စစ်အစိုးရ ပြောတဲ့အတိုင်းသာ ပယ်လိုက်ပါ

စစ်အစိုးရ ပြောတဲ့အတိုင်းသာ ပယ်လိုက်ပါ

 

နိုဝင်ဘာ ၁ ရက်တွင် ထုတ်ဝေသော မြန်မာ့အလင်းသတင်းစာထဲတွင် လာမယ့်ရွေးကောက်ပွဲတွင် မဲပေးမှုနှင့် ပတ်သက်တဲ့ ရှင်းလင်းချက်တခုကိုဖော်ပြထားတာကိုဖတ်လိုက်ရပါတယ်။ ဘယ်လိုမဲမျိုးဟာ ပယ်မဲဖြစ်တယ် ဆိုတာကို ရှင်းပြထားတာ ဖြစ်ပါတယ်။

(၁) ကိုယ်စားလှယ်လောင်း တဦးထက်ပိုပြီး သူတို့ရဲ့အမည်နဲ့ သင်္ကေတနဘေးက အကွက် ထဲမှာ အမှန်သင်္ကေတ ကိုခြစ်တာပဲဖြစ်ဖြစ် အမှားသင်္ကေတ Χ ကိုပဲဖြစ်ဖြစ် ခြစ်လိုက်ရင် ပယ်မဲ တဲ့။

(၂) လုံးဝ ဆန္ဒပြု မထားပဲ ဗလာဖြစ်နေရင်လည်း ပယ်မဲ တဲ့။

(၃) တယောက်တည်းကို ဆန္ဒပြုထားပေမဲ့ အမှန်လိုလို အမှားလိုလို သင်္ကေတဖြစ်နေရင်လည်း ပယ်မဲ တဲ့။

နိုဝင်ဘာ ၇ ရက်မှာပြုလုပ်မယ့်ရွေးကောက်ပွဲဟာ မြန်မာနိုင်ငံမှာ စစ်အာဏာရှင်စနစ်ကို ဒီမိုကရေစီအရေခြုံ ထားတဲ့စနစ်ကို ထူထောင်ဖို့ ပြုလုပ်တဲ့ ရွေးကောက်ပွဲဖြစ်တာမို့ အဲဒီစနစ် ပေါ်ထွန်းမလာစေဖို့ မြန်မာ နိုင်ငံသားတိုင်းမှာ တာဝန်ရှိပါတယ်။

စစ်တပ်က နိုင်ငံရေးမှာ လက်ဝါးကြီးအုပ်ခွင့်ကို အာမခံချက်ပေးထားတဲ့ ၂၀၀၈ ခုနှစ်အခြေခံဥပဒေကို အသက်သွင်းဖို့ ၂၀၁၀ ရွေးကောက်ပွဲကို ကျင်းပတာဖြစ်တဲ့အတွက် မဲဆန္ဒပေးပိုင်ခွင့်ရှိတဲ့ ပြည်သူတွေ အနေနဲ့ မဲမပေးပဲ နေလို့ရပါကနေပါ။ မဲမပေးပဲနေလို့မရရင် မဲသွားပေးပါ။ ပေးလို့ရှိရင် ပယ်မဲ ဖြစ်အောင်လုပ်ပါ။ နအဖပြောတဲ့အတိုင်း ပယ်မဲဖြစ်စေတဲ့အချက် သုံးချက်နဲ့ ကိုက်အောင် လုပ်လိုက်ပါ။

မဲပေးတဲ့သူအရေအတွက် Turn out နည်းလို့ရှိရင် ဒါမှမဟုတ် ခိုင်လုံတဲ့မဲနည်းပြီး ပယ်မဲများလို့ရှိရင် ရွေးကောက်ပွဲမှာ ဘယ်သူပဲနိုင်နိုင်၊ နိုင်တဲ့သူဟာ လူနည်းစုရဲ့ထောက်ခံမှုကိုသာ ရတဲ့သူ ဖြစ်တယ်၊ လူအများစုရဲ့ သဘောထားကို ထင်ဟပ်တဲ့သူ၊ ကိုယ်စားပြုတဲ့သူ မဟုတ်ဘူးဆိုတာ ပေါ်လွင်နေပါတယ်။

ဒါကြောင့် ကိုယ့်ရဲ့ရှေ့ရေး၊ ကိုယ်သားသမီးရှေ့ရေး၊ မမွေးဖွားသေးတဲ့ ကိုယ့်ရဲ့သွေးမျိုးဆက်တွေကိုရဲ့ အနာဂတ်တွေကိုပါ စဉ်းစားကြည့်လိုက်ပါ။ ဒါဆိုရင် ဘာလုပ်ရမလဲဆိုတာ အဖြေပေါ်လာလိမ့်မှာပါ။

 

ကျော်ကျော်စိုး

sayarkway@gmail.com

နိုဝင်ဘာ ၄ ရက်၊ ၂၀၁၀ ခုနှစ်

Download pdf – here

…………………….

နိုင်ငံရေးအရ ရှင်သန်မှု

Download PDF – Political Survival

Contact – sayarkway@gmail.com

အာဏာရှင်စနစ်ကို ဆက်လက် ထိန်းသိမ်းပေးမည့် ရွေးကောက်ပွဲ

အာဏာရှင်စနစ်ကို ဆက်လက် ထိန်းသိမ်းပေးမည့် ရွေးကောက်ပွဲ

ကျော်ကျော်စိုး

မြန်မာနိုင်ငံတွင် စစ်အစိုးရက အထွေထွေရွေးကောက်ပွဲကို စီစဉ်ထားသည့်အတိုင်း ကျင်းပမည်ဟု သံန္နိဌာန် ချထားသည်။ ကျင်းပမည့် ရွေးကောက်ပွဲသည် အာဏာရှင်ဗိုလ်ချုပ်ကြီးများက အာဏာ ဆက်လက် ချုပ်ကိုင် နိုင်ရေးအတွက် အာမခံချက် ပေးနိုင်မည်ဟု ယုံကြည်ထားသောကြောင့်တည်း။

မြန်မာနိုင်ငံတွင် အခြေခံဥပဒေဖြင့်သာ ဒီမိုကရေစီရနိုင်မည်ဟု ၀ါဒဖြန့် ရေးသားဖော်ပြနေသည်။ ထိုအခြေခံ ဥပဒေကို လက်တွေ့ အကောင်အထည်ဖော်ရန် ရွေးကောက်ပွဲကို ကျင်းပရန် စစ်ခေါင်းဆောင်များ ကြိုးပမ်းကြခြင်းဖြစ်သည်။ ရွေးကောက်ပွဲဖြစ်မှသာ ပေါ်ပေါက်လာမည့် လွှတ်တော်အဆင့်ဆင့်နှင့် အစိုးရ တို့က ဖွဲ့စည်းပုံအခြေခံဥပဒေအတိုင်း နိုင်ငံ့အရေးအရာအားလုံးကို စီမံခန့်ခွဲမည်ဖြစ်သည်။ ထိုအခြေခံ ဥပဒေက စစ်တပ်အား နိုင်ငံရေးတွင် လက်ဝါးကြီးအုပ်ခွင့် ကို အာမခံချက်ပေးထားသောကြောင့်ဖြစ်သည်။ ထို့ကြောင့် အာဏာကို ဆက်လက် ချုပ်ကိုင်နိုင်ရေးအတွက် ရွေးကောက်ပွဲသည် နအဖ စစ်အာဏာရှင် ဗိုလ်ချုပ်ကြီးများအတွက် သေရေးရှင်ရေးတမျှ အရေးကြီးရခြင်းဖြစ်သည်။

ရွေးကောက်ပွဲကို ကျင်းပလိုသော၊ ရွေးကောက်ပွဲတွင် ပါဝင်ယှဉ်ပြိုင်လိုသော နိုင်ငံရေးပါတီများ နိုင်ငံရေး သမားများက မြန်မာနိုင်ငံအနေဖြင့် ရွေးကောက်ပွဲဆိုသည်မှာ မဖြစ်မနေ ဖြတ်သန်းရမည့် နိုင်ငံရေးဖြစ်စဉ် တရပ်အဖြစ် တဘက်သပ် ရှုမြင်ကာ ထုတ်ဖော် ပြောဆိုကြသည်။ ထိုသို့သောအခြေအနေများကြောင့် မြန်မာနိုင်ငံတွင် ရွေးကောက်ပွဲ ဖြစ်လာရသည်ဟု ဆိုရပေလိမ့်မည်။ သို့သော် ဒီမိုကရေစီတော့ အစစ်အမှန်  ရလိမ့်မည် မဟုတ်ပေ။ ရွေးကောက်ပွဲ ဆိုသည်မှာ နိုင်ငံ၏ အုပ်ချုပ်ရေးနှင့် စီမံခန့်ခွဲရေးလုပ်ငန်းများကို ပြည်သူတို့ကိုယ်စား လက်တွေ့လုပ်ကိုင် ဆောင်ရွက်ပေးမည့် ကိုယ်စားလှယ်များကို ရွေးချယ်ခြင်းဖြစ်သည်။ ထို့ကြောင့် အဆိုပါ ကိုယ်စားလှယ်များသည် လူထုကို ကိုယ်စားပြုသောသူများ ဖြစ်သည်။ တရားဝင် ကိုယ်စားပြုနိုင်ရေးအတွက် ရွေးကောက်ပွဲ ဝင်ပြိုင်ကာ ပြည်သူတို့၏ အဆုံးအဖြတ်ကို ခံယူရသည်။ သို့ဖြစ်ရာ ကျင်းပသည့် ရွေးကောက်ပွဲများသည် လွတ်လပ်ရမည်၊ တရားမျှတရမည်၊ ရွေးကောက်ပွဲဆိုင်ရာ လုပ်ငန်းစဉ်များသည် စနစ်တကျရှိပြီး သမာသမတ်ကျရမည် ဖြစ်သည်။

ဒီမိုကရေစီကို ဖော်ဆောင်နိုင်မည့် လူမှုအသိုင်းအ၀ိုင်း တည်ထောင်ရေးအတွက် အရေးအကြီးဆုံးနှင့် အခြေခံ အကျဆုံးသော လိုအပ်ချက်မှာ တရားစီရင်ရေးသည် သီးခြားလွတ်လပ်မှုရှိရေး (Judicial Independence) ၊ တရားဥပဒေ စိုးမိုးရေး (Rule of Law) နှင့် အခြေခံ လူ့အခွင့်အရေးများနှင့် လွတ်လပ်မှု (Fundamental Rights and Freedoms) ဖြစ်သည်။ သို့သော် လက်ရှိ မြန်မာနိုင်ငံတွင် ထိုအခြေအနေများ မရှိပေ။ တရားဥပဒေစိုးမိုးမှု မရှိ၊ တရားစီရင်ရေးတွင် အုပ်ချုပ်ရေးက ဝင်ရောက်စွက်ဖက်နေသည်။ ဥပဒေ အထက်တွင် အမိန့်က ကြီးစိုးနေသည်။ ပြည်သူလူထုတွင် အခြေခံလူ့အခွင့်အရေးများ ဆုံးရှုံးနေသည်။  လွတ်လပ်ခွင့်များ မဲ့နေသည်။ အာဏာရှင်များ၏ အုပ်ချုပ်မှု၊ စစ်တပ်အုပ်ချုပ်မှုအောက်တွင် ဤသို့သော အဖြစ်များ အမြဲဖြစ်ပျက်နေသည်။ ထိုသူများက ကျင်းပပြုလုပ်သည့် ရွေးကောက်ပွဲသည် လွတ်လပ်သော တရားမျှတသော ရွေးကောက်ပွဲကို ကျင်းပနိုင်မည် မဟုတ်ပေ။ အကြောင်းမူကား ၄င်းတို့သည် ဒီမိုကရေစီကို မယုံကြည်ကြသောကြောင့် ဖြစ်သည်။

မြန်မာစစ်အာဏာရှင်များသည် ပြည်သူလူထုအား လွတ်လပ်စွာတွေးတောခွင့် Freedom of Thought နှင့် လွတ်လပ်စွာ ဆန္ဒထုတ်ဖော်ပြသခွင့် (Freedom of Expression) ကို လက်တွေ့ကျင့်သုံးခွင့် မရစေရန် ဖိနှိပ်ခြိမ်းခြောက်မှုများဖြင့် ပိတ်ပင်ထားသည်။ ဥပဒေရေးရာတွင် ပြည်သူပြည်သားအားလုံး တန်းတူခံစားခွင့် မရှိပေ။ လုပ်ပိုင်ခွင့်အာဏာရှိသူများက အာဏာကို ကိုယ်ကျိုးအတွက် ထင်တိုင်းသုံးနေသည်၊ ထို့အပြင် ပြည်သူလူထုကို ကိုယ်စားပြုသည့် ပြည်သူ့ကိုယ်စားလှယ် အမတ်များ ဖြစ်လာစေရန် ကြိုးပမ်းလုပ်ဆောင်သူ များကိုလည်း ကန့်သတ်ချက် အကြောင်းပြချက်အမျိုးမျိုးဖြင့် တားမြစ်မှုများ ပြုလုပ်ထားသည်။ ပြည်သူ လူထု၏အခြေခံအခွင့်အရေးများကို ဥပဒေများပြဌာန်းချက်များဖြင့် အကာအကွယ်ပေးရမည်မှာ အစိုးရ တရပ်၏ တာဝန်ဖြစ်သည်။ နအဖစစ်အာဏာရှင် ဗိုလ်ချုပ်ကြီးများ အုပ်ချုပ်မှုအောက်တွင် သီးခြား လွတ်လပ်သော တရားစီရင်ရေး မရှိ၊ အာဏာနှင့်လုပ်ပိုင်ခွင့်ရှိသူများ၏ ဥပဒေ ချိုးဖောက်မှုများ ရှိနေခြင်းကြောင့် လက်ရှိ အခြေအနေတွင် ဒီမိုကရေစီကျသော ရွေးကောက်ပွဲပေါ်ထွန်းရေး ဆိုသည်မှာ မည်သို့မျှ တွေးတော၍မရပေ။

ပြည်သူများ၏ လွတ်လပ်စွာ ဆန္ဒဖော်ခွင့်များ၊ နိုင်ငံရေးပါတီများ အသင်းအဖွဲ့များ၏ စည်းရုံးလှုပ်ရှားပိုင်ခွင့် များကို အကြီးအကျယ် ကန့်သတ်ချုပ်ချယ်ထားပြီး ရွေးကောက်ပွဲဝင်ရန် ပူပူနွေးနွေး ယူနီဖောင်းချွတ်ကာ အရပ်သားအဖြစ် ပြောင်းလဲထားသော စစ်ဗိုလ်ချုပ်များက ပြည်သူပိုင် ငွေကြေး ပစ္စည်းဥစ္စာများဖြင့် ဖွဲ့စည်း ထားသော လူမှုရေးအသင်း ကြံ့ဖွံ့ကို နိုင်ငံရေးပါတီအဖြစ် အသွင်ပြောင်းလဲပြီး ထိုငွေကြေး ပိုင်ဆိုင်မှုများကို သုံးကာ ရွေးကောက်ပွဲတွင် အခြားပါတီများ ပြိုင်ဘက်များထက် အသာစီးရယူထားသည်။ ယင်းကိုလည်း စစ်အာဏာရှင်များက တဘက်သပ် ခန့်အပ်ထားသည့် ရွေးကောက်ပွဲကော်မရှင်က ခပ်မဆိပ်နေခြင်းသည် မျှတမှုမရှိ၊ ရွေးကောက်ပွဲဆိုင်ရာ ဥပဒေများကို ချိုးဖောက်နေသည် ဆိုသည့်အချက်ကို ပေါ်လွင်နေစေသည်။

ထိုမျှမကသေး၊ လက်ရှိ အာဏာချုပ်ကိုင်ထားသည့် စစ်အာဏာရှင်များသည် ရွေးကောက်ပွဲတွင် ၄င်းတို့ မုချ အနိုင်ရမည်ဟု တွက်ဆထားသည်ကို နအဖအကြီးအကဲ ဗိုလ်ချုပ်မှူးကြီးသန်းရွှေ တရုတ်ပြည်တွင် ပြောဆို ခဲသည့် စကားက ဖော်ပြနေသည်။ ရွေးကောက်ပွဲပြီးစီးသည့်နောက် ပေါ်ပေါက်လာမည့် အစိုးရသည်လည်း ယခု လက်ရှိအတိုင်း ဆက်ဆံသွားမည် ဖြစ်ကြောင်း ထုတ်ဖော်ပြောဆိုခဲ့ခြင်းက နိုဝင်ဘာ ၇ ရက် ရွေးကောက်ပွဲပြီးသည့်နောက်တွင်လည်း ၄င်းတို့သာ ဆက်လက် အုပ်ချုပ်သွားဖြစ်ကြောင်းကို တရုတ်အား အာမခံချက်ပေးလိုက်ခြင်းပင်ဖြစ်သည်။

ထို့ကြောင့် စစ်အာဏာရှင်နအဖက ကျင်းပမည့် ၂ဝ၁ဝ ရွေးကောက်ပွဲဆိုသည်မှာ မြန်မာနိုင်ငံတွင် အာဏာရှင်စနစ် ဆက်လက် ထွန်းကားရေးအတွက် ထိန်းသိမ်းပေးမည့် ရွေးကောက်ပွဲသာ ဖြစ်ပေသည်။ ထိုရွေးကောက်ပွဲကို ဝင်ပြိုင်မည့် နိုင်ငံရေးသမားများ၊ နိုင်ငံရေးပါတီများက နိုင်ငံတကာအဖြစ်အပျက်များ၊ အတွေ့အကြုံများ၊ နိုင်ငံရေးဆိုင်ရာ သဘောတရားများ၊ အယူအဆများကို မဏ္ဍိုင်ပြုကာ ရှောင်လွှဲမရသော နိုင်ငံရေးဖြစ်စဉ်တရပ် အဖြစ်ဖြင့် ဝင်ရောက် ယှဉ်ပြိုင်ရန် အပြီးသတ် ပြင်ဆင်နေကြပြီ ဖြစ်သည်။ ၄င်းတို့သည် မည်သည့်နိုင်ငံ၊ အခြေအနေ၊ သဘောသဘာဝ၊ အမူအကျင့်စရိုက်တို့နှင့် လုံးဝ မတူခြားနားနေသည့် မြန်မာပြည်အခြေအနေ၊ မြန်မာစစ်အာဏာရှင်များ၊ မြန်မာလူထုတို့၏ အနေအထားကို မှန်ကန်စွာ တွက်ဆနိုင်ခြင်း မရှိပဲ ရွေးကောက်ပွဲဝင်ရန် ဆုံးဖြတ်ခဲ့ခြင်းသာ ဖြစ်သည်။ စစ်အာဏာရှင် နအဖတို့သည် အာဏာဆက်လက်ချုပ်ကိုင်ရေးအတွက် မည်သည့်အရာကိုမဆို လုပ်ကိုင်ခဲ့သည်၊ လုပ်ကိုင်နေသည်၊ လုပ်ကိုင်လိမ့်မည်ဆိုသည်ကို ထိုနိုင်ငံရေးသမားများက တွက်ဆနိုင်ခြင်း မရှိပဲ နအဖစစ်အာဏာရှင်များ ချပေးသည့် လမ်းကြောင်းအတိုင်း လျှောက်လှမ်းနေကြသည်။

ရွေးကောက်ပွဲကို ဝင်ပြိုင်မည့် နိုင်ငံရေးသမားများ၊ နိုင်ငံရေးပါတီများက ၎င်းတို့အနိုင်ရရှိပါက  လွှတ်တော် အတွင်း တရားဝင် ပြောရေးဆိုခွင့် ရလိမ့်မည်ဟု မျှော်လင့်နေကြသည်။  ထိုအခြေအနေဖြင့် မြန်မာနိုင်ငံကို ဒီမိုကရေစီ ထွန်းကားသည့် နိုင်ငံအဖြစ် တဖြည်းဖြည်းချင်း ပြောင်းလဲယူနိုင်လိမ့်မည် ဆိုသည့် အိမ်မက်ပင် ဖြစ်သည်။ ထိုအိပ်မက်သည် လက်တွေ့ ဖြစ်လာမည်လော။

ကျော်ကျော်စိုး

အောက်တိုဘာ ၁ ၊ ၂ဝ၁ဝ ခုနှစ်

sayarkway@gmail.com

Download: Election for legitimate dictatorship

………..

မဲပေးမည် သို့မဟုတ် မပေးမည် သို့မဟုတ် မည်သို့လုပ်ကြမည်နည်း

မဲပေးမည် သို့မဟုတ် မပေးမည် သို့မဟုတ် မည်သို့လုပ်ကြမည်နည်း

ကျော်ကျော်စိုး

စက်တင်ဘာ ၈ ၊ ၂၀၁၀

လက်ရှိ မြန်မာ စစ်အာဏာပိုင်များက နိုဝင်ဘာ ၇ ရက်တွင် ရွေးကောက်ပွဲ ကျင်းပမည်ဟု အတိအလင်း ထုတ်ပြန်ကြေညာခဲ့ပြီး ဖြစ်သည်။ ၂၀၁၀ ခုနှစ် ရွေးကောက်ပွဲ ကျင်းပမည် ဆိုသည်ကို ၂၀၀၈ ခုနှစ် မေလဆန်း နာဂစ် မုန်တိုင်းတိုက်ခတ်ပြီး ၁၀ ရက်မပြည့်မီတွင် ဖွဲ့စည်းပုံအခြေခံ ဥပဒေအား လူထုဆန္ဒခံယူပွဲ ကျင်းပခဲ့ပြီးနောက် ရက်သတ္တပတ် အနည်းငယ်အတွင်း ကြေညာခဲ့သည်။ ယခုအခါ စစ်အာဏာရှင်များသည် အထွေထွေ ရွေးကောက်ပွဲ ကျင်းပနိုင်ရေးအတွက် အဆင့်ဆင့် ပြင်ဆင်နေပြီ ဖြစ်သည်။

၎င်းတို့က မြန်မာနိုင်ငံအား ဒီမိုကရေစီနိုင်ငံအဖြစ် ထူထောင်မည်ဟု ဆိုသည်။ ထိုအတွက် ကျင်းပမည့် ရွေးကောက်ပွဲသည် ဒီမိုကရေစီပြုပြင်ပြောင်းလဲရေးအတွက် ခြေလှမ်းတလှမ်းဖြစ်သည်ဟု ပြောဆို သည်။ ထိုမှတဆင့် လူထုက ရွေးချယ်တင်မြှောက်သော ကိုယ်စားလှယ်များဖြင့် ဒီမိုကရက်တစ် အစိုးရတရပ် ဖွဲ့စည်းကာ ခေတ်မီတိုးတက်သောနိုင်ငံ ထူထောင်မည်ဟု လူသိရှင်ကြားပြောဆိုသည်။

လွတ်လပ်သော ဒီမိုကရေစီတွင် ပြည်သူလူထု၏ ကိုယ်တိုင်ကိုယ်ကျ ပါဝင်လုပ်ကိုင်မှုသည် ပဓာန ကျသည်။ နိုင်ငံရေးနှင့် ပတ်သက်၍ ပြည်သူလူထုသည် ပြောရေးဆိုပိုင်ခွင့် မရှိပါက အစိုးရတရပ်အား ဒီမိုကရက်တစ် အစိုးရဟု ပြောဆိုရန် ခက်ခဲလှပေသည်။ ဒီမိုကရေစီတွင် ပြည်သူလူထု ပူးပေါင်း ပါဝင်နိုင်သည့် နည်းလမ်းပေါင်း များစွာရှိသည့်အနက် ရွေးကောက်ပွဲနှင့် မဲပေးခြင်းတို့သည် အခြေခံ အကျဆုံး နည်းလမ်း ဖြစ်သည်။

ရွေးကောက်ပွဲနှင့် မဲပေးခြင်းတို့သည် ပြည်သူလူထုက ၄င်းတို့၏ ကိုယ်စားလှယ်များ၊ အစိုးရအာဏာ ကိုင်တွယ် ကျင့်သုံးခွင့်ရသူများအား ထိန်းချုပ်ခွင့် ရရှိစေရန် ပေးစွမ်းသည်။ ရွေးကောက်ပွဲများသည် ပြည်သူလူထုက နိုင်ငံရေးတွင် သြဇာသက်ရောက် လွှမ်းမိုးနိုင်ရေးအတွက် တခုတည်းသော နည်းလမ်း မဟုတ်ပေ။

မူဝါဒ၊ အစီအစဉ်၊ လက်တွေ့ လုပ်ငန်း အကောင်အထည်ဖော်ရေးတို့အတွက် စည်းရုံး လှုံ့ဆော်နိုင် သည့် နည်းလမ်း၊ ပူးပေါင်းလုပ်ဆောင်သည့် သဘောဖြစ်သော စုပေါင်း လက်မှတ်ရေးထိုးခြင်း၊ ပို့စ်ကဒ်နှင့် စာများ ရေးသားပေးပို့ခြင်း၊ လူထုဆန္ဒ ထုတ်ဖော်ပြသခြင်း စသည့်နည်းလမ်းများဖြင့်လည်း နိုင်ငံရေးတွင် သြဇာလွှမ်းမိုးမှု ရှိစေရန် လုပ်ဆောင်နိုင်သည်။

ရွေးကောက်ပွဲ ကျင်းပမည် ဆိုသည်နှင့် မဲဆန္ဒပေးမည့် ပြည်သူလူထု၊ ရွေးကောက်ပွဲတွင် ပါဝင် ယှဉ်ပြိုင်မည့်သူများတွင် လွတ်လပ်မှုနှင့် ညီမျှမှု အပြည့်အ၀ ရှိရေးသည် အရေးကြီးသည့်အချက် ဖြစ်သည်။ ထို့ကြောင့် ရွေးကောက်ပွဲ ဆိုသည်နှင့် လွတ်လပ်၍ တရားမျှတသော ရွေးကောက်ပွဲ ဖြစ်ရမည်ဟု ရည်ညွှန်းပြောဆိုမှုများ ရှိခြင်းဖြစ်သည်။

နအဖ စစ်အာဏာရှင်များက ကျင်းပမည့် ရွေးကောက်ပွဲသည် မြန်မာနိုင်ငံတွင် ဒီမိုကရေစီ ထွန်းကားစေမည်လော။

လက်ရှိ ဖြစ်ပျက်နေသော မြန်မာနိုင်ငံတွင်း အခြေအနေများနှင့် နိုင်ငံရေးအခင်းအကျင်းများက အနာဂတ် မြန်မာနိုင်ငံတွင် ဒီမိုကရေစီ တိုးတက်ဖြစ်ထွန်းစေမည့် အလားအလာကို မျှော်မှန်း၍ ရသလော။

ရွေးကောက်ပွဲမှတဆင့် လက်တွေ့ အကောင်အထည်ဖော်ရမည့် ဖွဲ့စည်းပုံ အခြေခံဥပဒေက မြန်မာနိုင်ငံတွင် စစ်မှန်သော ဒီမိုကရေစီ ဖြစ်ထွန်းရေးအတွက် အာမခံချက်ပေးနိုင်မည်လော စသည့်မေးခွန်းများကို ပြည်သူများ မည်သို့ ဖြေဆိုကြမည်နည်း။

အောက်ဖော်ပြပါ အကြောင်းအချက်၊ အခြေအနေများကို အာမခံချက်မရှိပဲနှင့် ဒီမိုကရေစီထူထောင်ရန် သို့မဟုတ် ဒီမိုကရေစီ ထွန်းကားမည်မဟုတ် ဆိုသည်ကို ရှင်းလင်းစွာ သိရှိ နားလည်ထားရန် လိုအပ်သည်။

၁။  လူတဦးချင်းစီအလိုက် လွတ်လပ်စွာ ယုံကြည်ခွင့်၊ လွတ်လပ်စွာ ထင်မြင်ချက် ပေးနိုင်ခွင့်၊ လွတ်လပ်စွာ ဆွေးနွေးခွင့်၊ လွတ်လပ်စွာ ပြောဆိုခွင့်၊ လွတ်လပ်စွာ ပုံနှိပ်ထုတ်ဝေခွင့်၊ လွတ်လပ်စွာ ထုတ်လွှင့်ခွင့်၊ လွတ်လပ်စွာ ဆန္ဒပြခွင့်၊ လွတ်လပ်စွာ အရေးဆိုပိုင်ခွင့်၊ လွတ်လပ်စွာ အင်တာနက် သုံးစွဲခွင့် စသည်များ ရှိ-မရှိ၊

၂။  လူမျိုးစုများ လွတ်လပ်စွာ သွားလာအခြေချ နေထိုင်ခွင့်၊ ဘာသာရေး လွတ်လပ်ခွင့်၊ အခြားလူနည်းစုများ၏ ဘာသာရေးအရ၊ ယဉ်ကျေးမှု ဓလေ့ထုံးစံအရ ယုံကြည်ကိုးကွယ်ခွင့်နှင့် မိရိုးဖလာ အစဉ်အလာကို ထိန်းသိမ်းစောင့်ရှောက် ကျင့်သုံးပိုင်ခွင့်၊ နိုင်ငံရေးနှင့် လူမှုရေးဘ၀များတွင် တန်းတူညီမျှစွာ ပါဝင် လုပ်ကိုင်ခွင့် ရှိ-မရှိ၊

၃။  အရွယ်ရောက်သူ နိုင်ငံသားအားလုံး မဲပေးပိုင်ခွင့်၊ ပြည်သူ့ကိုယ်စားလှယ်နေရာအတွက် ၀င်ရောက် ယှဉ်ပြိုင်ခွင့် ရှိ-မရှိ၊

၎။  ရွေးကောက်ပွဲကာလအတွင်း ပွင့်လင်းစွာဖြင့် ပြောဆိုစည်းရုံး လှုပ်ရှားမဲဆွယ်ပိုင်ခွင့်၊ တန်းတူညီမျှ ယှဉ်ပြိုင်ခွင့် ရှိ မရှိ၊ ပါတီများ ထူထောင်ပိုင်ခွင့်၊ နိုင်ငံရေးပါတီများ၊ နိုင်ငံရေးသမားများ အခွင့်အလမ်း အခြေအနေ တန်းတူညီမျှစွာဖြင့် ပြည်သူ့ကိုယ်စားလှယ်နေရာတွင် ၀င်ရောက် ယှဉ်ပြိုင်ခွင့် ရှိ-မရှိ၊

၅။  တရားဥပဒေစိုးမိုးမှု ရှိ-မရှိနှင့် တရားဥပဒေအောက်တွင် ပြည်သူအားလုံး ဥပဒေကြောင်းအရ တန်းတူညီမျှ ကာကွယ်စောင့်ရှောက်ခံရမှု ရှိ-မရှိ၊ ဥပဒေများအား ရှင်းလင်းစွာဖြင့် လူသိရှင်ကြား သိရှိစေရန် ထုတ်ပြန်ကြေညာထားခြင်း ရှိ-မရှိ၊ ဥပဒေများသည် ဘက်လိုက်ခြင်း၊ တဖက်စောင်းနင်း ဖြစ်ခြင်း၊ လူတဦး-တဖွဲ့-တပါတီ၏ အကျိုးအတွက် ရေးဆွဲထားခြင်း ရှိ-မရှိ၊

၆။  လူတဦးချင်းစီနှင့် အဖွဲ့အစည်းများ၏ အခွင့်အရေးများကို ကာကွယ်စောင့်ရှောက်ပေးရန် ဖြောင့်မတ် မှန်ကန်စွာဖြင့် သီးခြားလွတ်လပ်စွာ တရားစီရင်ပိုင်ခွင့် ရှိ-မရှိ၊

၇။  လူတဦးတယောက်အား မတရားဖမ်းဆီးခြင်း၊ နှိပ်စက်ခြင်း၊ ညှဉ်းပမ်းနှိပ်စက်ခြင်း၊ တရားမဲ့ ထိန်းသိမ်းထားခြင်း၊ အသက်မွေးဝမ်းကျောင်းဘ၀ကို ၀င်ရောက်စွက်ဖက် နှောင့်ယှက်ဖျက်ဆီးခြင်း စသည်များကို အစိုးရနှင့် လက်အောက်ခံ အာဏာပိုင်များကသော်၎င်း၊ အစိုးရမဟုတ်သော အဖွဲ့များကသော်၎င်း ကျူးလွန်ခြင်း ရှိ-မရှိနှင့် ကျူးလွန်သူများအား ဖော်ထုတ်အရေးယူခြင်းများ ရှိ-မရှိ၊

၈။  ရွေးချယ်တင်မြှောက်ခံ ပြည်သူ့ကိုယ်စားလှယ်များ၏ လုပ်ပိုင်ခွင့်အာဏာများကို ပြန်လှန် စစ်ဆေးမှုများအား သီးခြားလွတ်လပ်သော ပုဂ္ဂိုလ်များ၊ အဖွဲ့များ၊ တရားရုံးများ၊ ခုံရုံးများ စသည်တို့က လုပ်ကိုင် ဆောင်ရွက်ခြင်း ရှိ-မရှိ၊

၉။  ပြည်သူ့ရေးရာ အဖွဲ့အစည်းများ ခိုင်မာအားကောင်းစွာဖြင့် ဖြစ်ထွန်းတည်ရှိစေမည့် အစိုးရ၏ ထိန်းချုပ် ကွပ်ကဲမှု၊ စွက်ဖက်မှု၊ သြဇာလွှမ်းမိုးမှုများမှ ကင်းလွတ်ပြီး ပြည်သူအများအတွက် အကျိုးရှိ စေမည့် သတင်း အချက်အလက်များကို ဖြန့်ချိ အသိပေးနိုင်မည့် ပုဂ္ဂိုလ်များ အဖွဲ့အစည်းများ တည်ရှိ လုပ်ဆောင်နိုင်ခြင်း ရှိ-မရှိ၊

၁ဝ။  စစ်တပ်နှင့် နိုင်ငံလုံခြုံရေးဆိုင်ရာ အဖွဲ့အစည်းများကို ရွေးကောက်ပွဲမှတဆင့် ရွေးချယ် တင်မြှောက်ခံရသူများက ထိန်းသိမ်းကွပ်ကဲနိုင်ခြင်း ရှိ-မရှိ၊

ထို့ကြောင့် ပြည်သူများအနေဖြင့် အထက်ဖော်ပြပါအချက် ၁၀ ချက်ပါ အကြောင်းအရာများကို လက်ရှိ မြန်မာနိုင်ငံတွင်း အခြေအနေများ၊ ၂၀၀၈ ခုနှစ် ဖွဲ့စည်းပုံအခြေခံဥပဒေပါ အကြောင်းအချက်များဖြင့် ချိန်ထိုးကြည့်ရန် လိုအပ်လှပေသည်။ ကိုက်ညီမှုမရှိသော အခြေအနေ မည်သည့်အတိုင်းအတာအထိ ရှိနေသည်၊ မကိုက်ညီသော အကြောင်းအချက်များ မည်မျှပါဝင်နေသည် စသည်တို့ကို ပိုင်းခြားပြီး စစ်အာဏာရှင် နအဖက ကျင်းပမည့် ရွေးကောက်ပွဲတွင် သွားရောက် မဲပေးမည်လော၊ မဲမပေးပဲ နေမည်လော သို့မဟုတ် မည်သို့ လုပ်မည်နည်း ဆိုသည်ကို ဆုံးဖြတ်ရန်လိုအပ်သည်။

ဤနေရာတွင် ထည့်သွင်းစဉ်းစားရန် အချက်တချက်ကို တင်ပြလိုသည်။ ရွေးကောက်ပွဲဆိုသည်မှာ အနာဂတ်အတွက် ဖြစ်သည်။ ပစ္စုပ္ပန်အတွက် မဟုတ်၊ အတိတ်အတွက် မဟုတ်ပေ၊ မိမိ၏အနာဂတ်၊ မိမိ၏ မိသားစု၊ ဆွေမျိုးသားချင်း၊ မိတ်ဆွေအပေါင်းအသင်း၊ လုပ်ဖော်ကိုင်ဘက်၊ နိုင်ငံသူနိုင်ငံသား အားလုံး၏ အနာဂတ် ဖြစ်သည်။ ထိုကဲ့သို့ အနာဂတ်အတွက် အကျိုးသက်ရောက်မှု ဖြစ်စေမည့် ရွေးကောက်ပွဲနှင့် ပတ်သက်၍ ပေါ့ပေါ့တန်တန် မတွေးအပ်ပေ၊ သဘောမထားအပ်ပေ။ စစ်တပ် လက်ဝါးကြီးအုပ် နိုင်ငံရေးစနစ်အောက်တွင် နေထိုင်မည်လော သို့မဟုတ် မနေထိုင်မည်လော ဆိုသည်ကို စဉ်းစားဆုံးဖြတ်စေလိုပါသည်။

ကျော်ကျော်စိုး

sayarkway@gmail.com

Download – To vote or no vote or waht to do

ဒီမိုကရက်တစ် အစိုးရနှင့် ပြည်သူ့အကျိုးပြု အခြေခံဥပဒေ

ဒီမိုကရက်တစ် အစိုးရနှင့် ပြည်သူ့အကျိုးပြု အခြေခံဥပဒေ

ကျော်ကျော်စိုး

စက်တင်ဘာ ၃ ၊ ၂ဝ၁ဝ

၁။  နိုင်ငံအား ဒီမိုကရေစီအခြေပြု နိုင်ငံရေးစနစ်သို့ ပြုပြင်ပြောင်းလဲရာတွင် ရွေးကောက်ပွဲများ  ပြုလုပ်ကြသည်။ အဘယ်ကြောင့်နည်း။

နိုင်ငံတနိုင်ငံတွင် ပြည်သူများက အစိုးရတရပ်ကို ဒီမိုကရက်တစ် အစိုးရတရပ်အဖြစ် ပြောင်းလဲသင့်ပြီ ဟုဆိုလျှင် ပထမဦးဆုံး ပေါ်ပေါက်လာလေ့ရှိသည်မှာ ရွေးကောက်ပွဲ ဖြစ်သည်။ မြန်မာနိုင်ငံတွင်လည်း ၁၉၉၀ ခုနှစ်က ပါတီစုံ ဒီမိုကရေစီ အထွေထွေ ရွေးကောက်ပွဲကို ကျင်းပခဲ့သည်။ ၁၉၈၈ ခုနှစ် ဒီမိုကရေစီ အရေးတော်ပုံက မြန်မာနိုင်ငံတွင် မြန်မာ့ဆိုရှယ်လစ် လမ်းစဉ်ပါတီ (မဆလ) ၏  တပါတီ အုပ်ချုပ်ရေးစနစ်မှ ဒီမိုကရေစီအခြေပြု နိုင်ငံရေးစနစ်သို့ ပြောင်းလဲရန် အာဏာသိမ်း စစ်အစိုးရက ရွေးကောက်ပွဲ ပြုလုပ်ခဲ့သည်။ ယခုတဖန် ထိုစစ်အာဏာရှင်များကပင် ဒီမိုကရေစီသို့ ပြုပြင် ပြောင်းလဲရန် ဟုဆိုကာ ရွေးကောက်ပွဲ ပြုလုပ်မည်ဟု ဆိုပြန်သည်။

အစိုးရအဖွဲ့၏ ရည်ရွယ်ချက်များ၊ အစိုးရအဖွဲ့၏ ဖွဲ့စည်းပုံများ အပါအ၀င် ပြည်သူပြည်သားအားလုံးနှင့် သက်ဆိုင်သော ကိစ္စအ၀၀ကို အတိအကျ ရေးသားဖော်ပြထားသည့် ဖွဲ့စည်းပုံ အခြေခံဥပဒေကို ရွေးကောက်ပွဲ မကျင်းပမီ အရင်ဦးစွာ ရေးဆွဲ သတ်မှတ်ကြသည်များလည်း ရှိသည်။ ထိုကဲ့သို့ အခြေခံ ဥပဒေ ရေးဆွဲ သတ်မှတ်ခြင်းနှင့် ရွေးကောက်ပွဲ ကျင်းပခြင်းများသည် ပြည်သူလူထု ကိုယ်စားပြုသော အစိုးရတရပ် ပေါ်ထွန်းလာရေးအတွက် လိုအပ်ချက်များ ဖြစ်သည်။

ဤနေရာတွင် ကြီးစွာသတိထားရန် လိုအပ်သည်မှာ အာဏာရှင်များသည် ရွေးကောက်ပွဲကို ပြည်သူ လူထုအပေါ် လက်ဝါးကြီးအုပ် ချယ်လှယ်နိုင်ရေးအတွက် နည်းလမ်းတခုအဖြစ် အသုံးပြုသည်၊ ၄င်းတို့  အုပ်ချုပ်မှုသည် တရားမျှတ မှန်ကန်မှု ရှိသည်ကို ရွေးကောက်ပွဲမတိုင်မီ အကြိုကာလအတွင်း ၀ါဒဖြန့် ဆွဲဆောင်နိုင်ရန် လုပ်ကိုင်လေ့ရှိသည် ဆိုသည်ပင်ဖြစ်သည်။

မည်သို့ပင်ဆိုကာမူ ရွေးကောက်ပွဲတရပ်သည် ဒီမိုကရေစီသို့ ဦးတည်လျှောက်လှမ်းရေးအတွက် ပထမ ဦးဆုံးသော ခြေလှမ်းတလှမ်း ဖြစ်သည်။ ဒီမိုကရေစီသို့ ဦးတည်သည် ဆိုရုံဖြင့် အလွယ်တကူ မယုံကြည်သင့်ပေ။ ထိုခြေလှမ်းကို လက်ရှိ အုပ်ချုပ်နေသူများက မှန်ကန်စွာ လျှောက်လှမ်းခြင်း ရှိ-မရှိ ဆိုသည်ကို လတ်တလော အခြေအနေများ သို့မဟုတ် ဖွဲ့စည်းပုံ အခြေခံဥပဒေပါ အချက်များဖြင့် ချိန်ထိုး ဆန်းစစ်ရန် လိုအပ်သည်။

၂။  ရွေးကောက်ပွဲသည် ဒီမိုကရေစီ ပြုပြင်ပြောင်းလဲရေးအတွက် ပထမခြေလှမ်းဟုဆိုလျှင် ထိုအဆင့် အောင်မြင်ရေးအတွက် မည်သည့်အချက်သည် အရေးကြီးသနည်း။

ဒီမိုကရေစီ ပြုပြင်ပြောင်းလဲမှုကို ဆောင်ရွက်သည့်အခါ အောင်မြင်မှုရလိုပါက ပထမဦးဆုံးအနေဖြင့် နိုင်ငံကို အုပ်ချုပ်နေသည့် ခေါင်းဆောင်များက ဒီမိုကရေစီတွင် မည်သို့သော အကြောင်းအချက်များ ပါဝင်နေသည်၊ ရှိနေသည်ကို လေ့လာ သိရှိ သဘောပေါက် လက်ခံရေးနှင့် ထိုအတွက် အခြေအနေများနှင့် ကိုက်ညီစေရန် လက်ရှိ တည်ဆဲအခြေအနေများကို ညှိနှိုင်းပြောင်းလဲမှ ဖြစ်မည်။ ထိုသို့မဟုတ်ပဲ လေ့လာမှု မပြုပါက ဒီမိုကရေစီအရေး ကြိုးပမ်းမှုများသည် ဖျက်ဆီးခံရခြင်း သို့မဟုတ် ကြိုးပမ်း လှုပ်ရှားသူများကို အာဏာချုပ်ကိုင်ထားသူများက ဖယ်ရှားခြင်းများ ပြုလုပ်လိမ့်မည် ဖြစ်သည်။ ထိုသို့သော အခြေဆိုက်လာပါက အမည်ခံ ဒီမိုကရေစီ ပြုပြင်ပြောင်းလဲမှုသာ ဖြစ်ပေါ်လာလိမ့်မည်။

၃။  ဖွဲ့စည်းပုံ အခြေခံဥပဒေနှင့်အညီ ရွေးကောက်ပွဲ မှတဆင့် ဖွဲ့စည်းဖြစ်ပေါ်လာသော အစိုးရသည် ဒီမိုကရက်တစ်အစိုးရဟု ခေါ်ဆိုနိုင်သလား။

ဖွဲ့စည်းပုံ အခြေခံဥပဒေနှင့်အညီ ဆိုသည့် စကားရပ် ပါလာသည့်အတွက် ဖွဲ့စည်းပုံ အခြေခံဥပဒေနှင့် ပတ်သက်၍ အနည်းငယ် ရှင်းလိုပါသည်။ ဖွဲ့စည်းပုံ အခြေခံဥပဒေကို ရေးဆွဲတော့မည်ဆိုလျှင် နိုင်ငံတွင်းရှိ ပြည်သူအားလုံး၏ အလွှာအသီးသီး၊ အုပ်စုအသီးသီးကို ကိုယ်စားပြုသည့်သူများ ပါဝင်ရန် လိုအပ်သည်။ ထိုကဲ့သို့ အခြေခံဥပဒေ ရေးဆွဲမည့်သူများသည် နိုင်ငံအစိုးရက အုပ်ချုပ်ရေး လုပ်ငန်း တာဝန်များကို အဆင်ပြေချောမွေ့စွာ လုပ်ဆောင်နိုင်ရေးကို အားဖြစ်စေရေးအတွက် ဦးတည် ရေးဆွဲနိုင်ရေးကို အလေးထားရမည် ဖြစ်သည်။ အကယ်၍ ဖွဲ့စည်းပုံ အခြေခံဥပဒေက အစိုးရ ခေါင်းဆောင်များ သို့မဟုတ် တဦးတယောက်က အာဏာထိန်းချုပ်ရေးကို အာမခံချက်ပေးထားသည့်  တပါတီ နိုင်ငံရေးစနစ်ကို ကျင့်သုံးရာရောက်နေပါက နိုင်ငံသူနိုင်ငံသားများ၏ လုပ်ပိုင်ခွင့်ကို ကန့်သတ် ချုပ်ချယ်ခြင်း ဖြစ်နေသောကြောင့် အဆိုပါနိုင်ငံသည် ဒီမိုကရေစီ ထွန်းကားသောနိုင်ငံ ဖြစ်လာမည် မဟုတ်ပေ။ အဆိုပါအချက်များကို ဖယ်ရှားပြုပြင်ပြီး ပြည်သူက ထိန်းချုပ်ကွပ်ကဲသော အစိုးရတရပ် ပေါ်ပေါက်လာရေးကို အာမခံမှသာလျှင် အဆိုပါနိုင်ငံတွင် ဒီမိုကရေစီ ထွန်းကားမည် ဖြစ်သည်။ ထိုကဲ့သို့သော အကြောင်းအချက်များကြောင့် ဒီမိုကရေစီကို “ပြည်သူများအတွက် ပြည်သူများက အုပ်ချုပ်သော နိုင်ငံရေးစနစ်တရပ်” ဖြစ်သည်ဟု ခေါ်ဆိုကြခြင်း ဖြစ်သည်။ ထို့ကြောင့် ပြည်သူ လူထုက ရွေးချယ်တင်မြောက်လိုက်သော အစိုးရ ဖြစ်တိုင်း၊ ဖွဲ့စည်းပုံ အခြေခံဥပဒေနှင့် ညီညွတ်တိုင်း ဒီမိုကရက်တစ် အစိုးရဖြစ်သည်ဟု မဆိုနိုင်ပေ။

ကျော်ကျော်စိုး

sayarkway@gmail.com

Dwonload file – Democratic Govt and Constitution for People

…………

ပြည်သူတွေရဲ့အလှည့်

ပြည်သူတွေရဲ့အလှည့်

၁။ နအဖ ကျင်းပမယ့် ရွေးကောက်ပွဲဟာ ဘယ်လိုရွေးကောက်ပွဲမျိုးလဲ။

၁၉၈၈ ခုနှစ်ကတည်းက စတင်ခဲ့တဲ့ စစ်တပ်ရဲ့ နိုင်ငံရေးအာဏာ ချုပ်ကိုင်မှုကို ဆက်လက် သက်ဆိုးရှည်အောင် လုပ်ပေးမယ့် ရွေးကောက်ပွဲ ဖြစ်ပါတယ်။

၂။ နအဖက ဘာကြောင့် ရွေးကောက်ပွဲ လုပ်ရတာလဲ။

စစ်တပ်ဆိုတဲ့ အမည်နဲ့ မြန်မာနိုင်ငံကို ဆက်လက် အုပ်ချုပ်လို့ မရဘူးဆိုတာကို နအဖစစ်ခေါင်းဆောင်တွေ လက်ခံထားတဲ့အတွက် စစ်တပ်အုပ်ချုပ်မှုကို အသွင်ပြောင်းပြီး မြန်မာနိုင်ငံမှာ လူထုကနေ  ရွေးကောက် တင်မြှောက်တဲ့ အရပ်သားအစိုးရ ရှိနေပါပြီ ဆိုတာကို နိုင်ငံတကာကိုပြဖို့ ရွေးကောက်ပွဲလုပ်တာဖြစ်ပါတယ်။

၃။ ဘယ်သူ့မှာ အဓိက အာဏာ ရှိမှာလဲ။

၂၀၀၈ ဖွဲ့စည်းပုံ အခြေခံဥပဒေအရ ကာကွယ်ရေး ဦးစီးချုပ်ဟာ အာဏာအရှိဆုံး ဖြစ်မှာပါ။ အနာဂတ် မြန်မာ နိုင်ငံမှာ စစ်တပ်က အစိုးရအဖွဲ့အတွင်းမှာ အဓိကကျတဲ့ သမတ၊ ပြည်ထဲရေး၊ ကာကွယ်ရေး၊ တရားရေး၊ နယ်စပ်ဖွံ့ဖြိုးရေး စတဲ့ ရာထူးတွေကို စစ်တပ်ကပဲ ရယူထားမှာပါ။ ကာကွယ်ရေးဦးစီးချုပ်ကို အရေးပေါ် အခြေအနေမှာ အာဏာသိမ်းနိုင်တယ် ဆိုပြီး အာမခံချက်ပေးထားပါတယ်။

၎။  နိုင်ငံတကာက ပြောသလို လွတ်လပ်ပြီး တရားမျှတတဲ့ ရွေးကောက်ပွဲ ဖြစ်မှာလား။

ရွေးကောက်ပွဲ ကော်မရှင်ကို နအဖစိတ်ကြိုက်လူတွေနဲ့ ဖွဲ့ထားပါတယ်။ ကော်မရှင် အကြီးအကဲဟာ စစ်ဥပဒေချုပ် ဖြစ်ခဲ့ပါတယ်။ နိုင်ငံရေးပါတီတွေကို မှတ်ပုံတင်တဲ့ကိစ္စ၊ နိုင်ငံရေးဟောပြောမှု၊ စည်းရုံးမှု စတာတွေကို တင်းကျပ်တဲ့ စည်းမျဉ်းတွေနဲ့ ချုပ်ကိုင်ထားပါတယ်။ ရွေးကောက်ပွဲဝင် မတ်လောင်းများ စဘော်ငွေ တင်ရမယ့်ကိစ္စ၊ အမည်စာရင်း တင်သွင်းရမယ့် နောက်ဆုံးသတ်မှတ်ရက် စတဲ့နေရာတွေမှာ အချိန်မမီ ငွေမမီ ဖြစ်အောင် လုပ်ထားပါတယ်။ လူထုနဲ့ ပါတီဝင်တွေကို စုံစမ်းစစ်ဆေး မေးမြန်းတာ၊ အာဏာပိုင် အဆင့်ဆင့်က အတိအလင်း ဓာတ်ပုံရိုက်ယူတာတွေဟာ သွယ်ဝိုက်တဲ့နည်းနဲ့ ခြိမ်းခြောက်တာ ဖြစ်ပါတယ်။ မဲပေးတဲ့နေ့မှာ ပြည်သူတွေ အနှောင့်အယှက် ကင်းကင်းနဲ့ လွတ်လွတ်လပ်လပ် မဲထည့်ရရုံနဲ့ လွတ်လပ်ပြီး တရားမျှတတဲ့ ရွေးကောက်ပွဲဆိုပြီး သတ်မှတ်လို့မရပါဘူး။

၅။ ဒေါ်အောင်ဆန်းစုကြည်ကို အဘယ်ကြောင့် ၁၉၉၀ ရွေးကောက်ပွဲနှင့် ၂၀၁၀ ရွေးကောက်ပွဲတွင် မပါဝင်နိုင်ရန် လုပ်ဆောင်ထားရသလဲ။

စစ်တပ်က အာဏာချုပ်ကိုင်ထားတာကို သူမတဦးတည်းသာ ခြိမ်းခြောက်နိုင်တယ်လို့ နအဖ စစ်ခေါင်းဆောင်တွေက ခိုင်ခိုင်မာမာ ယုံကြည်ထားလို့ဖြစ်ပါတယ်။ ဒေါ်အောင်ဆန်းစုကြည် နောက်မှာ လူထုက အမြဲရှိတယ်ဆိုတာ နအဖစစ် ခေါင်းဆောင်တွေ ကောင်းကောင်း နားလည်ထားလို့ ဖြစ်ပါတယ်။

၆။ ဘယ်သူတွေကို ရွေးကောက်ပွဲဝင်ခွင့်ပြုမှာလဲ။

ကြံ့ဖွတ်ပါတီ ကိုယ်စားပြုသူအားလုံး ရွေးကောက်ပွဲဝင်ခွင့် ရမှာပါ။ ကြံ့ဖွတ်အမတ်တွေကို သေချာပေါက် အနိုင်ယူနိုင်မယ့် ကျန်တဲ့ ၄၁ ပါတီက အမတ်လောင်းတွေကို ရွေးကောက်ပွဲမှာ ၀င်မပြိုင်နိုင်အောင် ဥပဒေ ပုဒ်မ စွဲချက်အမျိုးမျိုးနဲ့ တားမြစ်ပိတ်ပင်ဖို့ လုပ်မှာပါ။ လက်ရှိအုပ်ချုပ်နေတဲ့ ၀န်ကြီးချုပ်သိန်းစိန် ဦးဆောင်တဲ့ သူတွေအားလုံး ရွေးကောက်ပွဲမှာ အနိုင်ရအောင်လုပ်ပြီး ဒီလူတွေပဲ နအဖအစိုးရဆိုတဲ့ နေရာမှာ နာမည်ပြောင်းပြီး လူထုရွေးတဲ့ ဒီမိုကရက်တစ်အစိုးရ ဆိုပြီး လုပ်မှာပါ။

၇။ နိုင်ငံရေးပါတီတွေရဲ့အနေအထားဘယ်လိုရှိသလဲ။

အားလုံးသိတဲ့အတိုင်း ကြံ့ဖွတ်က နိုင်ငံပိုင် ပစ္စည်းဥစ္စာတွေကို ရထားတဲ့အပြင် လက်ရှိရာထူးတွေကို အသုံးပြုပြီး လူထုကို ငွေကြေးပစ္စည်းတွေ၊ အခွင့်အလမ်းတွေပေးပြီး စည်းရုံးနေပါတယ်။ ကျန်တဲ့ နိုင်ငံရေး ပါတီတွေဟာ ငွေကြေး၊ လူအင်အား၊ အချိန်နဲ့ အာဏာပိုင်တွေရဲ့ ကန့်သတ်မှု မျိုးစုံအောက်မှာ စည်းရုံးနေရပါတယ်။ စစ်တပ်ရဲ့ ကျောထောက်နောက်ခံ ပါတီတွေကလွဲပြီး ဘယ်ပါတီကမှ လွတ်လွတ်လပ်လပ်နဲ့ လှုပ်ရှားလို့မရပါဘူး။ ဒီမိုကရေစီ အစစ်အမှန် ထွန်းကားရမယ်လို့ ကြွေးကြော်ပြီး ရွေးကောက်ပွဲဝင်တဲ့ ပါတီတွေအနေနဲ့ စစ်တပ် လက်ဝါးကြီးအုပ်တဲ့ နိုင်ငံရေးစနစ် မြန်မာပြည်မှာ ခိုင်ခိုင်မာမာ ထွန်းကားရေးအတွက် အုတ်တချပ် သဲတပွင့်ပမာ ပါဝင်တဲ့ အဆင့်ထက် မကျော်နိုင်အောင် နအဖ စစ်ခေါင်းဆောင်တွေက လုပ်ထားမှာဖြစ်ပါတယ်။

၈။ ပြည်သူတွေ ဘယ်သူ့ကို မဲပေးမှာလဲ။

ပြည်သူတွေအနေနဲ့ ဘယ်သူ့ကိုမဲပေးရမလဲ ဆိုတာကို မစဉ်းစားခင်မှာ နံပတ် ၁ မေးခွန်းကို အရင်ဆုံး အလေးထား စဉ်းစားပြီးမှ မဲပေးဖို့ မပေးဖို့ကို ဆုံးဖြတ်သင့်ပါတယ်။ မြန်မာနိုင်ငံမှာ စစ်တပ် လက်ဝါးကြီးအုပ်တဲ့ နိုင်ငံရေးစနစ်တရပ် အခိုင်အမာ ပေါ်ထွန်းလာရေးအတွက် ကိုယ်ကိုယ်တိုင် ပါဝင်မလား မပါဝင်ဘူးလားဆိုတာ သေသေချာချာ စဉ်းစားဖို့လိုပါတယ်။

၉။ ပြည်သူတွေ ဘာလုပ်သင့်သလဲ။

၁၉၉၀ ခုနှစ်က ပြည်သူတွေ တာဝန်ကျေခဲ့ပါတယ်။ ပြည်သူအများစုက အဲန်အဲလ်ဒီပါတီကို မဲပေးခဲ့ပါတယ်။ အဲန်အဲလ်ဒီက ပြည်သူတွေ လိုလားတောင့်တတဲ့ စစ်မှန်တဲ့ ဒီမိုကရေစီ ထွန်းကားဖို့ နှစ်ပေါင်း ၂၀ အတွင်းမှာ မလုပ်ဆောင်နိုင်ခဲ့ပါဘူး။ အခုတခါ ပြည်သူတွေရဲ့အလှည့် ပြန်ရောက်လာပြန်ပါပြီ။ နိုင်ငံရေး အလှည့်အပြောင်းတခု ဆိုက်ရောက်ပါတော့မယ်။ စစ်တပ် ကြီးစိုးတဲ့ နိုင်ငံရေးစနစ်တရပ် မပေါ်ထွန်းဖို့ ပြည်သူတွေမှာ တာဝန်ရှိပါတယ်။ ဒီတော့ ရွေးကောက်ပွဲကို သပိတ်မှောက်နိုင်ရင် မှောက်ကြပါ။ ကြိုတင်မဲများ လုံးဝ(လုံးဝ) မထည့်ကြပါနဲ့။ မဲမပေးပဲနေလို့ရရင် မဲမပေးပါနဲ့။ မဲပေးရမယ့် အခြေဆိုက်ရင်လည်း ပယ်မဲဖြစ်အောင်လုပ်ပါ။ အမတ်လောင်း အားလုံးကို ကန့်ကွက်ပစ်ပါ။ မဲထည့်ဖို့ သွားမယ်ဆိုရင် ကိုယ့်ရဲ့ သားသမီး မြေးမြစ်တွေရဲ့ မျက်နှာတွေကို မြင်ယောင်ကြည့်ပါ။ မမွေးဖွားသေးတဲ့ ကိုယ့်ရဲ့ သွေးမျိုးဆက်တွေအတွက် မျှော်တွေးကြည့်ပါ။

ကျော်ကျော်စိုး

28-8-2010

sayarkway@gmail.com

ပြည်သူအားလုံးနှင့် သက်ဆိုင်သော ရွေးကောက်ပွဲ

ပြည်သူအားလုံးနှင့် သက်ဆိုင်သော ရွေးကောက်ပွဲ

၁။  ရွေးကောက်ပွဲ ဆိုသည်မှာ အဘယ်နည်း။

ရွေးကောက်ပွဲ ဆိုသည်မှာ နိုင်ငံတနိုင်ငံတွင် ဥပဒေပြုရေးရာ ကိစ္စများကို ပြည်သူများကိုယ်စား ဆောင်ရွက်မည့်သူများအား ပြည်သူများက ဆန္ဒပြုရွေးချယ်ခြင်း ဖြစ်သည်။ အချို့နိုင်ငံများတွင် ထိုကိုယ်စားလှယ်များသည် ဥပဒေပြု တာဝန်များကိုသာ ထမ်းဆောင်ကြသည်။ အုပ်ချုပ်ရေး တာဝန်များ အတွက် သမတကို တိုက်ရိုက် ရွေးချယ်ကာ သမတက သူ့စိတ်ကြိုက် ပုဂ္ဂိုလ်များဖြင့် အစိုးရဖွဲ့ကာ နိုင်ငံအုပ်ချုပ်ရေး တာဝန်များကို ယူသည်။ အမေရိကန်ပြည်ထောင်စုသည် ထိုစနစ်ကို ကျင့်သုံးသည်။ အချို့နိုင်ငံများတွင် ဥပဒေပြုအမတ်များက ရွေးချယ်သောသူများဖြင့် အစိုးရဖွဲ့ကာ အုပ်ချုပ်ရေးတာဝန်ကို ယူသည်။ ဥပမာ- ဗြိတိန်၊ ဂျပန် စသည်တို့ ဖြစ်သည်။

၂။  ရွေးကောက်ပွဲတွင် မဲဆန္ဒပေးပိုင်ခွင့် ရှိသူများ မည်သို့ ပါဝင်ကြမည်နည်း။

အချိန်ကာလ ပိုင်းခြားသတ်မှတ်ချက်တခုအတွင်း ဥပဒေပြုအာဏာကို ကိုင်တွယ် ကျင့်သုံးမည့် သူများကို ပြည်သူများ ဆန္ဒပြု ရွေးချယ်မှုသည် လွန်စွာ အရေးကြီးသည်။ ရွေးကောက်ပွဲ ဆိုသည်မှာ ပြည်သူအားလုံးနှင့် သက်ဆိုင်သော တနိုင်ငံလုံးအရေး ဖြစ်သည်။ မိမိတို့နိုင်ငံသားအဖြစ် ရှိနေသော နိုင်ငံအတွက် အရေးကြီးသော ကိစ္စဖြစ်သည်ကို နားလည်သဘောပေါက်ရန် လိုအပ်သည်။ မိမိတို့ နှစ်သက်သော ပုဂ္ဂိုလ်များကို ရွေးချယ် ဆန္ဒပြုပိုင်ခွင့် ရှိသည်၊ မိမိတို့ မနှစ်သက်သောသူများအား ကန့်ကွက်ပိုင်ခွင့် ရှိသည်၊ ရွေးကောက်ပွဲ ကျင်းပပုံ နည်းလမ်းနှင့် အခြေအနေများကို မနှစ်မြို့ပါက သပိတ်မှောက်ပိုင်ခွင့် ရှိသည်၊ ကန့်ကွက်ပိုင်ခွင့် ရှိသည်။ မဲပေးသောနေ့တွင် မဲမပေးပဲ နေပိုင်ခွင့် ရှိသည်၊ မဲပေးမှုဆိုင်ရာ လုပ်ထုံးလုပ်နည်းများနှင့်အညီ ပယ်မဲ ဖြစ်စေရန် လုပ်ပိုင်ခွင့် ရှိသည်။ ဤသို့သော လုပ်ဆောင်မှုများကို မိမိတဦးတည်းသဘောဖြင့် လွတ်လပ်စွာ ဆုံးဖြတ်ပိုင်ခွင့် ရှိသည်။ ဤသည်မှာ မဲဆန္ဒရှင် ပြည်သူများ၏ အခွင့်အရေး ဖြစ်သည်။ ထိုအခွင့်အရေးကို မိမိသဘောအတိုင်း ကျင့်သုံး အကောင်အထည်ဖော်ပိုင်ခွင့် ရှိသည်။ ရွေးကောက်ပွဲနှင့် ပတ်သက်သည့် အတင်းအကျပ် ပြုမှုများကို အခြား မဲဆန္ဒရှင်များအပေါ် မပြုမိရန် လိုအပ်သလို မိမိအပေါ် အတင်းအကျပ် ပြုလာခြင်းများကိုလည်း ခွင့်မပြုသင့်ပေ။

၃။  မဲပေးပိုင်ခွင့် မရှိသောသူများသည် မည်သို့သော အခန်းနေရာမှ ပါဝင်နိုင်သနည်း။

ဥပဒေ သတ်မှတ်ချက်အရ မဲပေးပိုင်ခွင့် မရှိသူများ (အသက်မပြည့်သူများ၊ ဘာသာရေးဆိုင်ရာ ၀န်ထမ်းများ၊ အခြား အခြေအနေအရ မဲပေးခွင့်မရှိဟု သတ်မှတ်ခံရသူများ) သည် ရွေးကောက်ပွဲ လေ့လာ စောင့်ကြည့်သူများ၊ ရွေးကောက်ပွဲ မှတ်တမ်းတင်သူများ၊ ရွေးကောက်ပွဲ သတင်းပေးပို့သူများ စသည့် လုပ်ငန်းတာဝန်များကို စေတနာ့ဝန်ထမ်းအဖြစ် ထမ်းဆောင်နိုင်သည်။ ဥပဒေ သတ်မှတ်ချက်အရ မဲပေးပိုင်ခွင့် မရှိသော်လည်း ရွေးကောက်ပွဲရလဒ်က မိမိတို့၏ နေ့စဉ်ဘ၀ ရှင်သန်လှုပ်ရှားမှုအပေါ် အကျိုးသက်ရောက်သည့်အတွက် ကိုယ်တိုင်ကိုယ်ကျ ပါဝင်ရန် လိုအပ်သည်။

၎။  ရွေးကောက်ပွဲကို သပိတ်မှောက်သူများသည် မည်သည့်နေရာမှ ပါဝင်နိုင်သနည်း။

ရွေးကောက်ပွဲ ဆိုသည်မှာ နိုင်ငံရေးအာဏာတရပ်ကို အစိုးရအဖွဲ့တခုမှ အခြားအစိုးရတခုသို့ လွှဲပြောင်းပေးရာတွင် အကောင်းဆုံးသော နည်းလမ်းတခု ဖြစ်သည်။ ဒီမိုကရေစီ ကျင့်စဉ်တခုကို လက်တွေ့ ဖော်ဆောင်သော နည်းလမ်းတခု ဖြစ်သည်။ သို့သော် နိုင်ငံရေးပါတီ တပါတီကသော်၎င်း၊ ပါတီများကသော်၎င်း ရွေးကောက်ပွဲတရပ်ကို ပါဝင် ယှဉ်ပြိုင်ခြင်း မပြုပဲ သပိတ်မှောက်ပိုင်ခွင့် ရှိသည်။ ထိုသို့ သပိတ်မှောက်ခြင်းအတွက် ပါတီများတွင် အကြောင်းရင်းများ ရှိသည်။ အာဏာရအစိုးရ သို့မဟုတ် အာဏာရပါတီ သို့မဟုတ် ရွေးကောက်ပွဲဝင် ပါတီတရပ်ရပ်က အသာစီးရစေမည့်လုပ်ရပ်၊ နည်းလမ်း၊ အခြေအနေများကို ဖန်တီးပေးထားခြင်း၊ (သို့) လက်ရှိ အာဏာ ချုပ်ကိုင်ထားသူများက ၄င်းတို့နှင့် အတိုက်အခံ ဖြစ်နေသော ပါတီများအား ကန့်သတ် ဟန့်တား ဖိနှိပ်မှုများ ပြုလုပ်သည့် အခြေအနေများကို ဖန်တီးထားသည်ဟု ယုံကြည်ခြင်း၊ (သို့) လွတ်လပ် တရားမျှတသော ရွေးကောက်ပွဲတရပ် ပေါ်ထွန်းနိုင်မည့် အခြေအနေ မဖြစ်နိုင်ဟု ယုံကြည်သော အကြောင်းရင်းများကြောင့် ဖြစ်သည်။ ထို့ကြောင့် ရွေးကောက်ပွဲကို သပိတ်မှောက်သည် ဆိုခြင်းမှာ ရွေးကောက်ပွဲနှင့် လုံးဝမသက်ဆိုင်ဟု ဆို၍မရပေ။ ရွေးကောက်ပွဲနှင့် တိုက်ရိုက်သော်၎င်း၊ သွယ်ဝိုက်၍သော်၎င်း သက်ဆိုင်သည်။

ထို့ကြောင့် သပိတ်မှောက် ပါတီများအနေဖြင့် မည်သို့သောအခြေအနေ အကြောင်းအချက်များသည် ဒီမိုကရေစီနှင့် ဖီလာဆန့်ကျင် ဖြစ်နေသည်၊ မည်သို့သော အကြောင်းအချက်များသည် အာဏာပိုင်များက ဖိနှိပ် ခြိမ်းခြောက် အနိုင်ကျင့်ရာ ရောက်နေသည်၊ မည်သို့သောလုပ်ရပ်များသည် မတရားမှု၊ တဖက်သတ် အားပေးမှု၊ ဘက်လိုက်မှုများ ပြုရာရောက်နေသည် စသည်တို့ကို ပြည်သူအားလုံး သိရှိစေရန် ဆောင်ရွက်ရမည့် တာဝန်ရှိသည်။

တချိန်တည်းမှာပင် မည်သို့သော အခြေအနေ အကြောင်းအချက်များသည် လွတ်လပ် တရားမျှတသော ရွေးကောက်ပွဲ ဖြစ်ပေါ်လာရေးအတွက် ဦးတည်စေသည်၊ အထောက်အကူ ဖြစ်စေသည် စသည်များကို အသိပေး ရှင်းလင်းပြရန်လည်း တာဝန်ရှိသည်။ တနည်းဆိုရသော် ရွေးကောက်ပွဲနှင့် သက်ဆိုင်သည့်အရာ အားလုံးကို ပြည်သူလူထု ရှင်းလင်းလွယ်ကူစွာ နားလည် သဘောပေါက်လာစေရန် ဆောင်ရွက်ပေးရမည့် တာဝန်ရှိသည်။

၅။  ရွေးကောက်ပွဲဝင်မည့် ပါတီများအနေဖြင့် မည်သို့ လုပ်ဆောင်သင့်သနည်း။

နိုင်ငံရေးပါတီများ ရွေးကောက်ပွဲဝင်ရသည့် အဓိက အကြောင်းရင်းမှာ မိမိပါတီ၏သဘောထား၊ အယူအဆ၊ မူဝါဒ၊ လုပ်ငန်းစဉ်များဖြင့် ပြည်သူလူထု အကျိုးအတွက် လုပ်ကိုင်ဆောင်ရွက်ခွင့်ရရန် ကြိုးပမ်းခြင်း ဖြစ်သည်။ ထို့ကြောင့် ပါတီများအနေဖြင့် ရွေးကောက်ပွဲ ၀င်ခွင့်ရလျှင် ပြီးရော၊ ပြည်သူလူထု အဆုံးအဖြတ်ကို ခံယူရန် အခြားပါတီများနှင့် ယှဉ်ပြိုင်မည် ဆိုသည့်သဘောထား ရပ်တည်ချက် တခုတည်းဖြင့် အလုပ် မဖြစ်ပေ။ ပြိုင်ဘက်ပါတီများ ကြီးသည်ဖြစ်စေ၊ ငယ်သည်ဖြစ်စေ၊ ပါတီအားလုံး တန်းတူညီမျှစွာဖြင့် ပါဝင် ယှဉ်ပြိုင်နိုင်ရေးကို အလေးထားရမည်ဖြစ်သည်။ ထိုအတွက် လုံလောက်သောအခြေအနေ ရှိ မရှိ ဆိုသည်ကို အမြဲမပြတ် လေ့လာပြီး လိုအပ်ချက်များ၊ မမျှမတမှုများကို အမြဲဖော်ထုတ် ပြောဆိုပြီး အာဏာပိုင်များ၊ ရွေးကောက်ပွဲ ကော်မရှင်ထံသို့ ပွင့်လင်းစွာ အသိပေး အကြောင်းကြားရမည်။ ရွေးကောက်ပွဲသည် ဒီမိုကရေစီ ကျင့်စဉ်တခု ဖြစ်သည့်အတွက် လွတ်လပ်မှု တရားမျှတမှု ရှိရေးသည် လွန်စွာ အရေးကြီးသည်၊ ထိုအချက်ကို ရွေးကောက်ပွဲဝင် ပါတီများအနေဖြင့် ကောင်းစွာ နားလည် သဘောပေါက်ပြီး လွတ်လပ်မှု တရားမျှတမှု ရှိရေးအတွက် လက်တွေ့ကျကျ မှန်ကန်စွာ ဖော်ဆောင်လာစေရေးကို ပွင့်ပွင့်လင်းလင်းနှင့် ပြတ်ပြတ်သားသားနှင့် ဖော်ထုတ်ရန် အရေးကြီးသည်။ ထိုသို့လုပ်ဆောင်ခြင်းဖြင့် ရွေးကောက်ပွဲဝင် ပါတီများသည် လူအများစု၏ ယုံကြည်ကိုးစားမှု ရရှိလာစေရေးကို များစွာ အထောက်အကူ ပြုပေသည်။

ကျော်ကျော်စိုး

28-9-2010

Email – sayarkway@gmail.com

…………..