ်အစိုးရ ထောင်ခြောက်ထဲက ရုန်းထွက်ကြပါ။ ရွေးကောက်ပွဲကို စွန့်ခွာကြပါ၊ ရွေးကောက်ပွဲ ပြီးတာဟာ ပွဲပြီးသွားတာ မဟုတ်ပါဘူး၊ ပွဲစတာသာဖြစ်ပါလိမ့်မယ်။

နားဆင်ရန်

သူ့ဘက်က ကြည့်တော့လည်း အမှန်သား

By ပြည်တွင်းဂျာနယ် အယ်ဒီတာတဦး တနင်္ဂနွေ, 29 သြဂုတ် 2010

ရွေးကောက်ပွဲ ဆိုတာနဲ့ အတော်ကြီးကို စိမ်းနေခဲ့ပြီဖြစ်တဲ့ မြန်မာနိုင်ငံမှာ အနှစ် ၂ဝ အတွင်း ပထမဆုံး ရွေးကောက်ပွဲအဖြစ် ၂ဝ၁ဝ ခု နိုဝင်ဘာလ (၇) ရက်နေ့မှာ ပါတီမစုံ့တစုံ ရွေးကောက်ပွဲကြီးကို ကျင်းပ တော့မယ်တဲ့။

ဒီနေ့ သြဂုတ်လ(၂၅)ရက်နေ့ကစပြီး ရေတွက်ရင် လပိုင်းပဲ လိုပါတော့တယ်၊ ဒါကြောင့် အဲဒီရွေးကောက်ပွဲ ဟာ မြန်မာနိုင်ငံသူနိုင်ငံသားများအတွက် ကြုံတောင့်ကြုံခဲမို့ စိတ်လှုပ်ရှား တက်ကြွရင်ခုန်စရာ အလွန် ကောင်းနေလိမ့်မယ်လို့ ထင်စရာတော့ရှိလေရဲ့။ ဒါပေမဲ့ နှစ်ဖက် မိဘကလည်း သဘောမတူ အရပ်က လည်း မကြည်ဖြူတဲ့ လိင်တူချင်း လက်ထပ်တော့မယ့်ပွဲလို မတင့်မတယ်မို့ အေးတိအေးစက်ပါပဲ။

ဘာတွေများ ဖြစ်လာမလဲလို့ စိတ်ဝင်စားသူ ရှိကောင်းရှိနိုင်ပေမဲ့ ပါဝင်ပတ်သက်ချင်သူကတော့ ခပ်ရှား ရှားပဲဆိုတာ ကြားနေမြင်နေရပါတယ်။

တချို့ ကတော့လည်း ပြောကြတယ် ဒီပွဲက မရှုမလှနဲ့ ဘဝကူးသွားခဲ့ရလေသူ ဟိုဘက် တခေတ်က စစ်ခေါင်းဆောင် ဗိုလ်ချုပ်ကြီးနေဝင်း ကနေ ဦးနေဝင်း လက်ထဲ ၁၉၇၄ ဖွဲ့စည်းအုပ်ချုပ်ပုံ အခြေခံဥပဒေနဲ့ အာဏာပြောင်းပေးတဲ့ပွဲလို အတူတူနဲ့ အနူနူပါပဲ။ ဒါပေမဲ့ တကယ်တမ်းကြည့်ရင် ဒီနှစ်ခုက ဆင်သာဆင် ထပ်တူမကျပါဘူး။

မြန်မာနိုင်ငံရဲ့  ဖွဲ့စည်းအုပ်ချုပ်ပုံ အခြေခံဥပဒေတွေကို ပြန်ကြည့်ရင် ၁၉၄၇ ဖွဲ့စည်းအုပ်ချုပ်ပုံဥပဒေ၊ ၁၉၇၄ ဖွဲ့စည်း အုပ်ချုပ်ပုံဥပဒေ နဲ့ ၂ဝဝဂ ဖွဲ့စည်းအုပ်ချုပ်ပုံ ဥပဒေတွေဟာ တခုနဲ့တခု မတူကြပါဘူး။ သီးခြား ခေတ် တခုစီကို ဖော်ဆောင်ခဲ့တဲ့ ဖွဲ့စည်းအုပ်ချုပ်ပုံတွေ ဖြစ်ပါတယ်။

၁၉၄၇ ခုနှစ်တုန်းက ရေးဆွဲခဲ့တဲ့ နိုင်ငံတော် ဖွဲ့စည်းအုပ်ချုပ်ပုံ ဥပဒေဟာ ပြည်သူတွေကနေ ဒီမိုကရေစီ နည်းကျ မဲပေးပြီး ရွေးကောက် တင်မြောက်ပေးခဲ့တဲ့ ဗိုလ်ချုပ်အောင်ဆန်းတို့လို အမျိုးသား ခေါင်းဆောင် ကြီးတွေ အပါအဝင် ပြည်သူ့ကိုယ်စားလှယ်စစ်စစ်တွေက ရေးဆွဲပေးခဲ့တဲ့ ပြည်သူ့ဆန္ဒ အစစ်အမှန် ဖွဲ့စည်းအုပ်ချုပ်ပုံ အခြေခံဥပဒေ ဖြစ်ပါတယ်။

နောက် ၁၉၇၄ ဥပဒေ ဒီ ဥပဒေကတော့ ကမ္ဘာကြီးပေါ်မှာ လက်ဝဲလေတွေ ထန်နေတုန်း အဲဒီ လေထဲမှာ ခိုစီးလိုက်တဲ့ စစ်ဗိုလ်ချုပ်ကြီးနေဝင်းရဲ့ လက်ဖြစ် အညမည ဖွဲ့စည်းအုပ်ချုပ်ပုံဥပဒေပါပဲ။ စစ်အာဏာရှင် စံနစ်ကို ဆိုရှယ်လစ် အရေခြုံဖုိ့ လုပ်ခဲ့တဲ့ဥပဒေပါ။ ပြည်လုံးကျွတ် ဆန္ဒခံယူပွဲနဲ့ အတည်ပြုခဲ့တာခြင်း မှာတော့ ၂ဝဝ၈ နဲ့ တူပါတယ်၊ ဒါပေမဲ့ ၇၄ တုန်းက ဦးနေဝင်းဟာ ပြည်သူတွေကို ပိပိယိယိနဲ့ လိမ်လည် လှည့်ဖျား နိုင်ခဲ့ပါသေးတယ်။

သိမ်သိမ်မွေ့မွေ့နဲ့ ကောက်ကျစ်မှုလို့ ဆိုရမှာပေါ့။ ဥပဒေ မူကြမ်းကို ပြည်သူတွေကြားထဲ ကြိုကြိုတင်တင် ချပြ၊ အကြံပြုချက်၊ ဝေဖန်ပြင်ဆင်ချက်တွေကိုတောင်မှ ပြင်ပေးတာမပေးတာ အပထား မင်သေသေနဲ့ ရအောင် ယူခဲ့သေးတာပါ။ အဲ့ဒီ ဥပဒေမှာ ပြည်သူတွေ ပါဝင်ပတ်သက်ခဲ့တယ်ဆိုတဲ့ သဘောပါပဲ။

အခု ၂ဝဝ၈ ဗိုလ်ချုပ်မှူးကြီးသန်းရွှေရဲ့  ဥပဒေကကျတော့ စစ်ဧကရာဇ်ရဲ့  အစွယ်ကို ဒီမိုကရေစီ ပဝါနဲ့ ဖုံးဖို့ ကြိုးစားခဲ့တဲ့ အဓမ္မ ဖွဲ့စည်းအုပ်ချုပ်ပုံ ဥပဒေဖြစ်သွားပါပြီ။ ဥပဒေ တခုလုံး စစ်အာဏာရှင်အတွက် ဖြစ်နိုင် ဖို့ လက်ညှိးထောင်ခေါင်းညိတ် ပုတ်သင်ညိုတွေကို ညောင်နှစ်ပင်လှောင်အိမ်ထဲ မောင်းသွင်းပြီး တဖက် သတ် တိတ်တိတ်ရေးလာခဲ့တဲ့ ဥပဒေပါ၊ ဒီ ဥပဒေကို ပြည်သူတွေကို အသိပေး ရှင်းပြတာမျိုး လုံးဝမလုပ် ဘဲ နာဂစ်မုန်တိုင်းကြီးအောက်မှာ မြန်မာပြည်သူတွေ စိတ်ဒုက္ခရောက်နေတုန်း ပြည်လုံးကျွတ် ဆန္ဒခံယူပွဲ ဆိုတာနဲ့ လည်ပင်းဖျစ်ပြီး အတည်ပြုချက် လုပ်ယူခဲ့တာပါ။

အခုတော့ အဲဒီ ဖွဲ့စည်းအုပ်ချုပ်ပုံ အခြေခံ ဥပဒေကြီးကို အခိုင်အမာ ထပ်ပြုပေးရမယ့် ရွေးကောက်ပွဲကြီး ဟာ လပိုင်းပဲ လိုပါတော့တယ်၊

စစ်အုပ်စုကပဲ ကြီးစိုးထားတဲ့ စစ်အာဏာရှင်အလိုတော်ရိ ပြည်ခိုင်ဖြိုးပါတီဟာ နိုင်ငံတော်ဘဏ္ဍာ၊ နိုင်ငံ တော်အာဏာတွေကိုဖောဖောသီသီအသုံးပြုပြီး ရွေးကောက်ပွဲပြေးလမ်းပေါ်မှာ တကောင်တည်းပြေးတဲ့ မြင်းလို အရှိန်အဟုန်နဲ့ ပြေးနေပါပြီ၊ ပြိုင်ဘက်တွေကတော့ နာလန်မထူနိုင်ကြပါဘူး၊ ဒီလိုဖြစ်အောင် လည်း အနဖက ရွေးကောက်ပွဲဥပဒေအပါအဝင် အတားအဆီး အခက်အခဲ ကောက်ကျစ်စဉ်းလဲမှုမျိုးစုံနဲ့ ပြေးလမ်းမှာ ခြေထိုးခံထားတာပါ၊

ဒါလည်း သူ့ဘက်ကကြည့်တော့ အလွန်သဘာဝကျသလောက် လုပ်ထိုက်ပါပေတယ် လို့ပြောရမှာပါ၊

ဘာကြောင့်ဆို ၁၉၉ဝ ပြည့်နှစ် ပါတီစုံအထွေထွေရွေးကောက်ပွဲတုန်းက သမာသမတ်မ္ခသယောင်ယောင် အတတ် ဆန်းခဲ့မိလုိ့ တပ်မတော်အပါအဝင် ပြည်သူတွေရဲ့တခဲနက်ထောက်ခံမှုနဲ့ အမျိုးသားဒီမိုကရေစီ အဖွဲ့ချုပ်က မြေပြိုသလို အနိုင်ရ လိုက်ခဲ့တာကို နအဖကြီး သေရာပါ နောင်ကျဉ်သွားခဲ့ပါပြီ၊

ဒီတခါတော့ တရားတာမတရားတာ။ လွတ်လပ်တာမလွတ်လပ်တာအသာထား စစ်အာဏာ လက်မလွတ် ရဖို့ ဥပဒေတွေ မှန်သမျှ တစ်ဖက်သတ်ဆွဲပစ်လိုက်တယ်။ ရွေးကောက်ပွဲဆိုတာကိုလည်း အတုအယောင် လို့ ပြောပြော၊ ဟန်ပြလို့ဆိုဆို၊ မတရားဘူးလို့ မြင်မြင်၊ ကိုယ်တိုင် အပိုင်မွေးမြူးထားတဲ့ ခြင်္သေလေး အနိုင်ရမှ ဖြစ်မှာမို့ သေချာအောင် ပြိုင်ဘက်တွေကို လည်ပင်းနင်းထားပေးရတယ်။ မတရားဘူးလို့ ဘယ် အကောင်က ပြောပြော။ ကမ္ဘာမကလို့ စကြာဝဠာကြီးကပဲ ပြောပြော ကြံ့ဖွတ် အနိုင်ရအောင် လုပ်ရမှာပဲ လို့ စစ်အုပ်စုက ယတိပြတ် ဆုံးဖြတ်ထားတဲ့ ရွေးကောက်ပွဲကြီးသာ ဖြစ်ကြောင်းပါခင်ဗျား။

နားဆင်ရန်

ပျင်းစရာလည်းကောင်းပါ့ ရယ်စရာလည်းကောင်းပါ့

By ပြည်တွင်းဂျာနယ် အယ်ဒီတာတဦး ဗုဒ္ဓဟူး, 08 စက်တင်ဘာ 2010

နိုဝင်ဘာမှာ ရွေးကောက်ပွဲလာမယ်။ ရွေးကောက်ပွဲဝင်ချင်ရင် ပါတီတွေထောင်ကြဆိုတာတော့ ဟုတ်ပါ ရဲ့။ ပါတီထောင်ကြရတာပေါ့။ ကိုယ်စားလှယ်လောင်းတွေရှာ၊ ရန်ပုံငွေတွေရှာ၊ ပါတီအင်အားတွေစု၊ နေရာထိုင်ခင်းတွေ စီစဉ်၊ ဆိုင်ဘုတ်တွေ တင်၊ စည်းရုံးရေးဆင်း၊ ဟောပြောသိမ်းသွင်း – အမလေး ပျင်းစ ရာကောင်းလိုက်တာ။

စောစောပိုင်းမှာတော့ အားတက်သရောပဲ။ ဂျာနယ်တွေက သူတို့ရောင်းကောင်းအောင် ပါတီတွေကို လိုက်ဗျူး၊ သဘောထားတွေ ထပ်ဆင့်ဖော်ပြ၊ ပါတီရဲ့  အဓိကရ ပုဂ္ဂိုလ်တွေရဲ့ ပုံတွေ ဝေဝေဆာဆာနဲ့ ထုတ်ဝေ။ ပါတီက သူဘာသာလုပ်ရမှာတာတွေကို ဂျာနယ်တွေက ကိုယ်စားဝင်လုပ်ပေးကြတာတွေ။ ရွေးကောက်ပွဲကိစ္စကို စိတ်လိုလက်ရ ရှိနေတဲ့ ဂျာနယ်အုပ်စုက ဂျာနယ်ဆရာတချို့ ပါ။

ပါတီကိစ္စတွေကို ဖော်ပြကြ။ ခုနှစ်ဆွေး ရှစ်ဆွေး ရှေးအတီတေက နိုင်ငံရေးနွယ်တဲ့ သတင်းဟောင်းတွေ၊ ဓါတ်ပုံဟောင်းတွေ၊ ဆောင်းပါးဟောင်းတွေ ပြန်ဖော်ထုတ်ကြနဲ့ စောင်ရေတက်စေချင်တဲ့ ဂျာနယ်တချို့  ကပဲ ရွေးကောက်ပွဲကို စိတ်ဝင်စားကြတယ်။ ပြည်သူတွေကတော့ နကမ္ပတိ ဘာမှ မဖြစ်သလိုဘဲ နေကြတယ်။ တကယ်လည်း ဘာမှဖြစ်လာမှာ မဟုတ်မှန်းသိနေကြတော့ ခပ်ပျင်းပျင်းပါပဲ။ ဘယ်သူတွေ မှန်း မသိတဲ့ လူတွေနဲ့ တည်ထောင်ထားတဲ့ ပါတီတွေက အများကြီး။ လူထုနဲ့ အလှမ်းဝေးနေတဲ့ ပါတီတွေ က အများကြီး။ ပြီးခဲ့တဲ့ နှစ်ကာလတွေမှာ နားရွက်မလှုပ်ဘဲ လုံးဝ အငြိမ်နေခဲ့ကြသူတွေက ခုတော့လည်း ပါတီတွေဖွဲ့လို့။ ခုမှ ဖဲဝိုင်းမှာ တအိမ်လိုနေလို့ ဝင်ရိုက်ပေးရသလို ဖြစ်နေပြီ။ ကဲ ဘယ်လောက်များ ပျင်းစရာကောင်းနေသလဲလို့။

တရားခံဘယ်သူလဲဆိုတာ ကြိုသိနေတဲ့ ခပ်ညံ့ညံ့ စုံထောက်ဝတ္ထုတပုဒ်ကို ဖတ်နေရသလိုပဲ မဟုတ်လား။

ပြိုင်ပွဲအတွက် စည်းမျဉ်းစည်းကမ်း ပြိုင်ပွဲရဲ့  ဦးတည်ချက်။ ပြိုင်ပွဲတွေအတွက် သတ်မှတ်အရည်အချင်း ပြိုင်ပွဲဝင်မယ့် ပုဂ္ဂိုလ်တွေရဲ့  လက်ရှိ အနေအထား။ ပြိုင်ပွဲအပေါ် ဦးစီးသူရဲ့  သဘောထား ဆိုတာတွေဟာ ဘာတခုမှ အားရကျေနပ်လောက်စရာမရှိ။ အဆင်ပြေစေနိုင်တဲ့ နည်းလမ်းတွေအားလုံးကိုထိန်းချုပ်ထား။ ပြိုင်ချင်စရာ မကောင်းတဲ့ပြိုင်ပွဲဆိုတာ ကြာလေ ထင်ရှားလေ။ ထင်ရှားလေ ပျင်းစရာကောင်းလေ။ ရယ်စရာကောင်းတာကတော့ ချစ်တီးခေါင်း သန်းရှာလုပ်နေတာကို ရယ်ချင်တာ။ မင်းသားခေါင်း ဆောင်းထားတာကို ရယ်ချင်တာ။ အပေါ်ယံ ရွှေမှုံကြဲထားတာကို ရယ်ချင်တာ။ ကိုယ်သိပြီသား လျှို့ ဝှက် ချက်တွေနဲ့ ကိုယ့်ကို မျက်လှည့်လာပြနေတာကို ရယ်ချင်တာ။ ရှောမွေးကို ဗာရာဏသီချဲ့ နေတာ ရယ်ချင် တာ။ လူတွေကို နလဗိန်းတုံးတွေလို့ ထင်နေတာ ရယ်ချင်တာ။ လွှဆွဲတတ်ရုံ သံဖြောင့်အောင် ရိုက်တတ် ရုံ ရွေဘော်ထိုးတတ်ရုံနဲ့ အိမ်ကြီးအိမ်ကောင်းတဆောင် ဆောက်နိုင်မယ်လို့ ထင်နေတာကို ရယ်ချင်တာ။ သူခိုးက လူလူဟစ်နေတာကို ရယ်ချင်တာ။ သူများယောင်လို့ ဝင်ယောင်ပြီး အမောင် တောင်မှန်းမြောက် မှန်း မသိတာကို ရယ်ချင်တာ။ ပြိုင်ဘက်မရှိဘဲ တယောက်တည်း ပြေးနေတာတောင် ပထမ မရမှာကို စိုးရိမ်နေတာကို ရယ်ချင်တာ။

အစဉ်အလာ ဆိုတာရှိတယ်။ သီလ သမာဓိ ပညာ ဆိုတာရှိတယ်။ ဒီပုတ်ထဲမှာ ဒီပဲချည်းပဲ ဆိုတာရှိတယ်။ ဓမ္မ၊ အဓမ္မ ဆိုတာရှိတယ်။ ကိုယ်ကျိုးစွန့်တယ် အနစ်နာခံတယ် ဆိုတာရှိတယ်။ ကမ္ဘာကျေသော်လည်း ဥဒါန်းမကျေဘူး ဆိုသူတွေရှိတယ်။ တွေ့ပါလိမ့်မယ်ဗျာ နိုဝင်ဘာလ(၇)ရက်နေ့ကျ။

နားဆင်ရန်

ရွေးကောက်ပွဲကို သပိတ်မှောက်ကြဖို့

By ပြည်တွင်းဂျာနယ် အယ်ဒီတာတဦး သောကြာ, 10 စက်တင်ဘာ 2010

ဆွေးခုနှစ်ဆက် မျိုးခုနှစ်ဆက် စစ်ကျွန်ဖြစ်ဖို့ ဦးတည်သွားနေတဲ့ ရွေးကောက်ပွဲကတော့ စစ်တပ်က ဦးစီးပြီး နိုဝင်ဘာ (၇) ရက်နေ့မှာ ကျင်းပတော့မယ်။ လူထုက တကယ်ရော ဒီ ရွေးကောက်ပွဲကို စိတ်ဝင် စားကြရဲ့လား။ ကျနော်အထင်တော့ သိပ်စိန်မဝင်စားကြဘူးလို့ ထင်တယ်။ ဘာလို့ စိတ်မဝင်စားကြ တာလဲ။ နိုင်ငံရေးကို ကိုယ့်ထမင်းလုတ်လောက် အာရုံမထားနိုင်တာလည်းပါတယ်။ ပြီးတော့ နအဖ အစိုးရကလည်း  နိုင်ငံရေးနဲ့ လူထုနဲ့ ဝေးသထက်ဝေးအောင် နှစ်ပေါင်းများစွာ လုပ်ထားတာ။ နိုင်ငံရေးကို ကြောက်အောင် ခြောက်လှန့်ထားတာလည်း ပါတယ်။ ပြီးတော့ လူအများစုဟာ နအဖလုပ်နေတဲ့ ကိုယ့်မဲ ကိုယ်မပေးလိုက်ရဘဲ ထောက်ခံမဲတွေ ဖြစ်သွားတာမျိုး၊ ပြီးတော့ အခုကျင်းပမယ့် ရွေးကောက်ပွဲဟာ လွတ်လပ်မှုလည်းမရှိ၊ တရားမျှတမှုလည်း ရှိမှာ မဟုတ်ဘူးလို့ လူအများက သိနေတာရယ်။ နောက်ပိုင်း တေးထားတဲ့ ကိုယ့်ဖဲထုပ်နဲ့ ကိုယ်လာပြီး ကိုယ့်ဘာသာ ကုလားဖန်ထိုး ကိုယ့်ဘာသာ ဖဲချိုး ကိုယ့်ဘာသာ ဝေ။ ပြီးတော့ တဝိုင်းလုံးသိမ်း အနိုင်ရိုက်ရုံမကဘူး အိမ်ပေါင် ယာပြောင်ဖြစ်မယ့် ကစားဝိုင်းလို့ လူထုက နားလည်နေတာကြောင့် ဒီရွေးကောက်ပွဲကို စိတ်မဝင်စားကြတာပါ။

ဒီတော့ ရွေးကောက်ပွဲကို စိတ်မဝင်စားရင် ဒီအတိုင်း ထိုင်နေကြမှာလား။ ကိုယ်မကြိုက်တဲ့ရွေးကောက်ပွဲ။ ကိုယ်လက်မခံတဲ့ ရွေးကောက်ပွဲကို ကိုယ်ဘာလုပ်နိုင်သလဲ။  ကျနော်တော့ ပြောလို့ဆိုလို့ ရမယ်လူတွေ။ ကျနော်ကို ဒုက္ခမပေးလောက်ဘူးထင်တဲ့ သူတွေကို ရွေးကောက်ပွဲမှာ မဲသွားမထည့်ဖို့ ပြောတာလောက် ပဲ လုပ်နိုင်တာမို့ မဲမပေးခွင့်လည်း ရှိတယ်။ မဲသွားမပေးကြနဲ့လို့ ပြောရ၊ ဟောရပါတယ်။  လူအများစုက ကြောက်စိတ်ဝင်နေကြတယ်။ မဲမပေးဘဲနေရင် ရတယ်။ ကိုယ်ကြိုက်နှစ်သက်တဲ့ အမတ်လောင်း မဟုတ် ရင် မဲမပေးဘဲ နေလို့ရတယ်ဆိုတာ မသိကြဘူး။ ဒီလိုဆိုရင် သူတို့က ကျုပ်တို့မဲတွေကို သူတို့ဘာသာ ကောက်ထည့်သွားမှာပေါ့လို့  ပြောသူကလည်း ပြောကြသေးတယ်။ ပြောကြတဲ့သူတွေလည်း မလွန်ပါ ဘူး။ သူတို့က ဒီစကားကို ယုံယုံကြည်ကြည် ပြောနေကြတာလေ။ အထူးသဖြင့် အစိုးရဝန်ထမ်းလောက မှာ ဒီလို အပြောအဆိုမျိုးတွေ ပြောကြလေ့ရှိတယ်။ သူတို့ခမျာ ဝန်းထမ်းဘဝမှာ ခေါက်ရိုးကျိုးနေကြရှာ တယ်။ ကျိုးနေတဲ့ ခေါက်ရိုးထဲမှာ အကြောက်တရားရယ်၊ ဘယ်အစိုးရတက်တက် ငါတို့ဘဝ ဒီလိုပဲ နေမှာ ပါ ဆိုတဲ့ မထူးဇာတ်ကို ကိုယ်တိုင်ပါဝင် ကပြနေကြရရှာတယ်။

အမျိုးသားဒီမိုကရေစီအဖွဲ့ချုပ်ကတော့ ဒီ ရွေးကောက်ပွဲကို သပိတ်မှောက်မယ်တဲ့ ကျနော်က အမျိုးသား ဒီမိုကရေစီအဖွဲ့ချုပ် ပါတီဝင်တယောက် မဟုတ်ပေမယ့် ရွေးကောက်ပွဲကို အခုလို လမ်းစဉ်ချမှတ်ပြီး သပိတ်မှောက်တာကို ကြိုဆိုထောက်ခံပါတယ်။

ပြည်တွင်း မီဒီယာတွေမှာ နယ်ခြားစောင့်တပ်တွေဖွဲ့တဲ့ သတင်းတွေ၊ တက္ကသိုလ်မြတ်သူ နဲ့ ဒေါက်တာ တင်ထွန်းဦး တို့ ပြည်ခိုင်ဖြိုးပါတီ ဝင်ရောက်အားဖြည့်၊ ဦးချစ်ခင်ရဲ့  ဧဒင်အုပ်စု ကုမ္မဏီမှ ဖွင့်မည့် မြန်မာ့ ရှေ့ ဆောင် ရန်ကုန်ဘဏ်ခွဲနှစ်ခု၊ ကယားပြည်နယ် လွိုင်ကော်မြို့ နယ်မှာ ရွေးကောက်ပွဲ လုပ်ငန်းသရုပ်ပြ ရှင်းလင်းပွဲကျင်းပ။ ရခိုင်ပြည်နယ် အမ်းမြို့နယ် မင်းဘူး၊ အမ်း၊ စစ်တွေ လမ်းပေါ်ရှိ သယု (ပဲပဒုံ) ကြိုးတံ တားဖွင့်ပွဲ အခမ်းအနားကျင်းပ ဆိုတဲ့ သတင်းတွေ ပါရှိနေချိန်မှာ ဒီ ဆောင်းပါးကို ရေးပါတယ်။

သပိတ်၊ သပိတ် ရွေးကောက်ပွဲကို သပိတ်မှောက်ကြဖို့ ဒီအသံကျယ်စေချင်တယ်။ တနိုင်တပိုင်“လက်တို့”  ပြောတဲ့ နည်းနည်းဖြစ်ဖြစ် မီဒီယာမျိုးစုံကပဲ အသံပေးရေးသားလို့ဖြစ်ဖြစ် ကြောက်စိတ်တွေပျောက်ကုန် အောင် သပိတ်သံ နာနာပေးမှ တော်ကာကျလိမ့်မယ်။

ဆရာဦးဝင်တင် ပြောခဲ့ဖူးတဲ့စကားကို ကိုးကားပြီး ဒီ ဆောင်းပါးကို အဆုံးသတ်ပါမယ်။ “ငရဲ ကူးတို့စီးပြီး ငရဲ မလိုက်ကြပါနဲ့။ တာဝတိံသာ သွားခွင့်မရှိရင် ဘယ်မှ မသွားဘူး။ စစ်ငရဲကို သွားမယ့် ငရဲကူးတို့ကို မစီးကြပါနဲ့”

နားဆင်ရန်

ဒီရွေးကောက်ပွဲမှာ မဲမပေးတော့ဘူး

By ပြည်တွင်းဂျာနယ် အယ်ဒီတာတဦး တနင်္လာ, 13 စက်တင်ဘာ 2010

ရွေးကောက်ပွဲဆိုတာ မဲဆန္ဒရှင်တွေက ကိုယ့်ကိုယ်စား တိုင်းပြည်အတွက် ဘယ်သူတွေကိုလုပ်ဖို့ တာဝန် ပေးချင်သလဲဆိုတာကို ဆန္ဒပြုပြီးတော့မှ မဲပေးတာဖြစ်ပါတယ်။ ဒီ ၂၀၁၀ ရွေးကောက်ပွဲမှာ ကျွန်တော်တို့ တိုင်းပြည်ကို စီမံခန့်ခွဲဖို့ ဘယ်သူ့ကိုတာဝန် ပေးသင့်သလဲ၊ ကျွန်တော်က မဲဆန္ဒရှင်တယောက်နေနဲ့ စဉ်းစားကြည့်ပါတယ်။ ကိုယ်စားလှယ်ပေါင်း ၁၁၀၀ ကျော်ဝင်ပြိုင်တဲ့ ကြံ့ခိုင်ရေးပါတီကို ကျွန်တော် မကြိုက်ပါဘူး၊ ကိုယ်စားလှယ်ပေါင်း ၁၀၀၀ လောက်ဝင်ပြိုင်မဲ့ တိုင်းရင်းသားစည်းလုံးညီညွတ်ရေးပါတီကို လည်း ကျနော်မရွေးချင်ဘူး ၊  ကျန်တဲ့ ပါတီတွေကြည့်လိုက်တော့လည်း ကျနော် လက်ခံနိုင်တဲ့ ကိုယ်စား လှယ်လောင်း မတွေ့ရပါဘူး။

နောက်တခါ ပြိုင်ပွဲကလည်း ကိုယ်စားလှယ်လောင်း အရေအတွက်တွေ ကြည့်လိုက်တဲ့အခါမှာ တကယ့် ကို ဆင်နဲ့ဆိတ်နဲ့လောက်ကွာနေတာ၊ ဆင်နဲ့ဆိတ်တောင် မဟုတ်ဘူး။ ဆင်နဲ့ပုရွက်ဆိတ်လောက်ကို ကွာ နေပါတယ်။ ၁၀၀၀ ကျော် ပြိုင်တဲ့သူနဲ့ တချို့ပါတီဆို ကိုးယောက်တို့ ခုနှစ်ယောက်တို့ ခြောက်ယောက်တို့ အဲလို ပြိုင်တာမျိုးတွေနဲ့ဆိုတော့ မတရားကိုကွာလွန်းနေပါတယ်၊ အဲဒီတော့ ဒီပွဲက မမျှတတဲ့ပွဲဖြစ်နေ တော့ ကျွန်တော်ကတော့ အားမပေးချင်ဘူး။ နောက်တခါ ကျွန်တော့်ကိုယ်စား လွှဲအပ်ပေးနိုင်လောက်တဲ့ ကိုယ်စားလှယ်  မရှိတဲ့အတွက်ကြောင့် ကျွန်တော်ကြိုက်တဲ့ ကိုယ်စားလှယ် မပါတဲ့အတွက်ကြောင့်မို့ ကျွန်တော်ကတော့ ဒီရွေးကောက်ပွဲမှာ မဲမပေးတော့ဘူးလို့ ဆုံးဖြတ်ထားပါတယ်။

ကျွန်တော်တို့မှာ မဲမပေးချင်ရင် မပေးပဲနေနိုင်ခွင့် ရှိပါတယ်၊  ဒါကို လူတိုင်းလည်း သိဖို့လိုပါတယ် ၊ ဒါဟာ ကျွန်တော်တို့ရဲ့ အခွင့်အရေးပါပဲ။ ပေးချင်ရင်လည်း ကျွန်တော်တို့ ပေးသင့်တဲ့ ကိုယ်စားလှယ်လောင်း ရှိရင် မဲပေးရမယ် ဒါ ကျွန်တော်တို့ အခွင့်အရေး၊ မရှိဘူး မပေးချင်ဘူးဆိုရင်လည်း ကျွန်တော်တို့ဟာ မပေးပဲနေနိုင်တဲ့ အခွင့်အရေးရှိပါတယ်။ အိမ်ထောင်မှုဘုရားတည် ဆေးမှင်ရည်စုတ်ထိုး ဆိုတာထက် ဒီ တိုင်းပြည်ကို လွှဲအပ်ပေးရမဲ့ကိစ္စက ပိုပြီးတော့အရေးကြီးပါတယ်၊ ခုနက အိမ်ထောင်မှု ဘုရားတည်တာ က တဦးတယောက်ချင်းရဲ့ ကိစ္စဖြစ်ပါတယ်။ ပြင်ရခက်တယ်ဆိုပေမယ့်။ အစိုးရအဖွဲ့တဖွဲ့ ရွေးပေးဖို့ မဲပေးတာက တနိုင်ငံလုံး ကိစ္စဖြစ်တော့ လွဲသွားတယ်၊ မှားသွားတယ်၊ အဲဒီထဲမှာ ကိုယ်ဟာ တလွဲတမှား ကိုဝင်ပြီး လုပ်မိတယ်ဆိုရင် ပိုပြီးပြင်ရခက်မယ့်ကိစ္စကြီး ဖြစ်ပါတယ်။

ဒါ့ကြောင့်မို့လို့ ကျွန်တော့်အမြင်ကတော့ အားနာလို့ပဲဖြစ်ဖြစ် ကြောက်လို့ပဲဖြစ်ဖြစ် တော့ မဲမပေးသင့်ဘူး ထင်ပါတယ်၊ ကိုယ်တကယ် နှစ်သက်သဘောကျတဲ့ ကိုယ်စားလှယ်လောင်း ကိုယ့်အကျိုး ကိုယ့်နိုင်ငံ အကျိုးကို တကယ်ဆောင်ရွက်ပေးလိမ့်မယ်လို့ ယုံကြည်စိတ်ချရတဲ့ ကိုယ်စားလှယ်လောင်း ရှိမှသာ ကျွန်တော်တို့ ဆန္ဒမဲကို မဲပေးသင့်တယ်ထင်ပါတယ်။ ကိုယ့်ရဲ့ဆန္ဒ ကိုယ့်ရဲ့မဲတပြားကိုတော့ တန်ဖိုးထား သင့်တယ် ထင်ပါတယ်၊ အလွယ်တကူ ဆုံးဖြတ်ပြီးတော့ မဲမပေးသင့်ဘူးလို့ လာမယ့် ရွေးကောက်ပွဲနဲ့ ပတ်သက်ပြီးတော့ ကျွန်တော်မြင်ပါတယ်။

နားဆင်ရန်

လပိုင်းအလို မြန်မာပြည်အရေး

By ပြည်တွင်းဂျာနယ် အယ်ဒီတာတဦး တနင်္လာ, 13 စက်တင်ဘာ 2010

မြန်မာနိုင်ငံသားများအတွက် နအဖ စစ်အစိုးရ ဦးဆောင်ကျင်းပပေးမည့် ၂၀၁၀ ရွေးကောက်ပွဲကြီး ကျင်းပရန် လပိုင်းသာလိုပေတော့သည်။

ရွေးကောက်ပွဲကျင်းပပေးမည့်ရက် အတိအကျသိရပြီဆိုကာ ကျေနပ်စွာ ကြိုဆိုကြသူများရှိသလို၊ စည်းရုံး ရေးကာလနည်းသဖြင့် မကျေမနပ် ပြောဆိုကြသံများလည်း ညံစီနေသည်။ တရားတယ် မတရားဘူး ပြောမနေဘဲ ရွေးကောက်ပွဲလုပ်ပေးသည့် စေတနာကိုပင် ကြိုဆိုရမည်ဟု နိုင်ငံရေး ဂုရုဆိုသူကြီးများက လည်း ပြောကြပြန်သည်။

၂၀၁၀ ရွေးကောက်ပွဲ စင်မြင့်ကန့်လန့်ကာတော့ ဖွင့်လိုက်ပေပြီ။ မနေ့တနေ့ကမှ စဖွဲ့စည်းကြရသည့် အချို့ပါတီများ ဤရွေးကောက်ပွဲ စင်မြင့်ထက်တွင် မည်သည့်ကကြိုးကကွက်ဖြင့် အသုံးတော်ခံ ကပြကြ မည်နည်း။ ပြည်သူပရိသတ်ရှေ့ထွက်  ကပြအသုံးတော်ခံကြမည့် နိုင်ငံရေးပါတီများအားလုံးကတော့ (ကြံ့ဖွံ့ပါတီမပါ) ကကြိုးကကွက်တို့ အိုးနင်းခွက်နင်း ကသုတ်ကယက်ဖြင့် ထွက်လာကြရမည်ကို မြင်နေ ရပေသည်။ လွှတ်တော်ကိုယ်စားလှယ်လောင်း အမည်တင်သွင်းရန် ကန့်သတ်ရက် တိုတောင်းမှုနှင့် စည်းရုံးရေးကာလ အချိန်နည်းမှုတို့က နအဖ၏ သကာလောင်း စကားကို ယုံစားကာ ရွေးကောက်ပွဲ ဝင်မိ လေသူတို့ မျောက်မီးခဲကိုင်မိသည့်အဖြစ်လို ကြုံနေကြရ၏။

မဲဆန္ဒရှင်များအနေဖြင့်လည်း ကိုယ့်နိုင်ငံနှင့် ပြည်သူ့အရေး ဆောင်ရွက်ပေးနိုင်မည့်သူဟု အဘယ် နိုင်ငံရေးသမားကို ယုံမှတ်ပုံအပ်ကာ ရွေးချယ်ကြရမည်လဲ။ သေချာဂနစွာ ဆုံးဖြတ်နိုင်ဖို့အချိန် ကာလ အားဖြင့် နည်းလှပေသည်။ လွှတ်တော်သုံးရပ်စလုံးအတွက် ရွေးကြရမည်ဖြစ်ရာ ပို၍ပင် အရွေးခက်ကာ အချိန်ရရှိမှုနည်းလှပေ၏။ ဤသို့ အခက်အခဲ အကြပ်အတည်းများကြားက ပင်စစ်ဘက်အစိုးရမှ အရပ် ဘက်အစိုးရပေါ်လာမည်မို့ ကြိုဆိုကြရမည်ဆိုသူက ဆိုသည်။ အပြောင်းအလဲအတွက် အလင်းရောင် တွေ့လာပြီ၊ နေရာတခုရလာပြန်ပြီ၊ ရလာသည့်နေရာ ၀င်ယူရမည်ဆိုသူက ဆိုပြန်၏။

နိုင်ငံရေးပါတီများနှင့် မဲဆန္ဒရှင်များ ကြိုက်ကြိုက် မကြိုက်ကြိုက် ကြိုဆိုဆို မကြိုဆိုဆို တဇောက်ကန်း စိတ်ဓါတ်နှင့် နအဖကတော့ သူဖြစ်ချင်တာ စွတ်လုပ်တတ်သော သာဓကများနည်းတူ ရွေးကောက်ပွဲကြီး ပြီးမြောက်အောင် လုပ်ပေလိမ့်မည်။ ထိုသို့လုပ်မှလည်း နိုင်ငံတကာကို ပြောထားသော (လွတ်လပ်၍ တရားမျှတသော ရွေးကောက်ပွဲပုံစံ ဖြစ်ချင်မှဖြစ်မည် မှန်သော်လည်း) ရွေးကောက်ပွဲ ကျင်းပပေးပါမည် ဆိုသည့် စကားကိုတော့ အကောင်အထည်ဖော်လိုက်ရာ ရောက်ပေမည်။

မဲဆန္ဒရှင်ပြည်သူများအတွက် ရွေးကောက်ပွဲဝင်ကြမည့် ပါတီများအကြောင်း၊ မဲဆန္ဒရှင်တို့၏ အခွင့်အ ရေး၊ လုပ်ပိုင်ခွင့် ရွေးချယ်ခွင့်များအကြောင်း အသိပညာပေးရမည့်၊ ပြည်တွင်းပုဂ္ဂလိက သတင်းမီဒီယာ များအနေဖြင့်လည်း အကြပ်အတည်းများနှင့် ကြုံကြရ၏။ ပြည်သူကို ရွေးကောက်ပွဲဆိုင်ရာ အသိပညာ ပေးနိုင်ဖို့ အချိန်က ဘာမျှမကျန်တော့၍ဖြစ်သည်။

နိုင်ငံတကာ စံနှုန်းများဖြင့်ချိန်ပါကလည်း ယခုရွေးကောက်ပွဲ ကျင်းပရန် ကြေညာသည့်ရက်သည် မဲဆန္ဒ ရှင်ပြည်သူ၊ ရွေးကောက်ပွဲဝင်မည့် ပါတီများနှင့် ရွေးကောက်ပွဲ ကော်မရှင်တို့အကြား ရလဒ်မှန် ရရှိမှု  မည်သို့ရှိလာမည်လဲ ခန့်မှန်းရခက်လှပေသည်။

ဤသို့ နိုင်ငံရေး အခက်အခဲ အကြပ်အတည်းပေါင်းစုံကြားက ကြုံကြရမည့် ၂၀၁၀ ရွေးကောက်ပွဲကို နိုင်ငံရေးပါတီများအနေဖြင့် ဆက်တိုးဝင်သင့်မဝင်သင့်၊ မဲဆန္ဒရှင် ပြည်သူများအနေဖြင့်လည်း တပါတီ တည်းသာ ပြန်လည်ကြီးစိုးမည့် အခြေအနေတွင် မဲပေးသင့်မပေးသင့် အလေးအနက်စဉ်းစားကြရန်နှင့် အတုအယောင် ရွေးကောက်ပွဲကို မိမိတတ်နိုင်သည့်နည်းဖြင့် ဆန့်ကျင်တော်လှန်ကြရန် တိုက်တွန်း လိုက်ရပေသည်။

နားဆင်ရန်

အတွင်းအနှစ်သာရ ပြောင်းလဲမသွား

By ပြည်တွင်းဂျာနယ် အယ်ဒီတာတဦး ဗုဒ္ဓဟူး, 15 စက်တင်ဘာ 2010

နှစ်ပေါင်း ၂၀ ကျော်ကြာ စစ်အာဏာရှင်တွေရဲ့ တဘက်သက် အာဏာနဲ့ အုပ်ချုပ်တာခံခဲ့ရတဲ့ ကျွန်တော် တို့တိုင်းပြည်မှာ ရွေးကောက်ပွဲတွေကျင်းပဖို့ တာစူနေကြပါပြီ။

ရွေးကောက်ပွဲရက် နီးကပ်လာတာနဲ့အမျှ ရှုတောင့်ပေါင်းစုံက အမြင်အမျိုးမျိုးဟာလည်း အကျယ်လောင် ဆုံး ပေါ်ထွက်လာနေကြပါတယ်။ တချို့က ရွေးကောက်ပွဲ သပိတ်မှောက်ရေး၊ မဲမပေးရေး၊ တချို့က ဒီမိုကရေစီအင်အားစုတွေကို မဲသွားပေးရေး။ မဟုတ်ရင် ကြံ့ခိုင်ရေးပါတီကို အခွင့်အရေးပေးလိုက်သလို ဖြစ်သွားမယ်၊ တချို့ကတော့ အစကတည်းက ကြောက်လို့ပဲဖြစ်ဖြစ်၊ မတတ်သာလို့ပဲဖြစ်ဖြစ်၊ ပြသာနာ မဖြစ်ရင်ပြီးရော စစ်အစိုးရလိုချင်နေတဲ့အတိုင်း ကြံ့ခိုင်ရေးကိုပဲ မဲပေးလိုက်မယ် ဒီအရေအတွက်ဟာ လည်း ထည့်စဉ်းစားရလောက်အောင် ကြီးမားနေနိုင်ပါတယ်။ တချို့ကတော့ ကြံ့ခိုင်ရေးပဲ မဲပေးမယ့်သူ တွေ၊ အဲဒါကို အမြင်အမျိုးမျိုး၊ အုပ်စုအမျိုးမျိုး၊ အသံအမျိုးမျိုးပေါ်ထွက်လာနေကြပါတယ်။

တကယ်တော့ ၂၀၁၀ နိုဝင်ဘာ ၇ ရက် ရွေးကောက်ပွဲဆိုတာ စစ်အာဏာရှင်တွေက မန်းမှုတ်လိုက်လို့ ဖြစ်ပေါ်လာတာမဟုတ်ပါဘူး။ ပြည်သူတွေ တခဲနက် ရွေးချယ်ပေးလိုက်တဲ့ ၁၉၉၀ ရွေးကောက်ပွဲရလဒ်ကို ချေဖျက်ပြီး စစ်တပ်အုပ်စိုးမှုကို တရားဝင်ကြောင်းပြဖို့ နှစ်ပေါင်း ၂၀ လုံးလုံး စစ်အာဏာရှင်တွေ ပုံစံအမျိုးမျိုးနဲ့ ကြိုးပမ်းမှုရဲ့ အဆင့်တဆင့်အနေနဲ့ ဖြစ်ပေါ်လာတာပါ။

စစ်မှန်တဲ့ဒီမိုကရေစီတန်ဖိုးတွေနဲ့ စစ်အာဏာရှင်စနစ်ဆိုတာ ဘယ်လိုမှ ရောစပ်လို့မရပါဘူး။ ပြည်သူ့ ဆန္ဒသဘောထားကို အဓိကထားတဲ့ အချုပ်အချာအာဏာဟာ ပြည်သူ့လက်ထဲမှာရှိတဲ့ ဒီမိုကရေစီ အနှစ်သာရနဲ့ မိမိအလိုအတုိုင်း ထင်ရာစိုင်းအုပ်ချုပ်တဲ့ အချုပ်အခြာအာဏာကို တဦး၊ တစုလက်ထဲမှာပဲ ထားရှိတဲ့ အာဏာရှင်စနစ်တို့ဟာ ပြဒါးတလမ်း သံတလမ်းပါ။

ဒါပေမဲ့ ဒီနေ့ ကမ္ဘာအခြေအနေအရပ်ရပ်ကြောင့်ကော ပြည်တွင်းအခြေအနေအရပ်ရပ်တို့ကြောင့်ပါ ဒီက နေ့ ခေတ်စားနေတဲ့ ဒီမိုကရေစီစကားလုံးကို စစ်အာဏာရှင်တွေဟာ အသုံးပြုခဲ့ရပြီး ဟန်ပြဒီမိုကရေစီ စကားတွေထပ်တလဲလဲ ပြောခဲ့ရပါတယ်။ အမှန်ကတော့ ကိုယ့်နှုတ်ထွက် အမိန့်အတိုင်း စောဒက တက်ခွင့်မရှိဘဲ တသွေမတိမ်း လိုက်နာစေလိုတာမျိုးပါ။ ဒါပေမယ့်အခုတော့ ကိုယ်လုပ်ချင်တာလုပ်ဖို့ ဖွဲ့စည်းပုံရွေးကောက်ပွဲ၊ လူထုဆ္ဒနမဲ၊ လွှတ်တော်စတာတွေနဲ့ သိုင်းဝိုင်းတည်ဆောက်ရယူနေရပါတယ်။ ဒါဟာ စစ်အာဏာရှင်တွေရဲ့ လုပ်ဆောင်ချင်တဲ့ ပင်ကိုယ်သဘောထားတွေအပေါ် ပြင်ပကလွှမ်းမိုးသက် ရောက်မှုတွေကြောင့် ပါပဲ၊

ဒါကြောင့် စစ်အာဏာရှင်တွေဟာ ၂၀၁၀ ရွေးကောက်ပွဲဆိုတာနဲ့ ပြည်သူတွေနဲ့ ကမ္ဘာရဲ့ အသိအမှတ်ပြု လက်ခံမှု တနည်းပြောရရင် နိုင်ငံရေးအရ တရားဝင်မှုကို ရယူဖို့ ကြိုးစားနေတာပဲဖြစ်ပါတယ်။ ဒါကြောင့် စစ်အာဏာရှင်စနစ်ကို အကာအကွယ်ပေးထားတဲ့ ဖွဲ့စည်းပုံနဲ့ အားလုံးပါဝင်ခွင့်မရအောင် အခြေခံရပိုင် ခွင့်တွေကို ကန့်သတ်ပိတ်ပင်ထားတဲ့ ရွေးကောက်ပွဲဥပဒေ စတာတွေနဲ့ မိမိစစ်တပ်အင်အားစုပဲ လွတ် လွတ်ကျွတ်ကျွတ် ယှဉ်ပြိုင်အနိုင်ရရှိအောင် စီမံထားတာပါ။

ဒါကြောင့် ချုပ်ပြောရရင် အခုကျင်းပမယ့် ၂၀၁၀ ရွေးကောက်ပွဲဆိုတာ စစ်အုပ်ချုပ်ရေးကို တရားဝင်ဖြစ် အောင်လုပ်တဲ့ပွဲလို့ယူဆရတယ် လက်ရှိအခင်းအကျင်းတွေအရလည်း စစ်မှန်တရားမျှတတဲ့ ရွေးကောက် ပွဲလို့ မှတ်ယူစရာမရှိပါဘူး။ ရွေးကောက်ပွဲ အောင်မြင်ပြီးမြောက်သွား တဲ့တိုင်အောင် နိုင်ငံတော်အချုပ်အ ခြာအာဏာနဲ့ အရင်းအမြစ်တွေ စီမံသုံးစွဲတာ၊ ခွဲဝေတာ ဆုံးဖြတ်တာတွေဟာ စစ်အာဏာရှင်တွေနရဲ့ လက်ထဲမှာပဲ ပုံစံအမျိုးမျိုးနဲ့ ဆက်ရှိနေမှာပါ။

ဒါကြောင့် အတွင်းအနှစ်သာရဟာ ပြောင်းလဲမသွားပါဘူး။ ပြည်သူတွေဘက်က ဆုံးရှုံးသွားမှာက ကြောက်လို့ပဲဖြစ်ဖြစ်၊ မတတ်သာတဲ့ အခြေအနေကြောင့်ပဲဖြစ်ဖြစ် စစ်အာဏာရှင်တွေကို ဆက် အုပ်ချုပ် ပါ၊ ထောက်ခံပါတယ်ဆိုပြီး အသိအမှတ်ပြု မဲပေးလိုက်ရင် နှစ်ပေါင်း ၂၀ လုံးလုံး မရရှိခဲ့တဲ့ စစ်အာဏာရှင် တွေ လိုချင်နေတဲ့ နိုင်ငံရေးအရ တရားဝင်မှုကို ကိုယ်တိုင်ပေးလိုက်ရတာပဲဖြစ်မှာပါ။

နားဆင်ရန်

Shared by Dr Mg Mg Hla Kyaing

Download PDF – views of editors-part1

နိုဝင်ဘာ ရွေးကောက်ပွဲကို သပိတ်မှောက်လို့ အောင်ပွဲရ

နိုဝင်ဘာ ရွေးကောက်ပွဲကို သပိတ်မှောက်လို့ အောင်ပွဲရ

မောင်မောင်လှကြိုင်

ဟွန်ဒျူးရပ်စ်နိုင်ငံမှာ ငြိမ်းချမ်းတဲ့ တော်လှန်ရေးလှုပ်ရှားမှုဟာ (၂၀၀၉ ခုနိုဝင်ဘာ ၂၉) ရွေးကောက်ပွဲကို မဲမပေးပဲ အောင်မြင်စွာ သပိတ်မှောက်နိုင်ခဲ့ပါတယ်။ “ပြည်သူတို့က မတရားတဲ့အမိန့် မနာခံခြင်း စီမံကိန်း” အရ ဟွန်ဒျူးရပ်စ် ပြည်သူများစွာက ရော်ဘတ်တို မစ်ချဲလက်တီရဲ့ အာဏာသိမ်း အစိုးရကို ဆန့်ကျင်တဲ့ အနေနဲ့ မဲမပေးပဲ နေခဲ့ကြပါတယ်။

၂၀၀၉ ခု ဇွန်လ ၂၈ ရက်နေ့ အာဏာသိမ်းခဲ့ချိန်မှစကာ “ငြိမ်းချမ်းတဲ့တော်လှန်ရေး အမျိုးသားတပ်ဦး” ကို ဟွန်ဒျူးရပ်စ် အတိုက်အခံများက ဖွဲ့စည်းခဲ့ပါတယ်။ ထိုတပ်ဦးက မတရားအမိန့်များ မနာခံမှု နည်းမျိုးစုံဖြင့် ရွေးကောက်ပွဲကို သိပိတ်မှောက်ခဲ့ကြပါတယ်။ ထိုရွေးကောက်ပွဲကို အမေရိကတိုက် နိုင်ငံများစွာက အသိအမှတ် မပြုကြပါဘူး။ ထိုရွေးကောက်ပွဲဟာ  ဖွဲ့စည်းပုံအခြေခံဥပဒေကိုပြုပြင်ရန် အများတောင်းဆိုထားကြတဲ့ မဲဆန္ဒများကို လျစ်လျူရှုထားလျက် အာဏာသိမ်း အုပ်ချုပ်သူများရဲ့ အရာရှိများသာ ပါဝင်စေခဲ့တာပါ။

ရွေးကောက်ပွဲ ကျင်းပစဉ်မှာ လွတ်လပ်တဲ့ တသီးပုဂ္ဂလလေ့လာသူများက အင်တာနက်များမှတဆင့် သတင်းများ မျှဝေပေးခဲ့ပါတယ်။

သမ္မတ မဲန်နျူရယ် ဖယ်လာယာ က “ယနေ့ရွေးကောက်ပွဲတွင် အချို့နေရာများမှာ မဲလာမပေးသူ ၈၀% အထိ ရှိခဲ့ကြောင်း၊ ရွေးကောက်ပွဲ မအောင်မြင်ကြောင်း” ကြေညာခဲ့ပါတယ်။ (မဲလာမပေးသူ ပျမ်းမျှ ၆၀% ရှိခဲ့ပါတယ်။) အပြည်ပြည်ဆိုင်ရာ အဖွဲ့အစည်းများနဲ့ အမေရိကန် အခြေစိုက် လှုပ်ရှားသူ များက ဟွန်ဒျူးရပ်စ်နိုင်ငံ ရွေးကောက်ပွဲဟာ မျှတတဲ့အခြေအနေများ မရှိကြောင်း သတိပေးခဲ့ပါတယ်။ နိုဝင်ဘာ ၂၉ ရက်နေ့ရွေးကောက်ပွဲမှာ လွတ်လပ် မျှတတဲ့ ရွေးကောက်ပွဲအတွက် အခြေခံ လိုအပ်ချက်များ ဖြစ်ပေါ်နိုင်ခြေ မရှိကြောင်း ကျွန်မ ပြောနိုင်ပါတယ်လို့ ဟွန်ဒျူးရပ်စ်မှ လေ့လာပြီြး ပန်လာတဲ့ လက်တင်အမေရိက ဆောင်ရွက်ရေးအဖွဲ့မှ လစ္စာ ဟောင်းဂတ် က ဆိုပါတယ်။

ဟွန်ဒျူးရပ်စ်မှာ အာဏာသိမ်းအုပ်ချုပ်မှုကို တော်လှန်ကြတဲ့ လူငယ်များ၊ အမျိုးသမီးများ၊ အနုပညာ ရှင်များ၊ ရှေ့နေများ၊ နိုင်ငံရေးခေါင်းဆောင်များ၊ ကဲန်ပိန်းလှုပ်ရှားသူများစတဲ့ အလွှာစုံမှပြည်သူများက ကောင်းမွန်တဲ့ အကြောင်းပြချက်များနဲ့ ရွေးကောက်ပွဲကိုသပိတ်မှောက်ကြပါတယ်။

ဟွန်ဒျူးရပ်စ် တော်လှန်ရေးခေါင်းဆောင်များ ဖြစ်ကြတဲ့ ဘာသာ အိုလစ်ဗား နဲ့ အရာမီတာ ပယ်ရဲယီးရားတို့က ရွေးကောက်ပွဲမတိုင်မီမှာ အမေရိကကိုလာရောက်ပြီး အမေရိကန်ကွန်ဂရက် အဖွဲ့ဝင်များအား ဟွန်ဒျူးရပ်စ်မှ အခြေအနေများကို ရှင်းလင်းတင်ပြကြပါတယ်။ ဟွန်ဒျူးရပ်စ်မှ အာဏာသိမ်း အုပ်ချုပ်ရေးအဖွဲ့ဝင်များ ဖန်တီးတဲ့ လူသားများဆိုင်ရာ ပဋိပက္ခများ၊ အကြမ်းဖက် ဖိနှိပ် နှိမ်နင်းမှုများ၊ စစ်တပ်ရဲ့ ဝင်ရောက်စီးနင်းမှုများ၊ အဓမ္မ ဖျောက်ဖျက်မှုများ၊ အတိုက်အခံ ခေါင်းဆောင် များနဲ့ အဖွဲ့ဝင်များ နေ့စဉ်ကြုံတွေ့နေရတဲ့ ညှင်းပန်းနှိပ်စက်မှုများကို ရှင်းလင်းတင်ပြခဲ့ကြပါတယ်။ ဟွန်ဒျူးရပ်စ် အမျိုးသမီးတွေအပေါ် အနိုင်ကျင့်ဆက်ဆံမှုများနဲ့ အမျိုးသမီး ၃၅၀ ကျော်ကို မုဒိန်းကျင့် သတ်ဖြတ်မှု အစီရင်ခံစာများကို တင်ပြခဲ့ကြပါတယ်။

အာဏာ ဆက်လက်ရယူသွားဘို့အတွက် မစ်ချဲလက်တီအစိုးရရဲ့ အလွဲသုံးပြုမူမှုများ၊ မတရား သတ်ဖြတ်ခြင်းများ၊ မုဒိန်းကျင့်မှုများ၊ အကျင့်ပျက် လာဘ်ယူ ခြစားခြင်းများ၊ တရားဥပဒေမဲ့ပြုမူမှုများရဲ့ ဖြစ်ရပ်များကိုလဲ တင်ပြခဲ့ကြပါတယ်။

“ရွေးကောက်ပွဲကို သပိတ်မှောက်တာဟာ ပြည်သူတို့ရဲ့ ဆန့်ကျင်မှု အမှတ်အသားဖြစ်တယ်”လို့ သူတို့က ကြေညာခဲ့ကြပါတယ်။

“မဲမပေးကြပါနဲ့။ အကြမ်းဖက်နေတဲ့ အခြေအနေအောက်က ဟွန်ဒျူးရပ်စ်ရဲ့ ရွေးကောက်ပွဲ အလိုမရှိ လို့ပြောကြ” ဆိုတဲ့ ဆောင်ပုဒ်ကိုင်ဆွဲလျက် လူထုတော်လှန်ရေးကို အပြည်ပြည်ဆိုင်ရာ ထောက်ခံမှု ပိုမိုပေးကြရန် လှုပ်ရှားသူများက တောင်းဆိုကြပါတယ်။

အာဏာသိမ်းခေါင်းဆောင် မစ်ချဲလက်တီရဲ့အုပ်ချုပ်မှု ၅ လ ခန့် (၂၀၀၉ ဇွန်လမှ နိုဝင်ဘာလ) အတွင်းမှာ ပြည်သူလူထုအပေါ် အကြမ်းဖက်မှု များစွာရှိခဲ့တယ်လို့ ဆိုပါတယ်။ အလုပ်သမားများ၊ ကျောင်းသားများ၊ အမျိုးသမီးများ၊ သက်ကြီးရွယ်အိုများနဲ့ ကလေးများအပေါ် အကြမ်းဖက်မှုများ ပါဝင်ပါတယ်။ အကြမ်းဖက်မှုတွေမှာ လူ ၂၇ ယောက်သာ သေဆုံးခဲ့တယ်လို့ အုပ်ချုပ်သူဘက်က ဆိုပါတယ်။ ဒါပေမယ့် လူရာပေါင်းများစွာ ပျောက်ဆုံးနေခဲ့တယ်လို့ အတိုက်အခံများကတော့ ဆိုကြပါတယ်။ အတိုက်အခံတို့ရဲ့ မီဒီယာနဲ့စာနယ်ဇင်းများ အပိတ်ခံရ၊ ဆင်ဆာအထိခံရ၊ ခြိမ်းခြောက် ခံရမှုများ ရှိခဲ့ပါတယ်။ ထိုအချိန်က ထွက်ပေါ်လာတဲ့သတင်းများကတော့ အာဏာသိမ်းအုပ်စုကို ထောက်ခံတဲ့သူများရဲ့ ဖန်တီးသတင်းများသာ ဖြစ်ကြပါတယ်။

(Jelena ရေးသားတဲ့ Failed Elections in Honduras: Peaceful Resistance Boycotted Coup efforts while Repression causes one Dead and Dozens Tortured and Detained သတင်းဆောင်းပါးကို မှီးငြမ်းပါတယ်)

မောင်မောင်လှကြိုင်

၂၀၁၀ စက်တင်ဘာ ၁၆

Download PDF – here

မဲပေးမည် သို့မဟုတ် မပေးမည် သို့မဟုတ် မည်သို့လုပ်ကြမည်နည်း

မဲပေးမည် သို့မဟုတ် မပေးမည် သို့မဟုတ် မည်သို့လုပ်ကြမည်နည်း

ကျော်ကျော်စိုး

စက်တင်ဘာ ၈ ၊ ၂၀၁၀

လက်ရှိ မြန်မာ စစ်အာဏာပိုင်များက နိုဝင်ဘာ ၇ ရက်တွင် ရွေးကောက်ပွဲ ကျင်းပမည်ဟု အတိအလင်း ထုတ်ပြန်ကြေညာခဲ့ပြီး ဖြစ်သည်။ ၂၀၁၀ ခုနှစ် ရွေးကောက်ပွဲ ကျင်းပမည် ဆိုသည်ကို ၂၀၀၈ ခုနှစ် မေလဆန်း နာဂစ် မုန်တိုင်းတိုက်ခတ်ပြီး ၁၀ ရက်မပြည့်မီတွင် ဖွဲ့စည်းပုံအခြေခံ ဥပဒေအား လူထုဆန္ဒခံယူပွဲ ကျင်းပခဲ့ပြီးနောက် ရက်သတ္တပတ် အနည်းငယ်အတွင်း ကြေညာခဲ့သည်။ ယခုအခါ စစ်အာဏာရှင်များသည် အထွေထွေ ရွေးကောက်ပွဲ ကျင်းပနိုင်ရေးအတွက် အဆင့်ဆင့် ပြင်ဆင်နေပြီ ဖြစ်သည်။

၎င်းတို့က မြန်မာနိုင်ငံအား ဒီမိုကရေစီနိုင်ငံအဖြစ် ထူထောင်မည်ဟု ဆိုသည်။ ထိုအတွက် ကျင်းပမည့် ရွေးကောက်ပွဲသည် ဒီမိုကရေစီပြုပြင်ပြောင်းလဲရေးအတွက် ခြေလှမ်းတလှမ်းဖြစ်သည်ဟု ပြောဆို သည်။ ထိုမှတဆင့် လူထုက ရွေးချယ်တင်မြှောက်သော ကိုယ်စားလှယ်များဖြင့် ဒီမိုကရက်တစ် အစိုးရတရပ် ဖွဲ့စည်းကာ ခေတ်မီတိုးတက်သောနိုင်ငံ ထူထောင်မည်ဟု လူသိရှင်ကြားပြောဆိုသည်။

လွတ်လပ်သော ဒီမိုကရေစီတွင် ပြည်သူလူထု၏ ကိုယ်တိုင်ကိုယ်ကျ ပါဝင်လုပ်ကိုင်မှုသည် ပဓာန ကျသည်။ နိုင်ငံရေးနှင့် ပတ်သက်၍ ပြည်သူလူထုသည် ပြောရေးဆိုပိုင်ခွင့် မရှိပါက အစိုးရတရပ်အား ဒီမိုကရက်တစ် အစိုးရဟု ပြောဆိုရန် ခက်ခဲလှပေသည်။ ဒီမိုကရေစီတွင် ပြည်သူလူထု ပူးပေါင်း ပါဝင်နိုင်သည့် နည်းလမ်းပေါင်း များစွာရှိသည့်အနက် ရွေးကောက်ပွဲနှင့် မဲပေးခြင်းတို့သည် အခြေခံ အကျဆုံး နည်းလမ်း ဖြစ်သည်။

ရွေးကောက်ပွဲနှင့် မဲပေးခြင်းတို့သည် ပြည်သူလူထုက ၄င်းတို့၏ ကိုယ်စားလှယ်များ၊ အစိုးရအာဏာ ကိုင်တွယ် ကျင့်သုံးခွင့်ရသူများအား ထိန်းချုပ်ခွင့် ရရှိစေရန် ပေးစွမ်းသည်။ ရွေးကောက်ပွဲများသည် ပြည်သူလူထုက နိုင်ငံရေးတွင် သြဇာသက်ရောက် လွှမ်းမိုးနိုင်ရေးအတွက် တခုတည်းသော နည်းလမ်း မဟုတ်ပေ။

မူဝါဒ၊ အစီအစဉ်၊ လက်တွေ့ လုပ်ငန်း အကောင်အထည်ဖော်ရေးတို့အတွက် စည်းရုံး လှုံ့ဆော်နိုင် သည့် နည်းလမ်း၊ ပူးပေါင်းလုပ်ဆောင်သည့် သဘောဖြစ်သော စုပေါင်း လက်မှတ်ရေးထိုးခြင်း၊ ပို့စ်ကဒ်နှင့် စာများ ရေးသားပေးပို့ခြင်း၊ လူထုဆန္ဒ ထုတ်ဖော်ပြသခြင်း စသည့်နည်းလမ်းများဖြင့်လည်း နိုင်ငံရေးတွင် သြဇာလွှမ်းမိုးမှု ရှိစေရန် လုပ်ဆောင်နိုင်သည်။

ရွေးကောက်ပွဲ ကျင်းပမည် ဆိုသည်နှင့် မဲဆန္ဒပေးမည့် ပြည်သူလူထု၊ ရွေးကောက်ပွဲတွင် ပါဝင် ယှဉ်ပြိုင်မည့်သူများတွင် လွတ်လပ်မှုနှင့် ညီမျှမှု အပြည့်အ၀ ရှိရေးသည် အရေးကြီးသည့်အချက် ဖြစ်သည်။ ထို့ကြောင့် ရွေးကောက်ပွဲ ဆိုသည်နှင့် လွတ်လပ်၍ တရားမျှတသော ရွေးကောက်ပွဲ ဖြစ်ရမည်ဟု ရည်ညွှန်းပြောဆိုမှုများ ရှိခြင်းဖြစ်သည်။

နအဖ စစ်အာဏာရှင်များက ကျင်းပမည့် ရွေးကောက်ပွဲသည် မြန်မာနိုင်ငံတွင် ဒီမိုကရေစီ ထွန်းကားစေမည်လော။

လက်ရှိ ဖြစ်ပျက်နေသော မြန်မာနိုင်ငံတွင်း အခြေအနေများနှင့် နိုင်ငံရေးအခင်းအကျင်းများက အနာဂတ် မြန်မာနိုင်ငံတွင် ဒီမိုကရေစီ တိုးတက်ဖြစ်ထွန်းစေမည့် အလားအလာကို မျှော်မှန်း၍ ရသလော။

ရွေးကောက်ပွဲမှတဆင့် လက်တွေ့ အကောင်အထည်ဖော်ရမည့် ဖွဲ့စည်းပုံ အခြေခံဥပဒေက မြန်မာနိုင်ငံတွင် စစ်မှန်သော ဒီမိုကရေစီ ဖြစ်ထွန်းရေးအတွက် အာမခံချက်ပေးနိုင်မည်လော စသည့်မေးခွန်းများကို ပြည်သူများ မည်သို့ ဖြေဆိုကြမည်နည်း။

အောက်ဖော်ပြပါ အကြောင်းအချက်၊ အခြေအနေများကို အာမခံချက်မရှိပဲနှင့် ဒီမိုကရေစီထူထောင်ရန် သို့မဟုတ် ဒီမိုကရေစီ ထွန်းကားမည်မဟုတ် ဆိုသည်ကို ရှင်းလင်းစွာ သိရှိ နားလည်ထားရန် လိုအပ်သည်။

၁။  လူတဦးချင်းစီအလိုက် လွတ်လပ်စွာ ယုံကြည်ခွင့်၊ လွတ်လပ်စွာ ထင်မြင်ချက် ပေးနိုင်ခွင့်၊ လွတ်လပ်စွာ ဆွေးနွေးခွင့်၊ လွတ်လပ်စွာ ပြောဆိုခွင့်၊ လွတ်လပ်စွာ ပုံနှိပ်ထုတ်ဝေခွင့်၊ လွတ်လပ်စွာ ထုတ်လွှင့်ခွင့်၊ လွတ်လပ်စွာ ဆန္ဒပြခွင့်၊ လွတ်လပ်စွာ အရေးဆိုပိုင်ခွင့်၊ လွတ်လပ်စွာ အင်တာနက် သုံးစွဲခွင့် စသည်များ ရှိ-မရှိ၊

၂။  လူမျိုးစုများ လွတ်လပ်စွာ သွားလာအခြေချ နေထိုင်ခွင့်၊ ဘာသာရေး လွတ်လပ်ခွင့်၊ အခြားလူနည်းစုများ၏ ဘာသာရေးအရ၊ ယဉ်ကျေးမှု ဓလေ့ထုံးစံအရ ယုံကြည်ကိုးကွယ်ခွင့်နှင့် မိရိုးဖလာ အစဉ်အလာကို ထိန်းသိမ်းစောင့်ရှောက် ကျင့်သုံးပိုင်ခွင့်၊ နိုင်ငံရေးနှင့် လူမှုရေးဘ၀များတွင် တန်းတူညီမျှစွာ ပါဝင် လုပ်ကိုင်ခွင့် ရှိ-မရှိ၊

၃။  အရွယ်ရောက်သူ နိုင်ငံသားအားလုံး မဲပေးပိုင်ခွင့်၊ ပြည်သူ့ကိုယ်စားလှယ်နေရာအတွက် ၀င်ရောက် ယှဉ်ပြိုင်ခွင့် ရှိ-မရှိ၊

၎။  ရွေးကောက်ပွဲကာလအတွင်း ပွင့်လင်းစွာဖြင့် ပြောဆိုစည်းရုံး လှုပ်ရှားမဲဆွယ်ပိုင်ခွင့်၊ တန်းတူညီမျှ ယှဉ်ပြိုင်ခွင့် ရှိ မရှိ၊ ပါတီများ ထူထောင်ပိုင်ခွင့်၊ နိုင်ငံရေးပါတီများ၊ နိုင်ငံရေးသမားများ အခွင့်အလမ်း အခြေအနေ တန်းတူညီမျှစွာဖြင့် ပြည်သူ့ကိုယ်စားလှယ်နေရာတွင် ၀င်ရောက် ယှဉ်ပြိုင်ခွင့် ရှိ-မရှိ၊

၅။  တရားဥပဒေစိုးမိုးမှု ရှိ-မရှိနှင့် တရားဥပဒေအောက်တွင် ပြည်သူအားလုံး ဥပဒေကြောင်းအရ တန်းတူညီမျှ ကာကွယ်စောင့်ရှောက်ခံရမှု ရှိ-မရှိ၊ ဥပဒေများအား ရှင်းလင်းစွာဖြင့် လူသိရှင်ကြား သိရှိစေရန် ထုတ်ပြန်ကြေညာထားခြင်း ရှိ-မရှိ၊ ဥပဒေများသည် ဘက်လိုက်ခြင်း၊ တဖက်စောင်းနင်း ဖြစ်ခြင်း၊ လူတဦး-တဖွဲ့-တပါတီ၏ အကျိုးအတွက် ရေးဆွဲထားခြင်း ရှိ-မရှိ၊

၆။  လူတဦးချင်းစီနှင့် အဖွဲ့အစည်းများ၏ အခွင့်အရေးများကို ကာကွယ်စောင့်ရှောက်ပေးရန် ဖြောင့်မတ် မှန်ကန်စွာဖြင့် သီးခြားလွတ်လပ်စွာ တရားစီရင်ပိုင်ခွင့် ရှိ-မရှိ၊

၇။  လူတဦးတယောက်အား မတရားဖမ်းဆီးခြင်း၊ နှိပ်စက်ခြင်း၊ ညှဉ်းပမ်းနှိပ်စက်ခြင်း၊ တရားမဲ့ ထိန်းသိမ်းထားခြင်း၊ အသက်မွေးဝမ်းကျောင်းဘ၀ကို ၀င်ရောက်စွက်ဖက် နှောင့်ယှက်ဖျက်ဆီးခြင်း စသည်များကို အစိုးရနှင့် လက်အောက်ခံ အာဏာပိုင်များကသော်၎င်း၊ အစိုးရမဟုတ်သော အဖွဲ့များကသော်၎င်း ကျူးလွန်ခြင်း ရှိ-မရှိနှင့် ကျူးလွန်သူများအား ဖော်ထုတ်အရေးယူခြင်းများ ရှိ-မရှိ၊

၈။  ရွေးချယ်တင်မြှောက်ခံ ပြည်သူ့ကိုယ်စားလှယ်များ၏ လုပ်ပိုင်ခွင့်အာဏာများကို ပြန်လှန် စစ်ဆေးမှုများအား သီးခြားလွတ်လပ်သော ပုဂ္ဂိုလ်များ၊ အဖွဲ့များ၊ တရားရုံးများ၊ ခုံရုံးများ စသည်တို့က လုပ်ကိုင် ဆောင်ရွက်ခြင်း ရှိ-မရှိ၊

၉။  ပြည်သူ့ရေးရာ အဖွဲ့အစည်းများ ခိုင်မာအားကောင်းစွာဖြင့် ဖြစ်ထွန်းတည်ရှိစေမည့် အစိုးရ၏ ထိန်းချုပ် ကွပ်ကဲမှု၊ စွက်ဖက်မှု၊ သြဇာလွှမ်းမိုးမှုများမှ ကင်းလွတ်ပြီး ပြည်သူအများအတွက် အကျိုးရှိ စေမည့် သတင်း အချက်အလက်များကို ဖြန့်ချိ အသိပေးနိုင်မည့် ပုဂ္ဂိုလ်များ အဖွဲ့အစည်းများ တည်ရှိ လုပ်ဆောင်နိုင်ခြင်း ရှိ-မရှိ၊

၁ဝ။  စစ်တပ်နှင့် နိုင်ငံလုံခြုံရေးဆိုင်ရာ အဖွဲ့အစည်းများကို ရွေးကောက်ပွဲမှတဆင့် ရွေးချယ် တင်မြှောက်ခံရသူများက ထိန်းသိမ်းကွပ်ကဲနိုင်ခြင်း ရှိ-မရှိ၊

ထို့ကြောင့် ပြည်သူများအနေဖြင့် အထက်ဖော်ပြပါအချက် ၁၀ ချက်ပါ အကြောင်းအရာများကို လက်ရှိ မြန်မာနိုင်ငံတွင်း အခြေအနေများ၊ ၂၀၀၈ ခုနှစ် ဖွဲ့စည်းပုံအခြေခံဥပဒေပါ အကြောင်းအချက်များဖြင့် ချိန်ထိုးကြည့်ရန် လိုအပ်လှပေသည်။ ကိုက်ညီမှုမရှိသော အခြေအနေ မည်သည့်အတိုင်းအတာအထိ ရှိနေသည်၊ မကိုက်ညီသော အကြောင်းအချက်များ မည်မျှပါဝင်နေသည် စသည်တို့ကို ပိုင်းခြားပြီး စစ်အာဏာရှင် နအဖက ကျင်းပမည့် ရွေးကောက်ပွဲတွင် သွားရောက် မဲပေးမည်လော၊ မဲမပေးပဲ နေမည်လော သို့မဟုတ် မည်သို့ လုပ်မည်နည်း ဆိုသည်ကို ဆုံးဖြတ်ရန်လိုအပ်သည်။

ဤနေရာတွင် ထည့်သွင်းစဉ်းစားရန် အချက်တချက်ကို တင်ပြလိုသည်။ ရွေးကောက်ပွဲဆိုသည်မှာ အနာဂတ်အတွက် ဖြစ်သည်။ ပစ္စုပ္ပန်အတွက် မဟုတ်၊ အတိတ်အတွက် မဟုတ်ပေ၊ မိမိ၏အနာဂတ်၊ မိမိ၏ မိသားစု၊ ဆွေမျိုးသားချင်း၊ မိတ်ဆွေအပေါင်းအသင်း၊ လုပ်ဖော်ကိုင်ဘက်၊ နိုင်ငံသူနိုင်ငံသား အားလုံး၏ အနာဂတ် ဖြစ်သည်။ ထိုကဲ့သို့ အနာဂတ်အတွက် အကျိုးသက်ရောက်မှု ဖြစ်စေမည့် ရွေးကောက်ပွဲနှင့် ပတ်သက်၍ ပေါ့ပေါ့တန်တန် မတွေးအပ်ပေ၊ သဘောမထားအပ်ပေ။ စစ်တပ် လက်ဝါးကြီးအုပ် နိုင်ငံရေးစနစ်အောက်တွင် နေထိုင်မည်လော သို့မဟုတ် မနေထိုင်မည်လော ဆိုသည်ကို စဉ်းစားဆုံးဖြတ်စေလိုပါသည်။

ကျော်ကျော်စိုး

sayarkway@gmail.com

Download – To vote or no vote or waht to do

ပစ်မှတ်ကို ဖြိုချခြင်း

ပစ်မှတ်ကို ဖြိုချခြင်း

လွင်အောင်စိုး

၇-၉-၂ဝ၁ဝ

၂ဝ၁ဝ ရွေးကောက်ပွဲကို ကျနော်တို့က ဆန့်ကျင်တယ် ဆိုရာမှာ ဒီမိုကရေစီ လိုလားသူတွေအတွက် အလုပ်ဖြစ်နိုင်မယ့် နိုင်ငံရေး အနေအထား၊ အဝန်းအဝိုင်း (atmosphere) ရောက်အောင် ဒီရွေးကောက်ပွဲကို ဖိအားပေးနေတာ ဖြစ်ပါတယ်။ ရွေးကောက်ပွဲ ကော်မရှင်၊ ရွေးကောက်ပွဲဝင် နိုင်ငံရေးပါတီတွေ၊ ဒီလိုမျိုး ရွေးကောက်ပွဲလုပ်ဖို့ အကွက်ချ စီစဉ်သူတွေကို ဖိအားပေးနေတာ ဖြစ်ပါတယ်။

ကျနော်တို့ဘက်က ကြည့်ရင် “ရွေးကောက်ပွဲ” ဆိုတာ “ပစ်မှတ်” ဖြစ်ပါတယ်။ ပစ်မှတ်ကို ရှာတွေ့ရုံနဲ့ အလုပ်မဖြစ်ပါ။ ပစ်မှတ်ကို ထိမှန်အောင် ပစ်နိုင်ဖို့ ပစ်တတ်တဲ့သူ၊ ပစ်ဖို့ လေးမြှားသေနတ်၊ ပစ်ဖို့ အချိန်၊ အင်အား အစရှိသလို သူ့နေရာနဲ့သူ ပေါင်းစပ် ထည့်ပေးရမှာတွေလည်း ရှိရပါမယ်။ ကျနော်တို့ အလုပ်က အဲဒါတွေပါ။

ပဲခူးက အရပ်သား လူငယ် ၂ ဦးကို စစ်သားတွေက စစ်ဥပဒေ၊ စစ်စည်းကမ်း၊ နိုင်ငံတကာ ဂျီနီဗာ သဘောတူ စာချုပ်တွေကို ချိုးဖောက်ပြီး တိုက်ပွဲဝင် လူသတ်လက်နက်တွေနဲ့ ပစ်သတ်တာဟာ မင်းမဲ့ စရိုက် (Anarchy) တမျိုး ဖြစ်ပြီး ဒီလို မင်းမဲ့စရိုက်မျိုးကို အုပ်ချုပ်သူ စစ်အစိုးရကိုယ်တိုင်က ပြုမူတာ ဖြစ်နေပါတယ်။

ဒါဟာ လက်ရှိ မြန်မာနိုင်ငံရဲ့ သတိပြုစရာ၊ စိုးရိမ်စရာ အကောင်းဆုံး အခြေအနေတွေထဲက တခုပါ။ ဒီလိုမျိုး အခြေအနေတခုကို ဒီမိုကရေစီရဖို့ အလုပ်ဖြစ်နိုင်မယ့် နိုင်ငံရေး အနေအထားထဲမှာ မရှိမဖြစ် ထည့်ထားရပါမယ်။ ဘာကြောင့်လဲဆိုတော့ မြန်မာနိုင်ငံမှာ ရွေးကောက်ပွဲ ကျင်းပဖို့ နှစ်လတာဘဲ လိုတော့တဲ့ အချိန်မှာတောင် တရားမျှတတဲ့ တရားဥပဒေ စိုးမိုးမှု အစစ်အမှန် ရှိမနေသေးလို့ ပါဘဲ။ (“တရားမမျှတတဲ့ တရားဥပဒေ” လို့ သုံးနှုန်းတာဟာ ရီစရာဖြစ်ကောင်း ဖြစ်နေပါမယ်။ အမှန်တော့ နအဖ စစ်အစိုးရဟာ လူထုကို နှိပ်ကွပ်ဖို့ မတရားတဲ့ ဥပဒေတွေကို ထင်သလို ပြဌာန်း ကျင့်သုံးနေလို့ ဖြစ်ပါတယ်။ အင်္ဂလိပ်လိုဆိုရင် Rule of Unjust Law လို့ ဆိုရမလားဘဲ။)

ကျနော်တို့က ဒါကို ရွေးကောက်ပွဲနဲ့ မဆိုင်သလို သဘောထားပြီး လက်ပိုက်ကြည့်နေလို့ လုံးဝ မဖြစ်ပါ။ (အခု စာရေးနေချိန်ကစလို့) လာမယ့် နှစ်လတိတိ ရွေးကောက်ပွဲ ကျင်းပတဲ့နေ့ရက် (၇-၁၁-၂ဝ၁ဝ) နေ့မှာ စစ်သားတွေက မဲထည့်မယ့်သူတွေကို သေနတ်ပြပြီး ခြိမ်းခြောက်နိုင်ပါတယ်။ သူတို့မလိုရင် မလိုသလို မဲရုံတွေမှာ မဲမသမာမှုတွေကို စောင့်ကြည့်နေမယ့်သူတွေကို သေနတ်နဲ့ ပစ်ခတ်လိုက် နိုင်ပါတယ်။ အစိုးရ ကျောထောက်နောက်ခံရတဲ့ ကြံ့ဖွတ်ပါတီကလွဲလို့ ကျန်တဲ့ ဘယ်လို နိုင်ငံရေး ပါတီတွေကိုမဆို စစ်တပ်က ရန်သူလို့ သဘောထားနေမလားဆိုတာ ကျနော်တို့ ကြိုတွေးဖို့ ဖြစ်လာ ပါပြီ။ ဒီအခါမှာ ကြံ့ဖွတ်က အနိုင်ရဖို့ မဖြစ်နိုင်တဲ့ မဲဆန္ဒနယ်က အခြား အမတ်လောင်းတွေကို လုပ်ကြံ သတ်ဖြတ်မှုတွေ ရှိလာနိုင်ပါတယ်။

လာမယ့် နှစ်လအကြာမှာ ကျင်းပမယ့် ရွေးကောက်ပွဲဟာ အာဏာပိုင်တွေ ကိုယ်တိုင်က မင်းမဲ့စရိုက် တွေ ကျူးလွန်ပြီး ကျင်းပမယ့် ရွေးကောက်ပွဲ ဖြစ်သွားနိုင်ပါတယ်။ ဒါဆိုရင် လွတ်လပ်ပြီး တရားမျှတတဲ့ ရွေးကောက်ပွဲ လုံးဝ မဟုတ်တော့ပါဘူး။ တိုင်းသူပြည်သူတွေရဲ့ အနာဂတ်ကံကြမ္မာဟာလည်း လူဆိုး လူမိုက် လူရမ်းကားတွေရဲ့ လက်ထဲမှာ ဝကွက်အပ်ခံရပါလိမ့်မယ်။

လိုရင်းကို ချုပ်ပြောရရင် ၂ဝ၁ဝ ရွေးကောက်ပွဲကို ပြည်ပရောက် ကျနော်တို့က ဆန့်ကျင်ရာမှာ

  1. ရွေးကောက်ပွဲနဲ့ အပေါ်ယံအားဖြင့် တိုက်ရိုက် မပတ်သက်သယောင်ယောင် ရှိနေတယ် ဆိုရင် တောင်မှ ရွေးကောက်ပွဲလုပ်ဖို့ အစစအရာရာ စိတ်ကြိုက် ပုံသွင်းနေတဲ့ အာဏာပိုင်တွေက  ဥပဒေမဲ့ ကျူးလွန်နေတဲ့ ရာဇဝတ်မှုနဲ့ အခြားပြစ်မှုမှန်သမျှကို ကျနော်တို့ လက်လှမ်းမီသလောက် အမိအရ အတိအကျ ဖော်ထုတ်ပြီး နိုင်ငံတကာ စာမျက်နှာပေါ် တင်ပေးရပါမယ်။ နိုင်ငံတကာ အဖွဲ့အစည်းတွေဆီမှာ တိုင်တန်းရပါမယ်။
  2. သူတို့ ကျင့်သုံးနေတဲ့ မတရားတဲ့ ဥပဒေတွေကို ပြည်သူတွေ သိနားလည်လာအောင် ကျယ်ကျယ် ပြန့်ပြန့် သတင်းဖြန့်ဖြူးပြီး အသိပညာ ပေးရပါမယ်။
  3. လူထုစွမ်းအားရဲ့ တန်ဖိုးကို လူတိုင်း နားလည် အသုံးချတတ်အောင် ရှင်းပြပေးရပါမယ်။

တကယ်လို့များ တရားဥပဒေ စိုးမိုးမှု အမှန်တကယ်ရှိနေပြီး ဒီမိုကရေစီ ကျင့်ဝတ်စံနှုန်းတွေ ရှိနေတယ်၊ မရှိသေးလို့ ရှိလာအောင် တိတိကျကျ လုပ်နေတယ်ဆိုရင်တော့ ပစ်မှတ်ကို ဖြိုချဖို့ အကြောင်းမရှိပါ။ တကယ်တော့ ကျနော်တို့ လိုအပ်နေတာတွေဟာ လူ့အခွင့်အရေးတွေ အပြည့်အဝ ရရှိပိုင်ဆိုင်ဖို့ အာမခံနိုင်တဲ့ တရားဥပဒေ စိုးမိုးမှုနဲ့ ဒီမိုကရေစီသာ မဟုတ်ပါလား ခင်ဗျာ။

လွင်အောင်စိုး

lwinaungsoe@gmail.com

Download the article – Here